Bændablaðið - 16.02.2012, Blaðsíða 12

Bændablaðið | fimmtudagur 16. febrúar 201212
Fréttir
Fundu fágætt fiðrildi við Öskju
Sérfræðingar í bílum
Reykjanesb
æ
Rey
kjavík
Bílabúð Benna - Vagnhöfða 23 - 590 2000 - benni@benni.is - www.benni.is
Nesdekk - Fiskislóð - sími 561 4110 / Nesdekk - Reykjanesbæ - sími 420 3333
Við bjóð
um vaxta
laus lán
frá Visa
og Mast
ercard í
allt að 12
mánuði
Mikið að gera hjá Landstólpa:
Ný fjós í Færeyjum og á Skeiðunum
og stórt verkefni á Grundartanga
„Það er vitlaust að gera, verkefni
hér og þar og greinilegt að er að
lifna yfir landanum, því fram-
kvæmdir eru víða hafnar eða eru
að fara af stað. Við erum t.d. að
hefja byggingu á nýju 900 m2 fjósi
á Reykjum á Skeiðum, 1400 m2
fjósi í Færeyjum og við erum að
byggja 1000 m2 hús undir álgjall-
verksmiðju á Grundartanga þar
sem vegghæðin er 15 metrar,“
segir Arnar Bjarni Eiríksson,
framkvæmdastjóri Landstólpa í
Skeiða- og Gnúpverjahreppi.
Arnar á og rekur fyrirtækið ásamt
konu sinni, Berglindi Bjarnadóttur.
Hjá þeim starfa í dag 13 starfs-
menn. Landstólpi er með verslun í
Gunnbjarnarholti og á Egilsstöðum,
auk þess að vera með starfsmenn
á sínum vegum í Eyjafirði og
Skagafirði.
970 þúsund mjólkurlítra kvóti
Í Gunnbjarnarholti er rekið eitt
af myndarlegustu kúabúum á
Suðurlandi og er búið meðal
topp 10 afurðahæstu búa landins.
Jörðin er 250 hektar. Á bænum eru
um 100 mjólkurkýr og mjólkur-
kvótinn er 670 þúsund lítrar. Þá
eru Arnar Bjarni og Berglind
líka með kúabú í Skáldabúðum í
Skeiða- og Gnúpverjahreppi, þar
sem kvótinn er 300 þúsund lítrar.
Tveir fjósamenn sjá um búin, auk
Arnars Bjarna og Berglindar, sem
fara reglulega í fjósið.
Arnar Bjarni situr í stjórn
Auðhumlu og MS. Hann vill fá
nýtt kúakyn til landsins sem allra
fyrst og hann er lang spenntastur
fyrir Holstein-kúnum. Þá er hann
líka hrifinn af NRF-kúnum (norskar
rauðar).
Hágæðafóður frá Hollandi
Landstólpi ætlar sér stóra hluti á
fóðurmarkaðnum fyrir bændur og
flytur nú inn til landsins hágæða-
fóður frá fóðurfyrirtækinu De Heus
í Hollandi.
„Þetta er topp fóður, sem ég hef
verið að prófa á mínum gripum
síðustu fimm ár og árangurinn
hefur ekki látið á sér standa; kýrn-
ar mjólka sem aldrei fyrr,“ segir
Arnar Bjarni. Í fóðurblöndunni, sem
kölluð er IcePro 26, er t.a.m. mjög
öflug próteinblanda sem er hugsuð
til að gefa á móti byggi. Heimasíða
fyrirtækisins er www.landstolpi.is.
/MHH
Arnar Bjarni og Berglind ásamt syninum Hauki, sjö ára, stödd í versluninni
í Gunnbjarnarholti þar sem m.a. er til sölu hágæða gæludýrafóður.
Hér er verið að setja fóður í nýjan fóðurbíl Landstólpa en hann tekur alls 22 tonn. Bílstjóri er Borgþór Vignisson frá
Auðsholti í Hrunamannahreppi en fóðrið kemur frá De Heus í Hollandi. Myndir / MHH.
Sævar Örn Gíslason, sölustjóri
mannvirkjasviðs Landstólpa, sem
landaði m.a. samningnum um nýja
fjósið í Færeyjum. Sævar býr á Sel-
fossi en er ættaður frá Litlu Reykjum
í Flóa.
Rúnar Skarphéðinsson er sölu-
stjóri búrekstrardeildar og sér um
almannatengsl hjá Landstólpa.
Rúnar er fyrrverandi kúabóndi á
Blesastöðum á Skeiðum en býr nú
á Selfossi. Hann hefur starfað hjá
fyrirtækinu frá 2005 og vill hvergi
annars staðar vera.
Hér er Arnar Bjarni hjá uppáhalds kúnni Eik í fjósinu í Gunnbjarnarholti . Hún
mjólkar að meðaltali 10 þúsund lítra á ári og hefur átt sex kálfa.
Sveitarstjórn Eyjafjarðarsveitar
telur að allt of lítið fé sé ætlað til
uppbyggingar héraðsvega á sam-
gönguáætlunum, en á síðasta fundi
sveitarstjórnarinnar var fjallað um
frumvarp til laga um fjögurra ára
samgönguáætlun 2011 til 2014,
sem og tillögu til þingsályktunar
um samgönguáætlun fyrir árin 2011
til 2022.
Héraðsvegir eru um 24% af vega-
kerfi landsins en til þeirra hefur ein-
ungis verið áætlað um 1,5% af stofn-
kostnaði við vegagerð ef jarðgöng eru
undanskilin. Stofn- og tengivegir eru
um 61% af vegakerfi landsins og til
þeirra er áætlað að verja um 92% af
stofnkostnaði vega ef jarðgöng eru
undanskilin.
Sveitarstjórn Eyjafjarðarsveitar
leggur til að framlög til héraðsvega
verði tvöfölduð frá því sem nú er ætlað
og að upphæðin verði tekin af stofn-
kostnaði stofn- og tengivega. Þessi
breyting mun einungis lækka framlög
til stofn- og tengivega um u.þ.b. 2%.
Sveitarstjórn Eyjafjarðarsveitar:
Of lítið fé til uppbyggingar
héraðsvega
Nýtt fiðrildi sem ekki hefur áður
sést hér á landi fannst á hálendinu
norðan Vatnajökuls á liðnu sumri,
en það þykir ævinlega nokkuð
merkilegt þegar ný fiðrildategund
finnst á Íslandi.
Landvörður á svæðinu fann stórt
og dökkt fiðrildi og var í fyrstu
talið að um aðmírálsfiðrildi væri að
ræða, en þegar myndir af því bárust
Náttúrustofu Norðausturlands var
ljóst að það var eitthvað allt annað
og mun sjaldgæfara. Fiðrildið var
greint til tegundarinnar Maniola
jurtina og fékkst staðfesting á því
frá Erling Ólafssyni, skordýra-
fræðingi Náttúrufræðistofnunar
Íslands. Ekkert íslenskt heiti er til
fyrir tegundina. Greint er frá fiðr-
ildisfundinum á vefsíðu Náttúrustofu
Norðausturlands.
Maniola jurtina er með algeng-
ustu fiðrildum í Evrópu sunnan 62.
breiddarbaugs og nær útbreiðslan
austur til Úralfjalla og suður til nyrsta
hluta Afríku. Það er mun stærra en
þær tegundir fiðrilda sem lifa á
Íslandi og getur vænghafið orðið
allt að 6 sm. Grunnliturinn er brúnn
en ofan á fremri vængjum eru gul
svæði með svörtum „augum“ með
hvítum bletti í. Tegundin er nokkuð
breytileg þar sem magn gula litarins
er mismikið. Karldýrin eru dauflitari
en kvendýrin.
Þessi tegund fiðrilda er ekki þekkt
fyrir flökkueðli af nokkru tagi og
má telja afar ólíklegt að það hafi
komið til Íslands fyrir tilstilli eigin
vöðvaafls. Mun líklegra er að þessi
ævintýragjarni einstaklingur hafi
húkkað sér far með ferðalöngum
á leið til Íslands en gengið illa að
fá far til baka aftur, því hann fannst
látinn á bílaplani við Vikraborgir í
Öskju. Eftirtektarsamur landvörður,
Stefanía Eir Vignisdóttir, áttaði sig
á að þarna var ekki um venjulegan
ferðalang að ræða og flutti hann
með nærgætni til byggða, hvar hann
hefur nú verið festur á nál. Eintakið
verður varðveitt í skordýrasafni
Náttúrufræðistofnunar Íslands um
ókomna tíð.
Fiðrildið sem var greint til tegundarinnar Maniola jurtina, er með algengustu
fiðrildum í Evrópu sunnan 62. breiddarbaugs og nær útbreiðslan austur til
Úralfjalla og suður til nyrsta hluta Afríku.
Mynd / Jóhanna Katrín, hálendisfulltrúi Vatnajökulsþjóðgarðs.