Skólablaðið - 01.05.1992, Page 48

48 SKÓLABLAÐIÐ
LEIKDÓMUR
Salka Valka á Herranótt
— eftir Hrannar Má Sigurðsson IV.M.
Herranótt hefur tekið til sýninga söguna af Sölku
Völku eftir Halldór Laxness. Það er án efa erfitt
að koma svo stóru og krefjandi verki á fjalirnar
en Herranótt leysir verkefnið vel af hendi og kemur þess-
ari víðfeðmu baráttusögu af sjálfstæðri manneskju ágæt-
lega til skila. Uppfærslan er góð og orkar eins og atóm-
bomba á mann hversu vel áhugaleikhópur túlkar mikið
verk. Leikstjóri hefur átt góða samvinnu við leikendur og
á lof skilið.
Einföld og fábrotin leikmynd er í senn sterk og laus við
alla óþarfa auka leikmuni. Lýsing og leikmynd ná ágæt-
lega saman og umhverfið breytist í raun eftir stöðum, þó
að sama leikmyndin sé á sviðinu út allt verkið.
Leikarar unnu verk sín vel og samvinnan í hópatriðum
var einstaklega kraftmikil. Söngatriði voru líka þrungin
orku.
Sólveig Arnarsdóttir og Gréta María Bergsdóttir, sem
leika mæðgurnar Sölku og Sigurlínu, vinna vel saman og
kippir Sólveigu heldur betur í kynið, því að hún túlkar
hlutverk sitt, Sölku, á svo kynngimagnaðan hátt að maður
fellur í stafi. Gréta leikur af innsæi og snertir áhorfandann
djúpt, þegar hún sýnir eymd og volæði Sigurlínu rétt áður
en hún gengur í sjóinn. Sólveig leikur Sölku á yngri árum,
en Berglind Hálfdánsdóttir leikur hana, þegar hún er tek-
in að stálpast. Berglind sýnir góðan leik og kemur á óvart
undir lok leikritsins, þegar hún tjáir skýrt örvæntingu
Sölku á kveðjustund hennar og Arnalds. Guðmundur
Steingrímsson skilar hlutverki sínu með prýði og þegar
hann er á sviðinu, sér maður Arnald fyrir sér sem ungan
saklausan dreng, feiminn og ástfanginn, og svo sem reynd-
an, veraldarvanan mann uppfullan af bolsévisma. Frank
Þórir Hall átti einnig prýðilegan leik sem Steinþór Steins-
son; fylliraftur, sjómaður og mikilmenni. Andri Steinþór
Björnsson stingur í stúf við aðra leikendur og á líflegan og
frábrugðinn leik sem yfirgangssamur pabbadrengur.
Helga Haraldsdóttir átti einnig ágætan leik eins og reynd-
ar leikendur flestir.
Tónlistin var áhrifamikil og hljómsveitarmeðlimir gerð-
ir að virkum þátttakendum í sýningunni, hvort sem er á
fundi hjá hernum eða í kröfugöngu verkalýðsfélagsins.
í lok sumra atriða fannst mér ljósin slökkt aðeins of
snemma og áhrifamáttur atriðanna þar með stífður. Skipt-
ingum milli atriða hættu til að vera of stuttar eða óljósar,
sér í lagi þegar langur tími leið milli atriða.
Annars er leikritið með ágætum vel unnið og sannfær-
andi. Leikurinn er lifandi og virkilega skemmtilegur.
Leikmyndin er unnin af kostgæfni og tónlistin hrífandi.
Uppfærslan í heild sinni er til fyrirmyndar.
Höfundur er í Selsnefnd.
„Þetta unga leikhúsfólk rœðst
ekki ó garðinn þar sem hann
er lœgstur, því Salka Valka er
stórt verkefni fyrir nemendur
í menntaskóla. “
- Úr leikdómi Mbl. 10. mars.
HERA.
Njqr
Fallegar konur eiga að vera heimskar. - Davíð Þorsteinsson.