Árbók VFÍ/TFÍ - 01.06.1999, Blaðsíða 190

188 Árbók VFÍ/TFÍ 1998/99
Sultartangavirkjun
Framkvæmdum var haldið áfram við Sultartangavirkjun. Byggingarframkvæmdir voru í
hámarki á árinu en fyrri vél virkjunarinnar verður tilbúin til rekstrar 15. nóvember 1999 og
seinni vélin 31. janúar 2000. Uppsteypu á aðalhluta stöðvarhúss lauk á árinu og er húsið
orðið fokhelt. Stöðvarhúskranar voru settir upp og teknir í notkun. Lokið var niðursetningu
sogrása og snigils vélar 1 og steypt að sográsum. Uppsetningu á þrýstipípum lauk og
umsteypa þeirra hófst. Uppsteypu tengivirkishúss lauk og húsið var gert fokhelt. Uppsteypa
inntaks komst vel á veg. Hafin var vinna við breikkun og hækkun Sultartangastíflu. Unnið
var samfellt að gerð aðrennslisganga en þau eru grafin í tveimur þrepum, fyrst tæplega hálft
gangaþversnið efst og síðan neðri hluti. Brotið var í gegn á efri hluta ganganna í nóvember
og hafinn gröftur á neðri hlutanum. Unnið var samfellt að greftri á frárennslisskurði.
Gröfturinn hefur gengið vel enda hefúr lág grunnvatnsstaða verið verktaka hagstæð.
Endurbætur á stöðvum
Búrfellsstöð
A árinu 1998 var lokið við endurbætur á hverflum Búrfellsstöðvar og hafa þar með verið sett
ný vatnshjól í alla sex hverfla stöðvarinnar. Við þetta jókst heildarafl stöðvarinnar úr 210
MW í 270 MW. Aflaukningin byggist á betri nýtni og auknu rennsli gegnum vélar. Þá voru
gangráðar og vélaspennir endurnýjaðir en unnið er að endurnýjun straumskinna, vélarofa,
segulmögnunarkerfa og spennustilla. Einnig var unnið við gagngera lagfæringu á árlokum
stöðvarinnar en verkið er unnið í áföngum, þannig að ein loka er lagfærð á hverju ári.
Kröflustöð
Kröflustöð starfar nú í fyrsta skipti með þeim afköstum sem henni voru ætluð þegar ráðist
var í byggingu stöðvarinnar árið 1974. Afl stöðvarinnar er nú 60 MW en á árinu 1998 var
lokið við tengingar á vinnsluholum sem boraðar voru árið 1997. Boruð var ein ný
vinnsluhola á árinu 1998 auk þess sem ijórar eldri holur voru hreinsaðar. Alls hafa verið
boraðar 33 holur í tengslum við Kröflustöð en 15-17 holur eru nýttar. Smíðaðir voru og
settir upp nýir gufuháfar við skiljustöð og lokahús og framkvæmdum lokið við endurnýjun
endabúnaðar rafala vélar 1 auk endurnýjunar á lágspennukerfum vélarinnar.
Sogsstöðvar
Framkvæmdum við endurnýjun Sogsstöðvanna var fram haldið af fullum krafti á árinu sem
leið. Lokið var við uppsetningu nýs 66 kV tengivirkis við Ljósafossstöð og einnig
framkvæmdum á jarðhæð austurálmu stöðvarinnar. Þá var lokið við uppsetningu á helmingi
nýs 11 kV rofabúnaðar auk þess sem unnið var að endumýjun á Ljósafossstíflu og einni af
árlokum hennar. Með endurnýjun búnaðar í Ljósafossstöð verður til rými sem nota á til
sýninga og móttöku gesta í framtíðinni. Árið 2000 verður listasýning í stöðinni í samvinnu
við Félag íslenskra myndlistarmanna. í írafossstöð var unnið við uppsetningu nýrra
lágspennudreifinga. Öllum byggingarframkvæmdum við Steingrímsstöð er nú lokið en