Árbók VFÍ/TFÍ - 01.06.1999, Page 55

Félagsmál VFÍ/TFÍ 53
Ekki tókst að fá fram viðunandi breytingar á skipulags- og byggingarlögum á síðasta
þingi þrátt íyrir ítrekaðar tilraunir en vonir standa til að strax eftir kosningar verði skipuð
nefnd til að endurskoða lögin. Lögin sem samþykkt voru á vorþingi 1997 tóku verulegum
breytingum frá því að TFI gaf umsögn sína um þau. Breytingin átti sér stað hjá þingnefnd-
inni á milli fyrstu og þriðju umræðu án þess að félagið hefði þar einhver áhrif. Lögin eru nú
allsendis óviðunandi fyrir verk- og tæknifræðinga.
Unnið hefur verið að réttindamálum skipahönnuða á starfsárinu og m.a. áttu formaður
og framkvæmdastjóri fund með samgönguráðherra um málið. Mál þetta á enn nokkuð í land
en stjórnin mun vinna áfram að því.
KTFÍ og STFÍ: Innan TFÍ starfar Kjarafélag TFÍ. Félagið gerir kjarasamninga fyrir félags-
menn er starfa hjá ríki og sveitarfélögum, auk FRV. Þannig má ætla að félagið sjái beint um
kjarasamninga fyrir um 45% félagsmanna. Þá gefur félagið út viðmiðunarlaunatöflu fyrir
tæknifræðinga sem starfa hjá einkafyrirtækjum og verktökum. Á árinu gaf KTFÍ út
Kjarabók um samninga félagsins við ríki og Reykjavíkurborg. Kjarakönnun var gerð meðal
félaga KTFÍ og STFÍ síðari hluta árs 1998 og kom hún út fyrir aðalfundi KTFÍ og STFÍ í
febrúar 1999. STFl hefur starfað að hagsmunamálum sjálfstætt starfandi tæknifræðinga og
stjórnenda. Utbúið hefur verið ráðningarsamningsform sem tæknifræðingar geta fengið til
leiðbeiningar.
Menntunarmál tæknifræðinga og verkfræðinga og samstarf við TÍ:
Tæknifræðingafélag Islands stendur vörð um gæði tæknifræðimenntunarinnar og hefur eftir-
lit með því að þeir einir fái leyfi til að nota tæknifræðingastarfsheitið sem útskrifast hafa
með viðurkennda prófgráðu.
Mikið og gott samstarf hefur verið milli TFÍ og VFÍ og fyrir nokkrum árum gáfu félögin
sameiginlega út stefnuyfirlýsingu í menntunarmálum tæknifræðinga og verkfræðinga. Á
síðasta starfsári skiluðu TFÍ og VFÍ sameiginlegu áliti til menntamálaráðherra um skipan
tæknináms á háskólastigi.
Menntamálaráðherra lét smíða drög að frumvarpi til laga um Tækniháskóla íslands. Þó
svo að hann muni ekki leggja það frumvarp fram á þessu þingi og skiluðu TFÍ og VFÍ
sameiginlegu álili til menntamálaráðherra þar sem félögin leggja áherslu á stofnun eins
tækniháskóla með „tveimur brautum í hverri deild og skor. Sérstök áhersla verði lögð á góð
tengsl við atvinnulífið, og að iðnaðarmönnum verði áfram gert mögulegt að sækja sér nánt
á háskólastigi sem hafi beina skírskotun til grunnnáms þeirra. Þá verði lögð áhersla á rekstrar-
og stjórnunarlegt sjálfstæði hins nýja tækniháskóla."
Endurmenntunarniál tæknifræðinga og verkfræðinga: Sjá kafla um endurmenntunar-
mál tæknifræðinga og verkfræðinga í kafla um sameiginlegan rekstur VFÍ/TFÍ.
í maí var undirritaður samstarfssamningur milli TFÍ og Rafiðnaðarskólans um
gagnkvæmt samstarf á sviði endurmenntunar. Með samningnum fá félagsmenn í TFÍ 33%
afslátt að almennum námskeiðum Rafiðnaðarskólans, en 25% afslátt af lengri námskeiðum.
Samningurinn var sá fyrsti sem Rafiðnaðarskólinn gerði við félag utan Rafiðnaðarsam-
bandsins.
Útgáfumál: Sjá kafla um útgáfumál í kafla um sameiginlegan rekstur VFÍ/TFÍ.