Bændablaðið - 29.03.2012, Qupperneq 36

36 Bændablaðið | fimmtudagur 29. mars 2012
Íslensk hönnun
Sýnishorn af töskum sem Unnur hefur hannað og framleitt.
Unnur Friðriksdóttir, fata-
og búningahönnuður, hefur
búið og starfað í Los Angeles í
Bandaríkjunum um nokkurra
ára skeið þar sem hún selur
fylgihluti úr sjávarleðri, lamba-
og nautsskinni. Vörurnar selur
hún á Bandaríkjamarkaði en
einnig í Arabaríkjunum, en Unni
finnst mikilvægt í hönnun sinni
og efnisvali að halda í ræturnar
heim til Íslands.
Upphaf:
„Þrátt fyrir að bakgrunnur minn sé
í fatahönnun hef ég alla tíð hannað
fylgihluti meðfram því sem ég hef
verið að gera. Hugmyndin að töskun-
um kom sem hluti af lokaverkefninu
mínu úr náminu, sem ég hélt áfram að
þróa meðfram því sem ég fékkst við
fatnað. Töskurnar skutust hinsvegar
fram úr fatnaðinum og þess vegna
einblíndi ég á þær. Mér finnst allar
listgreinar og hönnun tengjast beint
eða óbeint. Mér líður best þegar ég
stekk úr einu í annað og hef marga
bolta á lofti. Keðjuhugmynd á tösku
getur þess vegna orðið að samstarfi
við skartgripahönnuð, málverk getur
orðið að hugmynd að vefsíðu, boðs-
kort í barnaafmæli veitt innblástur í
hluta merkimiða á fatnað. Ferlið er
voða svipað. Jafnvel fyrir tónlistina
á síðuna mína, unnur.com, það var
hönnunarverkefni þar sem hug-
myndin þróaðist áfram líkt og
gerist í annarri hönnun.
Ég held að fólk átti sig oft ekki
á hvað það þýðir að reka lítið
fyrirtæki fyrir þá sem eru í
listgreinum. Það er ekki bara
varan sem er hönnuð, heldur
allt letur, miðar, lógó, umbúðir,
auglýsingamyndir, vefsíða og svo
framvegis. Þetta er allt hluti af
upprunalegu hugmyndinni. Þetta
eru allt mínar hugmyndir sem ég
annaðhvort þróa ein eða í samstarfi
við aðra.“
Efniviður:
„Ég hef mest notast við sjávarleður,
lamba- og nautsskinn, þetta er
svona til sjávar og sveita hjá mér!
Mig hefur ekki langað að vinna
með dýr í útrýmingarhættu og legg
alltaf áherslu á að halda í ræturnar
heim til Íslands.“
Innblástur:
„Allt og ekkert. Fólk, menning,
náttúra, listir. Innblásturinn kemur
alls staðar frá, getur til dæmis
komið úr abstraktteikningu frá
lítilli frænku eða úr ljóði.“
Framundan:
„Það eru ótrúlega mörg spennandi
verkefni framundan. Vörulínan mín
stendur í miklum breytingum, nýjar
vörur sem koma inn og nýjar línur.
Samstarf við aðra hönnuði hefur
líka verið í þróun undanfarið ár.
Þetta eru hugmyndir sem ég er búin
að ganga með í maganum lengi, sem
loks verða að veruleika í ár að hluta
og í byrjun næsta árs.“
Unnur Friðriksdóttir, fata- og búningahönnuður, gerir það gott á Ameríkumarkaði og í Arabaríkjunum með sölu á
Til sjávar og sveita