Freyr - 01.04.1995, Blaðsíða 20
Úr fundarsal Búnaðarþings. í fremstu röð, taldir frá vinstri: Hilmar Össurarson, Jónas Helgason, Guðmundur Lárusson og
Guðmundur Jónsson. Önnur röð: Karl S. Björnsson, Ingi Tryggvason, Jón Gíslason og Georg Jón Jónsson. Þriðja röð: Gunnar
Sœmundsson, Bjarni Guðráðsson og Jónas Jónsson, búnaðarmálastjóri. Aftast situr Jón Baldvin Halldórsson, fréttamaður
RÚV. (Freysmynd).
henni þannig rekstrargrundvöll að
hun fái keppt á markaðnum á jafn-
réttisgrundvelli við aðrar greinar.
Jón Benediktsson, tók aftur til
máls. Hann ræddi stuttlega málefni
búgreinafélaganna.
Haukur Halldórsson. Hann fór
nokkrum orðum um undangengna
umræðu. Fyrst gerði hann að um-
talsefni hugmynd Guðmundar
Stefánssonar um hvort ekki væri
rétt og nauðsynlegt að samtökin
settu sér einhverskonar stefnuskrá
til að starfa eftir í náinni framtíð.
Hann var sammála Guðmundi um
að þarna þurfi að gera betur. Næst
fjallaði hann um hvernig staðið
væri að afurðasölumálum landbún-
aðarafurða. Hann spurði hvort
bændur væru nú komnir að þeim
vendipunkti að búvörulögin frá því
1985 væru orðin óviðunandi fyrir
bændur. Er ekki kominn tími fyrir
bændur að taka aftur yfir ábyrgðina
í eigin sölumálum. Hann var sam-
mála því að bændur ættu ekki að
vera smeykir við að gera kröfur á
hendur ríkisvaldinu. Grundvallar-
atriðið er að okkur takist að gera
nýjan samning við ríkisvaldið sem
sé ásættanlegur fyrir bændur.
Að lokum þakkaði forseti, Jón
Helgason, þingfulltrúum fyrir mál-
efnalegar umræður. Hann vék því
næst að mikilvægi þess að fjármagn
yrði tryggt til þess að standa að
markaðsathugunum fyrir kindakjöt
erlendis. Þá vék hann að GATT-
samningnum og skýrði hver væri
staða mála varðandi þá.
Fundur miðvikudaginn
15. mars kl. 22:00.
Kosningar:
Kosning formanns.
Atkvæði féllu svo:
Ari Teitsson hlaut 18 atkv.
Haukur Halldórsson hlaut 12 atkv.
Jón Helgason hlaut 9 atkv.
Varð þá gert fundarhlé í 10 mín-
útur.
Fundi var framhaldið kl. 22:30.
Fór þá fram bundin kosning milli
Ara og Hauks, samkvæmt hinum
nýju samþykktum Bændasamtaka
Islands.
Atkvæði féllu svo:
Ari Teitsson hlaut 22 atkvæði
Haukur Halldórsson hlaut 16 atkv.
Auður seðill 1
Ari Teitsson, hinn nýkjörni for-
maður Bændasamtakanna, kvaddi
sér hljóðs og þakkaði það traust
sem honum hefði verið sýnt. Hann
kvað erfið verkefni bíða og að
bændur landsins biðu eftir tillögum
forystumanna sinna til úrbóta.
Hann sagðist vænta góðs fulltingis
frá Búnaðarþingsfulltrúum í hinu
vandasama starfi sínu og óskaði
þess að þinginu mætti vel farnast.
Haukur Halldórsson tók til máls
og óskaði Ara, hinum nýkjöma for-
manni, til hamingju og hét honum
öllum þeim stuðningi er hann
mætti.
Jón Heigason tók þá til og mælti
að um leið og hann óskaði nýkjörn-
um formanni alls velfarnaðar í
starfi, vildi hann þakka fyrir sam-
starfið. Hann kvað mikilvægt að
allir stæðu vel saman, mundi hann
veita hinum nýkjöma formanni þau
ráð er hann hefði tiltæk, óskaði
148 FREYR - 4. '95