Bændablaðið - 16.02.2012, Blaðsíða 16

16 Bændablaðið | fimmtudagur 16. febrúar 2012
Bændablaðið hafði samband við
Ögmund Jónason innanríkisráð-
herra vegna rannsóknar þeirra
Þórodds og Sveins. Ögmundur
var m.a. spurður hvort að niður-
stöður rannsóknarinnar yrðu
hafðar til hliðsjónar við gerð
samgönguáætlunar og hvaða
framkvæmdir væru brýnastar
næstu misseri. Ögmundur
svaraði fyrirspurninni ítarlega
og verður stiklað á stóru í þeim
svörum hans hér.
Hvað varðar það hvort niður-
stöður rannsóknarinnar verði hafð-
ar til hliðsjónar við gerð samgön-
guáætlunar bendir Ögmundur á að
við mótun tillagna að samgöngu-
áætlun sem nú er til umfjöllunar
hafi fyrirliggjandi samgöngurann-
sóknir verið hafðar til hliðsjónar.
„Við gerð næstu samgönguáætl-
unar verða fyrirliggjandi sam-
göngurannsóknir sem fyrr hafðar
til hliðsjónar, þar á meðal umrædd
rannsókn um slys á hættulegustu
vegum landsins. Svokölluð „núll-
sýn“ í umferðaröryggismálum
gengur út á að allar aðgerðir er
lúta að samgöngum á landi miði
að því að enginn láti lífið í umferð-
inni. Í tillögu að samgönguáætlun
2011-2022 er sérstök áhersla á að
stjórnvöld rannsaki kosti og galla
þess að taka upp núllsýn í öryggis-
málum. Rannsóknin er gott innlegg
sem mun nýtast í forgangsröðun
verkefna næstu missera, m.a. við
endurskoðun fjögurra ára sam-
gönguáætlunar eftir tvö ár.“
Blönduð leið hugnast ráðherra
Í niðurstöðum rannsóknarinnar eru
nefndar tvær leiðir til að takast á
við vandann. Annars vegar að
veita auknu fjármagni til að auka
umferðaröryggi þar sem slys
eru flest og einnig þar sem tíðni
slysa á ekna kílómetra er hæst.
Hins vegar að forgangsraða með
tilliti til beggja þátta í senn, þar
sem báðir þættir hafi jafnt vægi.
Ögmundur segir að blönduð leið
hugnist honum í þessum efnum. Í
tillögu að samgönguáætlun komi
fram að Vegagerðin muni halda
áfram að greina hvar svokallaðir
„svartblettir“ eða slæmir slysastað-
ir séu. „Forgangsröðun umferð-
aröryggisaðgerða á vegakerfinu
byggir á sömu slysaskráningu
og umrædd rannsókn. Í samræmi
við umferðaröryggisáætlun sam-
gönguáætlunar mun Vegagerðin
vinna jöfnum höndum að því að
auka umferðaröryggi þar sem slys
eru flest (svartblettir) og lagfæra
hættulega staði á vegakerfinu þó
ekki hafi orðið mörg slys þar. Þessi
blandaða leið er í samræmi við
mína stefnu.“
Áhersla á Vestfirði
Ögmundur segir að nauðsynlegt sé
að líta bæði á landið sem heild en
einnig á þarfir hvers atvinnu- og
þjónustusvæðis. Það sé gert í tillög-
um að samgönguáætlun nú og þar
sé horft heildstætt á samgöngur á
landi, í lofti og á sjó. „Aukin áhersla
er lögð á almenningssamgöngur
og verkefni á landsvæðum sem í
dag búa við lakastar samgöngur.
Áhersla er á að bæta greiðfærni
þar sem hún er hvað verst, s.s. á
sunnanverðum Vestfjörðum.“ /fr
Hættulegasti vegarkafli landsins
er vegurinn milli Neskaupstaðar
og Stöðvarfjarðar. Þar urðu á ára-
bilinu 2007-2010 að meðalatali 1,63
slys á hvern kílómetra leiðarinnar
og 1,68 slys á hverja milljón ekna
kílómetra. Þetta kemur fram í nýrri
rannsókn Þórodds Bjarnasonar,
prófessors við Félagsvísindadeild
Háskólans á Akureyri, og Sveins
Arnarssonar, meistaranema í
félagsfræði við sama skóla, en
rannsóknin birtist í nýjasta hefti
Læknablaðsins.
Flest slys á helstu vegum í
kringum höfuðborgarsvæðið
Í rannsókninni kemur fram að flest
slys í umferðinni verða á helstu
vegum til og frá höfuðborgarsvæðinu.
Flest verða slysin á Reykjanesbraut,
10,31 á hvern kílómetra. Hins vegar
er slysatíðni um þessa vegi lág miðað
við umferð. Aðeins 0,7 slys verða á
hverja milljón ekna kílómetra milli
Hafnarfjarðar og Keflavíkur, 0,8
slys á hverja milljón ekna kílómetra
milli Reykjavíkur og Borgarness
um Hvalfjarðargöng og 0,9 slys
á hverja milljón ekna kílómetra
milli Reykjavíkur og Selfoss um
Hellisheiði. Fáförnum vegum og
vegum innan þéttbýlis með 500
manna byggð var sleppt.
Slysatíðni hæst á Austurlandi
og Vestfjörðum
Slysatíðni er hins vegar hæst á
Austurlandi og Vestfjörðum. Hæst
er slysatíðnin á milli Þórshafnar og
Vopnafjarðar um Sandvíkurheiði,
eða 3,42 slys á hverja milljón ekna
kílómetra. Af tíu vegaköflum þar
sem slysatíðni er hæst eru fjórir á
Austurlandi, þrír á Vestfjörðum,
tveir á Vesturlandi og einn á
Norðausturlandi. Sé horft til þeirra
tuttugu vegakafla þar sem slysatíðni
er hæst bætast við fimm vegakaflar á
Austurlandi, tveir á Suðurlandi, tveir
á Vesturlandi og einn á Norðurlandi.
Hættulegustu vegakaflar landsins
voru fundnir með meðaltali miðað
við fjölda umferðarslysa og miðað
við tíðni umferðarslysa á ekinn
kílómetra, en báðar breytur höfðu
jafnt vægi. Eins og kemur fram hér
að ofan reyndist vegarkaflinn milli
Neskaupstaðar og Stöðvarfjarðar
hættulegastur. Í öðru sæti var vegur-
inn frá Hellissandi að Stykkishólmi
og þriðji var vegurinn frá Þingeyri
til Súðavíkur um Gemlufallsheiði og
Vestfjarðagöng. Aðrir vegakaflar sem
eru á lista yfir tíu hættulegustu leið-
irnar eru kaflarnir milli Seyðisfjarðar
og Reyðarfjarðar, Stykkishólms og
Búðardals, Blönduóss og Akureyrar,
Stokkseyrar og Grindavíkur,
Borgarness og Stykkishólms og
Laugarvatns og Eyrarbakka.
Í því samhengi að flest umferðar-
slys verða á helstu vegum til og frá
höfuðborgarsvæðinu, en þeir eru að
sama skapi með öruggustu vegum
landsins sé miðað við tíðni slysa,
er fólgin sú þversögn að hægt sé
að fækka slysum með því að auka
umferðaröryggi þar sem það er mest
nú þegar. Því er, út frá lýðheilsulegum
sjónarmiðum, brýnast að draga úr
fjölda slysa á umræddum vegum og á
þjóðvegi eitt allt norður til Akureyrar,
auk helstu vega á Mið-Austurlandi.
Sé hins vegar horft til öryggis ein-
staklinga er nauðsynlegt að auka
umferðaröryggi á fáfarnari vegum
á Norðausturlandi, Austurlandi,
Snæfellsnesi og Vestfjörðum.
Ein leið til að takast á við vandann
væri sú að veita auknu fjármagni í
þágu umferðaröryggis til að fækka
slysum þar sem þau verða flest en
hins vegar til að auka umferðaröryggi
þar sem slysahætta er mest. Önnur
leið væri sú að forgangsraða með til-
liti til beggja þátta í senn með sama
vægi en samkvæmt því eru helstu
vegir á Mið-Austurlandi, á norðan-
verðum Vestfjörðum, hringvegurinn
frá Blönduósi til Akureyrar og þjóð-
vegurinn á norðanverðu Snæfellsnesi
frá Hellissandi að Búðardal efst á for-
gangslistanum.
Fleira ræður forgangsröðun
Í niðurstöðum rannsóknarinnar er þó
einnig tekið fram að umferðaröryggi
sé aðeins einn þeirra þátta sem máli
skipta við forgangsröðun samgöngu-
framkvæmda. Bent er á að vegur-
inn frá Bjarkarlundi að Brjánslæk
á sunnanverðum Vestfjörðum sé sá
þar sem næstflest slys verði á hvern
kílómetra og vegurinn sé í 21. sæti
af 45 vegaköflum, sem rannsóknin
nær yfir, varðandi slysatíðni. Engu
að síður sé þar um að ræða eina ill-
færustu leið á landinu og ljóst að
úrbóta sé þörf.
Rannsóknin gott innlegg
SUMARHÚS
Sumarhús BÍ eru laus til umsóknar.
Athugið að umsóknarfrestur rennur út 15. mars nk.
Um er að ræða sumarhús BÍ að Hólum
sem eru til útleigu allt árið.
Þá er einnig laust til umsóknar sumarhús
í Vaðnesi í Grímsnesi sem verður leigt út
á tímabilinu 15. júní til 24. ágúst.
Hægt er að nálgast umsóknareyðublöð á vefsíðunni bondi.is
Nánari upplýsingar hjá Bændasamtökum Íslands
í síma 563-0300 (Dóra)
Ársfundur Lífeyrissjóðs bænda verður haldinn í Kirkjubóli II á 2. hæð í Bændahöllinni við
Hagatorg í Reykjavík, miðvikudaginn 29. febrúar 2012 og hefst kl. 13:00.
Dagskrá ársfundarins verður eftirfarandi:
1. Skýrsla stjórnar
2. Kynning ársreiknings
3. Gerð grein fyrir tryggingafræðilegri úttekt
4. Gerð grein fyrir fjárfestingarstefnu sjóðsins
5. Breytingar samþykkta sjóðsins
6. Önnur mál
Tillögur til ályktunar, sem taka á fyrir á ársfundi, þurfa að berast stjórn sjóðsins eigi síðar
en viku fyrir ársfund.
Búnaðarþingsfulltrúar eru sérstaklega boðnir velkomnir til fundarins.
Allir sjóðfélagar, jafnt greiðendur sem lífeyrisþegar, eiga rétt til fundarsetu. Sjóðfélagar
eru hvattir til að nýta sér rétt sinn.
Þeir sem ekki sitja á Búnaðarþingi en vilja nýta sér rétt til fundarsetu þurfa að tilkynna
það skrifstofu sjóðsins í síðasta lagi 22. febrúar og munu þeir fá afhent fundargögn í
upphafi fundar.
Lífeyrissjóður bænda
Bændahöllinni við Hagatorg - 107 Reykjavík
Sími. 563 0300 - Fax. 561 9100 - lsb@lsb.is - www.lsb.is
Ársfundur 2012
Árshátíð & aðalfundur S.U.B.
Árshátíð og Aðalfundur Samtaka ungra bænda, S.U.B., verður
haldinn í Félagsheimilinu Brún í Borgarfirði þann 25. febrúar nk.
Dagskráin hefst fimmtudagskvöldið 23. febrúar með BúSvar-
pubquiz á Kollubar, Hvanneyri. Föstudagskvöldið 24. febrúar
verður málþing um innflutning erlendra kúakynja í matsal
Landbúnaðarháskólans á Hvanneyri og laugardaginn 25. febrúar
er svo aðalfundurinn sjálfur (10:0-16:00) og glæsileg árshátíð um
kvöldið.
Boðið er upp á gistingu í Gamla skólanum á Hvanneyri
og er verð eftirfarandi:
Svefnpokapláss í eins manns herbergi: 3000 kr.
Svefnpokapláss í tveggja manna herbergi: 2.500 kr.
Leiga á rúmfötum: 2000 kr. pr. dvöl
Boðið verður upp á rútuferð frá Hvanneyri á árshátíðina í Brún,
og aftur til baka að henni lokinni.
Miðaverð á árshátíðina í ár er aðeins 5.000 krónur. Árshátíðin hefst 20:30.
Veislustjóri verður Daníel Geir Moritz og hljómsveitin Sólon mun halda
uppi stuðinu.
Miðapantanir og pantanir fyrir gistingu sendist á netfangið ungurbondi@gmail.com fyrir föstudaginn 24. febrúar.
Árshátíðarnefnd S.U.B.
BAGGASPJÓT
125 CM
110 CM
98 CM
82 CM
WWW.VELAVAL.IS
Vélaval-Varmahlíð hf.
sími: 453-8888
Vegurinn milli Neskaupstaðar og
Stöðvarfjarðar hættulegastur