Árbók VFÍ/TFÍ - 01.06.1999, Page 228
226
Árbók VFÍ/TFÍ 1998/99
1. Mjög lágt hlutfall spilliefna er í heimilissorpinu.
2. Hátt hlutfall endurvinnanlegra efna sem nú þegar eiga sér skilgreindan farveg, sbr.
meðfylgjandi töflu. Þetta vekur spurningar um núverandi leiðir og framtíðarlausnir.
Þróunar- og tæknideild
Eftir að Sorpa hóf störf kom fljótlega í ljós þörf fyrir ráðgjöf í sorpmálum, bæði frá
einkaaðilum og opinberum aðilum. Þá varð einnig ljóst að ung fyrirtæki, sem áttu sér ekki
fordæmi eða hliðstæðu í sorphirðubransanum, þyrftu á næstu árum að vinna mikið þróunar-
starf. I Ijósi þessara staðreynda var stofnuð þróunar- og tæknideild Sorpu um áramótin
1992-1993. Magnús Stephensen byggingatæknifræðingur var ráðinn deildarstjóri og hefur
hann haft yfirumsjón með rekstri og þróun endurvinnslustöðva, urðunarstaðar og skýrslum
um sorphirðu í ýmsum landshlutum sem unnar voru ásamt verk- og jarðfræðiþjónustu
Stuðuls og Verkfræðistofu Guðmundar og Kristjáns. Einnig var unnið að þróun inarkaðar
fyrir nytjahluti, sett af stað tilraunaverkefni í jarðgerð garðaúrgangs, innsöfnun drykkjar-
ferna, ásamt fleiru.
Endurvinnslustöðvar
Flest þekkjum við þessar stöðvar undir heitinu gámastöðvar. Þær er að finna víðs vegar um
höfuðborgarsvaæðið og eru átta alls. Þar gefst almenningi og smærri fyrirtækjum kostur á
að koma með úrgang til endurnýtingar. Almenningur notar þessar stöðvar án endurgjalds
þegar komið er með almennan heimilisúrgang þar sem við greiðum úrgangskostnað okkar í
gegnuin sorphirðugjöld en fyrirtæki greiða fyrir þessa lijónustu.
Forsenda endurvinnslu er góð flokkun (forflokkun) og á hún að fara fram áður en komið
er á endurvinnslustöð. Styttir það viðkomuna á stöðinni, auðveldar losun og hindrar
biðraðamyndun. Þegar komið er á stöðina með vel forflokkaðan úrgang skal farið með hvern
flokk í sinn gám en þeir eru allir vel merktir.
Starfsmenn stöðvanna veita aðstoð sína við flokkun ef þarf og leiðbeina öllum þeim er
leggja leið sína á stöðvarnar.
Molta
Sumarið 1994 fór í gang tilraunaverkefni með úrvinnslu á garðaúrgangi, grasi og kurluðum
trjágreinum. Verkefnisstjóri var Björn Guðbrandur Jónsson og stóð tilraunin í tvö ár. Gefín
var út skýrsla, Jarðgerð garðaúrgangs af höfuðborgarsvœðinu, um verkefnið.
Gerð var tilraun með tvær aðferðir, beðju- og múgaaðferð. í Ijós kom að múgaaðferðin
reyndist henta betur en verkunin tekur 10-12 vikur. Þessi aðferð er reyndar plássfrek og
kostar nokkra yfirlegu og snúning með múgasnerli. Efnið sem fæst með þessari aðferð er
mjög hreint og gott gróðurefni, laust við illgresisfræ og fullt af áburðarefnum með lang-
tímaverkun. Hafsteinn Hafliðason lagði til orðið „molta“ og þótti það tilvalið nafn fyrir
afurð jarðgerðar.
Sorpa hóf samstarf við verktaka er útvegaði mölunartæki fyrir trjágreinar sumarið 1995.
Með tilkomu trjágreinatætarans hefur flutningur á trjágreinum minnkað frá endur-