Litli Bergþór - 01.12.1988, Blaðsíða 25

árið. Um haustið samþykkti eigenda-
nefndin að leggj'a fyrir almennan sveitar-
fund tillögu um, “að hver verkfær
karlmaður í sveitinni 17-60 ára skuli
leggja fram 10 dagsverk í bygginguna eða
tilsvarandi upphæð í peningum og ógiftar
konur á sama aldri 5 dagsverk.”.
Þetta var samþykkt á sveitarfundi.
Þetta var svo innheimt eða unnið fyrir árin
1956 2 dagsverk og 1958 3 dagsverk,
1959 3 dagsverk og 1960 2 dagsverk.
Þessi skylduvinna skyldi deilast hlut-
fallslega á framlag hvers aðila við bygg-
inguna. Mestur hluti þessarar
skylduvinnu kom til skila. Haldnar voru
stórar hlutaveltur árin 1956, 1958 og
1959. Gefin voru út skuldabréf, til 15 ára
fyrir allt að kr. 300.000,- með 6%
ársvöxtum. Tekin voru lán til skamms
tíma. Ungmennafélagið reyndi með
happdrætti og var að öðru leyti ötult við að
reyna að safna fé til framkvæmdanna.
Arin 1957 og 1958 voru framkvæmdir við
húsbygginguna fremur hægar. En í árslok
1958 var kostnaður oriðnn alls kr.
500.000,-.
Félagsheimilasjóður var fjárvana.
“Það eru 33 félagsheimili í smíðum”, stóð
í einu bréfinu frá þeim. Svo var stundum
dráttur á vinnuteikningum. Teiknistofa
Gxsla Halldórssonar var líka með mörg
járn í eldinum.
En sumarið 1959 var húsið steypt
upp. Verkstjóri var Hróar Bjömsson.
Veturinn 1959-1960 var svo lagður hiti í
húsið og unnið að múrverki. Húsið var
fokhelt um haustið 1959. Þá í árslok var
kostnaður alls um 1,2 milljónir.
Ungm.fél. var þá búið að leggja fram alls
um 109 þús. eða ríflega sinn hlut.
Verkstjóri við innréttingar var Stefán
Kristjánsson. Blikksmiðjan Vogur
(framkvæmdastjóri Sveinn Sæm-
undsson) sá um og smíðaði loftræstikerfi.
Áfram var haldið. 2. janúar 1961 var
ákveðið að leita eftir tilboðum í kaup á
stólum og borðum í húsið. Einnig
bollapörum og glösum. Nú var farið að
huga að því að gera sam vinnusamning um
rekstur hússins, skipan húsnefndar. í
henni skildu vera þrír, einn frá hverjum
eignaraðila.
Og hvað átti svo húsið að heita?
Auglýst var eftir skriflegum tillögum sem
átti að skila til formanns eigendanefndar
fyrir20. maíl961. Fram komu tillögur að
yfir 50 nöfnum. í nefnd til þess að gera
ákveðnar tillögur um nafn, voru valdir:
sr.Guðmundur Óli Ólafsson, Þorsteinn á
Vatnsleysu og Sigurður í Haukadal. Á
nefndarfund í eigendanefnd 3. júlí 1961
kom greinargerð frá einum nefndar-
manni, Þorsteini á Vatnsleysu. Þar er
helst hallast að nafninu “Reykjafell”. Nú
hafði verið ákveðið að vígja húsið 9.júlí
1961. Kvöldið fyrir vígsludag kom eig-
endanefndin saman aðReykholti. Þá voru
í eigendanefndinni sama fólk og í upphafi,
að öðru leyti en því, að stundum var í stað
Einars Þorsteinssonar Loftur
Kristjánsson og Þórarinn Þorfinnsson í
stað Sigurðar Greipssonar. Á þennan fund
voru mættir Þorsteinn Sigurðsson
Vamsleysu, en hann hafði verið ráðinn
veislustjóri við vígsluna daginn eftir. Og
svo var Sigurður Greipsson. Hann bar
fram áþessum fundi breytingartillögu um
nafnið á húsinu: “Aratunga skal það
heita.”. “Samþykkt einróma”, stendur í
fundargerðinni.
Kostnaður við bygginguna var í
árslok 1961 kr. 4.422.133,81 ; þá eru
skuldir 1.870.831,49.
Skylduvinnuframlög alls kr. 181.789,-.
Samskot og gjafir alls kr. 208.656,-.
Ágóði af hlutaveltum “ “ 144.364,-.
Seld skuldabréf “ “ 209.000,-.
Hinn 9. júlí 1961 var haldin fjölmenn
og vegleg vígluhátið með boðsgestum frá
nágrannafélögum, menntamálaráðuneyti
og. fl. Það var létt og bjart yfir þessum
vígsludegi. Glímuskjálfti for-
göngumannanna var horfinn. Glæsilegt
hús var risið. Brotið var blað í aðstöðu til
félagsmálastarfsemi í sveitinni.
Formaður eigendanefndar Helgi Kr.
Einarsson afhenti formanni húsnefndar
Sigurður Erlendssyni Vatnsleysu lykil
hússins. Félagsheimilið Aratunga var
formlega tekið í notkun.
^ÝLAGNIK
VIÐHAKÐ jENS pétur JÓHANNSSON
LOGGILTUR RAFVERKTAKI
SÍMI 98-68845 - LAUGARÁSI BISKUPSTUNGUM
E
Litli Bergþór
25