Árbók VFÍ/TFÍ - 01.06.1999, Page 34
32 Árbók VFÍ/TFÍ 1998/99
Orðanefnd byggingamefndar, vinnuhópur A, á fundi: Frá vinstri: Guttormur Þormar, Axel
Sigurðsson lyfjafrœðingur, Ólafur Jensson, Einar B. Pálsson og Páll Flygenring. (Ljósm. Sigrún
S. Hafstein)
Vinnuhópur A: I honum voru á árinu 1998 þeir Bragi Þorsteinsson, Einar B. Pálsson,
Eymundur Runólfsson, Gísli Valdimarsson, Guttormur Þormar, Olafur Jensson, Páll
Flygenring og Sigmundur Freysteinsson.
Fundir voru haldnir reglulega einu sinni í viku, síðdegis á þriðjudögum, nema um
hásumarið. Þeir voru haldnir í húsakynnum Landsvirkjunar að Fláaleitisbraut 68. Enn sem
fyrr á Orðanefnd Landsvirkjun þökk að gjalda fyrir gestrisni og Vegagerðinni fyrir fyrir-
greiðslu vegna fundahaldanna. Vinnuhópurinn hélt 33 fundi árið 1998 og hafði í árslok
haldið alls 608 fundi frá 1980. Einkum var unnið að því að búa íðorðasafnið um fráveitur,
úrgangsumsýslu, umhverfismál og mengun undir prentun. Eftir að ísland varð aðili að
Evrópska efnahagssvæðinu hefur ljölgað mjög þeim hugtökum sem ræða og rita þarf um á
íslensku. Þetta safn er nú komið vel yfir 1100 hugtök, sem er miklu meira en áður var ætlað.
Vinnuhópur B: I honum voru Benedikt Halldórsson, Bjarni Bessason, Einar B. Pálsson,
Olafur Jensson, Ragnar Sigbjörnsson og Sigurður Erlingsson. Þessi hópur hefur einkum
unnið á sviði jarðeðlisfræði, um jarðskjálfta og skjálftavá og einnig aflfræði. Nefndarmenn
eru háskólakennarar, að Ólafi og Einari undanskildum. Fundir eru haldnir í
Verkfræðistofnun Háskóla Islands.
Orðasafnið um jarðskjálfta og skjálftavá hefur þegar verið gefíð út sem hluti af orðasafni
um jarðfræði. Næst liggur fyrir að fullgera orðasafn um tækniaflfræði, sem nefndin hefur
þegar unnið mikið að. Ekki tókst að þoka því verki mikið áfram árið 1998 vegna þess hve
háskólakennararnir voru aðþrengdir með tíma.
Arið 1998 hélt vinnuhópurinn aðeins tvo fundi og hafði í árslok 1998 haldið alls 126
fundi frá upphafi, 1988.