Bændablaðið - 12.04.2005, Síða 12

12 Þriðjudagur 12. apríl 2005
Í síðasta Bændablaði var viðtal
við Arinbjörn Vilhjálmsson,
skipulagsfulltrúa uppsveita Ár-
nessýslu, en hann var í hópi
uppsveitunga sem fóru til Dan-
merkur, Noregs og Svíþjóðar að
kynna sér skipulag frístunda-
byggða og menningartengda
ferðaþjónustu.
Arinbjörn sagði m.a. að eitt
það athyglisverðasta sem fram
kom í ferðinni var að á Norður-
Sjálandi er ekki lengur hægt að fá
land undir sumarbústað. Þar segja
menn að ef ekki verði stöðvuð út-
hlutun sumarbústaðalóða verði
ekkert eftir af opnum svæðum og
landbúnaður í hættu. Sá sem á 10
hektara land eða stærra er með
búrekstrarskyldu á landi sínu. Þá
kom það líka fram að á Norður-
Sjálandi eru yfirvöld með viðvist-
arreglur fyrir frístundahúseigend-
ur. Frá því í október og fram í
apríl má fólk ekki vera í bústöð-
um sínum nema um helgar. Þetta
er gert til að koma í veg fyrir að
fólk búi í bústöðunum allt árið.
Þetta viðtal hefur vakið at-
hygli margra ekki síst fyrir það að
hér á landi eru þessu þveröfugt
farið. Hér eru engar hömlur á
landsölu og ekki lengur búrekstr-
arskylda eftir að nýju jarðarlögin
tóku gildi í fyrra.
Guðni Ágústsson landbúnað-
arráðherra var spurður hvort ekki
hefði verið rétt að halda búrekstr-
arskyldunni inni í jarðarlögunum.
Hann sagðist ekki telja það vegna
þess að það ákvæði hefði verið í
eldri lögunum en sveitarfélögin
hefðu ekki getað staðið undir
þeirri skyldu sem á þau var lögð
að halda jörðum í ábúð.
Hann benti á að Danir væru
landlitlir og væru að tapa landi úr
landbúnaði sem þeir mega alls
ekki við. Þeir þurfi að vera gætnir
og fara vel með land.
,,Við þurfum að fara að dæmi
nágranna okkar og fara vel með
ræktunarland og hreinlega að
varðveita það. Við eigum nóg af
óræktuðu landi til að byggja á
sumarhús fyrir fólkið í þéttbýlinu.
Við þurfum hins vegar að vaka
yfir góðum bújörðum og setja
ekki skóg, sumarhús eða annað á
land sem getur framleitt korn svo
dæmi sé tekið,“ sagði Guðni Ág-
ústsson.
Guðmundur Jón Guðmundsson,
bóndi í Holtsseli í Eyjafirði, stað-
festi í samtali við Bændablaðið
að hann og kona hans, Guðrún
Eyjólfsdóttir, hefðu sótt um leyfi
til Umhverfisstofnunar til að
koma sér upp ísgerð á Holtsseli.
Guðmundur sagði að þau hefðu
farið til Hollands til að skoða ís-
gerðarvél en aðeins ein tegund
kemur til greina ef af þessu
verður.
Í Evrópu eru um það bil 2 þús-
und bændur sem vinna saman und-
ir merkinu Farmhouse icecream og
ísgerðarvélin er einkaleyfisvernd-
uð og ákveðinn fjöldi véla er
skammtaður inn á ákveðin svæði.
Miðað við stærð Íslands myndu
vera leyfðar tvær ísgerðarvélar á
landinu. Guðmundur segir að vélin
líti mjög svipað út og þær ísgerð-
arvélar sem fólk sér í ísbúðunum.
Hún skiptist í tvö hólf. Í efra hólfið
er mjólkin og rjóminn sett ásamt
bragðefnum. Vélin gerilsneyðir
mjólkina og rjómann og eftir það
rennur þetta niður í neðra hólfið
þar sem ísinn verður til. Til eru
mjög margar tegundir umbúða,
bæði litlar og stórar, sem hægt er
að fá undir ísinn.
Ísgerðarvél af þessari tegund
afkastar 300 lítrum af ís á dag og
sagði Guðmundur að þau myndu
taka eigin mjólk til framleiðslunn-
ar enda er þetta fyrst og fremst
heimilisframleiðsla. Um er að
ræða ís í háum gæðaflokki án allra
aukaefna. Í Evrópu er stærsti
markhópurinn góðir veitingastaðir.
Hægt er að fá aðgang að 400 upp-
skriftum af ís með ísgerðarvélinni.
Bændurnir í Holtsseli í Eyjafirði
Hafa sótt um
leyfi til ísgerðar
Útibú Véla og
Þjónustu Óseyri 1
Akureyri lokað
Vélar og Þjónustu hefur ákveðið
að hefja samstarf við verkstæðið
Trukkinn á Akureyri og um leið
að loka verslun sinni að Óseyri
1A. Með þessu er verið að bæta
þjónustu við viðskiptavini og
færa verlsun og verkstæði undir
einn hatt. Þar verður til staðar
fullkomið verkstæði og varahluta-
sala í nýju og mjög rúmgóðu hús-
næði. Verkstæðið er vel tækjum
búið og vel mannað og það hefur
yfir að ráða reynslumiklum við-
gerðarmönnum. Í varahlutaversl-
un er Baldvin, fyrrverandi starfs-
maður Véla og Þjónustu og kem-
ur hann með mikla reynslu og
þekkingu með sér í nýja starfið.
Staðsetning Trukksins er við
Hjalteyrargötu 8 og aðalsími 460-
7700, beinn sími verslun 460-
7707 og beinn sími verkstæði er
460-7703. Veffang er trukkur-
inn@trukkurinn.is
Frekari upplysingar eru á
www.velar.is
Á Norður-Sjálandi er
ekki lengur hægt að fá
land undir sumarbústaði
Ótti manna vex um að fugla-
flensan í Asíu verði að alheims-
faraldri og minkaði ekki við
það að veikinnar varð vart í N-
Kóreu en fram til þessa hefur
mest borið á veikinni í Víet-
nam. Haraldur Briem sótt-
varnalæknir sagði í sjónvarp-
sviðtali þegar fréttirnar bárust
frá N-Kóreu að hættan á al-
heimsfaraldri væri mikil. Hann
sagði að hér á landi væri unnið
að viðbúnaði vegna þessa og
væri verið að skoða ýmsar leið-
ir. Meðal þess sem hann
nefndi var að loka landinu al-
veg, það væri leið til að verjast
slíkri vá.
Bændablaðið spurði Harald
hvort það hafi verið kannað
hvort Íslendingar gætu brauð-
fætt sig ef landinu yrði lokað.
Hann sagði að þessari spurn-
ingu veltu menn fyrir sér ef
grípa þyrfti til svo róttækra
ráðstafana. Hvað þola Íslend-
ingar lengi við ef allir aðdrætt-
ir stöðvast? Hann sagði nauð-
synlegt að velta þessu máli fyr-
ir sér og skoða alla þá kosti
sem í boði eru til varnar hugs-
anlegum faraldri.
Að störfum er nefnd sem
vinnur á vegum dómsmála- og
heilbrigðisráðuneytis að finna
leiðir til varnar í málinu.
Nefndin starfar í samvinnu við
ráðuneytin. Þá er í vinnuáætl-
un um hvað gera skuli fari
fuglaflensan eða afbrigði henn-
ar af stað.
Guðni Ágústsson landbún-
aðarráðherra sagði varðandi
spurninguna hvort Íslendingar
gætu brauðfætt sig ef landinu
yrði lokað að hvað landbúnað-
inn varðaði væri það ekki
spurning að hann gæti fram-
leitt það sem til þyrfti af kjöti,
mjólk og mjólkurvörum og
grænmeti. Nóg ætti einnig að
vera af fiski. Hins vegar benti
hann á að mjög mikið af mat-
vælum sem við neytum eru
innflutt svo sem korn, hveiti,
sykur og margt fleira. Það yrði
því fljótlega skortur á ýmsum
tegundum matvæla ef gripið
yrði til svo róttækra aðgerða
að loka landinu.
Fuglaflensa
Geta Íslendingar brauðfætt sig?