Árbók VFÍ - 01.06.1992, Page 115
TækniannáH 1991 113
Vöruskiptajöfnuður: Vöruskiptajöfnuðurinn var óhagstæður um 3,1 mia.kr., tæplega 1% af
landsframleiðslu. Arið 1990 var hann hins vegar hagstæður um 4,8 mia.kr., sem samsvarar
1,4% af landsframleiðslu. Viðunandi jafnvægi hefur ríkt í vöruviðskiptum við útlönd flest
undanfarin ár. Síðasta ár skar sig því nokkuð úr.
Þjónustujöfnuður: Þjónustujöfnuður án vaxta var óhagstæður um 650 m.kr. í fyrra, borið
saman við 2 mia.kr. hagstæðan jöfnuð árið 1990. Vegur þar þyngst að tekjur af erlendum
ferðamönnum drógust saman og útgjöld vegna dvalarkostnaðar íslendinga erlendis jókst stór-
lega.
Vaxtajöfnuður: Vaxtajöfnuður var óhagstæður um 14,8 mia.kr. í fyrra. Vextir af erlendum
skuldum vega sem fyrr þyngst í þessum lið, en þær námu á síðasta ári um 16,5 mia.kr.
3 Verkfræðingar
3.1 Almennt um verkfræðinga
Verkefni fyrir verkfræðinga höfðu dregist saman á árinu 1990, þó án þess að atvinnuleysi yrði
útbreitt. Framan af ári 1991 ríkti bjartsýni meðal verkfræðinga um batnandi atvinnuhorfur
vegna fyrirhugaðs álvers á Keilisnesi og öllurn þeim framkvæmdum sem tengjast slíkri stór-
framkvæmd. Það kom eins og köld vatnsgusa yfir verkfræðinga og reyndar allt þjóðfélagið
þegar tilkynnt var í byrjun nóvember 1991 að Atlantal-fyrirtækin hefðu ákveðið að fresta um
óákveðinn tíma ákvörðun um byggingu álvers á Keilisnesi. Atvinnuhorfur verkfræðinga voru
því slæmar í árslok 1991 og víða fyrirsjáanlegur samdráttur í verkefnum fyrirtækja og jafnvel
atvinnuleysi yfirvofandi.
3.2 Verkfræðingafélag íslands
Skýrsla stjórnar um starfsemi Verkfræðingafélags íslands 1990/1991 er fremst í árbókinni og
er þeim sem áhuga hafa á félagslegri starfsemi verkfræðinga bent á að lesa hana.
Megináhersla á starfsárinu 1990/1991 var að fylgja eftir fjárhagslegri endurreisn VFÍ, sem
staðið hefur undanfarin þrjú til fjögur ár. Fjármál félagsins hafa tekið stakkaskiptum til hins
betra á þessum árum og er það ekki lengur í botnlausum skuldum.
Mikið áhyggjuefni meðal verkfræðinga í VFI er almennt áhugaleysi meðal verkfræðinga
fyrir félaginu. Nokkur brögð hafa verið af því undanfarin ár að verkfræðingar hafa gengið úr
félaginu og margir nýútskrifaðir verkfræðingar hafa ekki gengið í félagið. Til dæmis voru á
síðasta starfsári aðeins 5 verkfræðingar sem sóttu um inngöngu í VFÍ af þeim 45 umsækjendum,
sem útskrifaðir voru frá Háskóla íslands og sóttu um leyfi til að kalla sig verkfræðing. Áður
fyrr gengu útskrifaðir verkfræðingar nær undantekningarlaust í VFÍ.
Þessi þróun hefur átt sér all langan aðdraganda og stafar af röngum áherslum félagsins á
liðnum áratug. Ber þar hæst átök innan félagsins um byggingu verkfræðingahúss og fjárhags-
óreiðuna sem fylgdi í kjölfarið.
Á starfsárinu gengu 22 í félagið sem fullgildir félagar oglO sem ungfélagar, þ.e. alls 32 fél-
agar. Ursagnir úr félaginu voru 39. Látnir félagar á árinu voru 4. Skráðir félagar voru 1030.
Það var mælt með að 79 umsækjendur fengju leyfi til að kalla sig verkfræðing af þeim 85 um-
sóknum sem bárust.
Þann 19. desember 1991 tóku gildi lög um aukatekjur ríkissjóðs um að leyfi til að nota
starfsheitið verkfræðingur skyldi kosta 25.000 kr. í stað 1.500 kr. Lögin gilda einnig fyrir ýmsa
aðra sérfræðinga. Þessu var að sjálfsögðu mótmælt.