Bændablaðið - 16.02.2012, Blaðsíða 7

Bændablaðið | fimmtudagur 16. febrúar 2012 7
ú er bóndadagurinn
að baki þetta árið, en
skammt til konudags. Þessum
hátíðisdögum skulum við með
kynbundnum hætti, flétta saman
þannig að birta vísur beggja kynja.
Freymóður Jóhannsson málari
dvaldi um skeið í Mývatnssveit
við listiðn sína. Freymóður var
líkt og Þura í Garði, ágætur hag-
yrðingur. Freymóður sendi því
Þuru þessa vísu:
Væri ég ennþá ungur sveinn,
ekki skyldi ég gefa neinn
snefil af mínum ástararði
annarri konu en Þuru í Garði.
Þura svaraði Freymóði og sýndi
vilja hans nokkurn áhuga:
Hvað er að varast, komdu þá,
hvar eru lög sem banna ?
Ég get lifað alveg á
ástum giftra manna.
Freymóði svall hugur við undir-
tektir Þuru, en kvaðst vilja fresta
fundi til næsta vors:
Með þökk fyrir boðið ég sendi
þér svanni
samúðarkveðju frá giftum
manni.
Hvað lögin banna, já hvort ég
þori
ég kem til þín strax á næsta
vori.
Það verður úr að Þura sættist að
endingu á tímasetninguna, þó
nokkurrar óþreyju gætti:
Þá eru kyljur þagnaðar,
þá er létt um sporið,
fullur heimur fagnaðar,
Freymóður og vorið.
Svo undarlega sem það hljómar,
þá voru heit Freymóðs honum með
öllu gleymd næsta vor er hann fór
um hlað hjá Þuru. Þura hafði þó
pata af pukri Freymóðs og kom
til hans vísu:
Það var illt að okkar snilli
og ástir beggja lentu í banni.
Freymóðs er mér horfin hylli,
heimurinn varð af listamanni.
Og enn kemur listamaður við sögu.
Jökull Pétursson málarameistari
kom eitt sinn í heimsókn til systur
sinnar Petru Pétursdóttur sem
bjó á Skarði í Lundarreykjadal.
Fannst honum systir sín sælleg í
útliti og kvað henni þessa vísu:
Aldrei leit ég lífs um veg
líneik breytast svona,
orðin feit og álitleg
íslensk sveitakona.
Petru sárnaði við bróður sinn og
svaraði þykkjufullt:
Lof í þundar ljóði fá
ljóst ég mundi kjósa,
en í pundum af og frá
áttu sprundi að hrósa.
Þegar Lúðvík Kemp einhverju
sinni kom að Þverá í Norðurárdal,
fékk hann Rakel Bessadóttur
húsfreyju þar þennan fyrripart til
að fást við:
Ævintýra- og ástarþrá
enginn frá mér tekur.
Og Rakel botnaði að bragði:
Illt er að vera alltaf hjá
eiginkonu sekur.
Umsjón: Árni Jónsson
kotabyggd1@gmail.com
Í umræðunni
MÆLT AF
MUNNI FRAM
N
Hjalti Gunnarsson á Kjóastöðum er flottur í hlutverki biskupsins í leikritinu,
hér í náttfötunum. Mynd / MHH
Selfossi
Ellefu systkinapör í Menntaskólanum að Laugarvatni
Það eru engin ný tíðindi að systk-
ini sæki nám í sama menntaskóla.
Það hlýtur þó að teljast nokkuð
sérstak að í sama menntaskól-
anum séu 11 systkinapör við nám
á sama tíma.
Í menntaskólanum á Laugarvatni
eru menn þó ekki óvanir því að
systkini af bæjum í sveitinni og
næstu þéttbýliskjörnum sæki
skólann á sama tíma. Af þeim 164
nemendum sem þar stunda nám í
vetur eru þó 11 systkinapör, og
hafa aldrei verið jafn mörg og í
vetur. Það eru ekki bara systkini
af Suðurlandi í þessum hópi, því
þarna má sjá systur frá Borðeyri við
Hrútafjörð og bræður frá Vogum á
Vatnsleysuströnd.
Páll Skúlason aðstoðarskóla-
meistari tók saman lista yfir
systkinin ásamt myndum. Setti
hann saman þetta skemmtilega
„Systkinaskólaspjald" sem
Bændablaðið fékk heimild til
að birta. Þarna má sjá nöfnin á
systkinunum og hvaðan þau eru.
/MHH
Margt skemmtilegt gerist í verkinu og kemur byssa m.a. við sögu. Hér fara þeir Ársæll Rafn Erlingsson, vinnumaður á Drumboddsstöðum (byssumaðurinn)
og Egill Jónasson á Hjarðarlandi á kostum í einni senunni. Mynd / Jón KB. Sigfússon.
Leikdeild Ungmennafélags
Biskupstungna frumsýndi gam-
anleikinn „Klerkar í klípu“ eftir
Philip King í þýðingu Ævars R.
Kvaran föstudagskvöldið 10.
febrúar
Leikstjóri er Gunnar Björn
Guðmundsson. Leikritið fjallar
meðal annars um Penelópu, prestsfrú
og fyrrum leikkonu, sem bregður sér
af bæ með fyrrum leikfélaga sínum
en hann dulbýr sig sem prestur til
að þekkjast ekki. Þegar þau koma
heim til hennar á ný er frændi hennar
þar staddur og heldur að vinurinn sé
presturinn, eiginmaður frúarinnar.
Þegar sá kemur líka heim upphefst
mikill farsi, og skánar ekki þegar
þýskur stríðsfangi birtist, einnig í
prestsgerfi. Næstu sýningar verða
17., 18., 21., 24., 25., 26. og 29.
febrúar. Á undan sýningum er boðið
upp á leikhúsmatseðil á Kaffi Kletti.
Nánari upplýsingar og borðapantanir
eru í síma 486-1310 og 847-5057.
/MHH
„Klerkar í klípu“ í Aratungu hjá leikdeild Umf. Biskupstungna
Leikarahópurinn sem fer á kostum á sviðinu í Aratungu. Verkið er tæpir tveir
klukkutímar með hléi og veltust áhorfendur um af hlátri. Mynd / MHH