Fréttablaðið - 27.04.2012, Qupperneq 17

FÖSTUDAGUR 27. apríl 2012 17
Eigandi Múrbúðarinnar, Baldur Björnsson, skrifaði
grein í Fréttablaðið 24. apríl
síðastliðinn þar sem hann hefur
flest sem lýtur að endurreisn
Húsasmiðjunnar á hornum sér.
Húsasmiðjan lenti, eins og
fjölmörg önnur fyrirtæki, í
fjárhagserfiðleikum í kjöl-
far efnahagshrunsins í lok árs
2008. Afleiðingar þess urðu
meðal annars þær að þáver-
andi eigendur misstu eignar-
hald sitt á fyrirtækinu, töpuðu
sínum fjármunum og hurfu frá
rekstrinum. Í framhaldi réðust
nýir eigendur í fjárhagslega
endurskipulagningu félagsins
til að tryggja störf, greiðslur
til birgja og ekki síst til að við-
halda samkeppni á markaðnum.
Við yfirtöku Vestia ehf., eignar-
haldsfélags Landsbankans, á
Húsasmiðjunni í lok árs 2009
var að öllu leyti farið eftir þeim
ströngu skilyrðum sem þess-
ari yfirtöku voru sett af yfir-
völdum.
Eitt helsta markmið fjárhags-
legrar endurskipulagningar
þeirra fyrirtækja sem til þess
eru metin hæf, er að tryggja
neytendum áframhaldandi sam-
keppni á þeim markaði sem fyr-
irtækin starfa á. Sérstaklega er
lögð á það áhersla að fyrirtæki
sem tekin eru yfir af bönkum
eigi ekki að hætta að keppa eða
fara sér hægar í samkeppni.
Slíkt myndi valda viðskipta-
vinum og almenningi tjóni á
þeim mörkuðum sem viðkom-
andi fyrirtæki starfar á. Fyrir-
tækin eru því ekki rekin í þrot,
bútuð upp eða eignir seldar á
brunaútsölu heldur er rekstur
þeirra endurreistur. Ekkert er
gert til að þjóna sérhagsmunum
eigenda einstakra samkeppnis-
aðila sem vilja hafa samkeppni
sem minnsta. Auðvitað hefði
það verið hagstæðara fyrir eig-
anda Múrbúðarinnar ef Húsa-
smiðjan hefði horfið af mark-
aðnum, en það væri verra fyrir
neytendur. Það er því lýðskrum
hjá eiganda Múrbúðarinnar að
klæða sérhagsmuni sína í bún-
ing almannahagsmuna.
Samhliða fjárhagslegri end-
urskipulagningu hefur Húsa-
smiðjan þurft að hagræða með
margvíslegum hætti í sínum
rekstri og meðal annars neyðst
til að fækka starfólki um 50%
frá 2008. Húsasmiðjan hefur
notið eðlilegrar rekstrarfjár-
mögnunar hjá sínum viðskipta-
banka eins og önnur fyrirtæki
og engir fjármunir runnu inn í
félagið þegar eignarhald þess
breyttist með aðkomu Fram-
takssjóðs Íslands. Að halda öðru
fram er einfaldlega rangt. Í lok
árs 2011 var Húsasmiðjan síðan
seld til danska fyrirtækisins
Bygma A/S fyrir 3,3 milljarða
króna og var sú sala til marks
um þann árangur sem starfsfólk
Húsasmiðjunnar hafði þegar
náð í endurreisn félagsins.
Stjórnendur Húsasmiðjunnar
vita mætavel út á hvað skoðun
samkeppnisyfirvalda á félaginu
gengur enda hafa þeir unnið
með yfirvöldum við að upplýsa
um starfsemi félagsins auk þess
sem verkferlum starfsmanna
við verðkannanir í verslunum
hefur verið breytt og starfs-
menn menntaðir sérstaklega
til að mæta öllum kröfum sam-
keppnislaga.
Húsasmiðjan hefur nú fengið
nýtt upphaf með nýjum eig-
endum og kappkostar að veita
viðskiptavinum sínum um land
allt framúrskarandi þjónustu
og breitt vöruúrval. Húsasmiðj-
an er vinnustaður tæplega 400
starfsmanna sem nú hafa kom-
ist heilir í höfn eftir langt erfið-
leikatímabil. Allt vel hugsandi
fólk samgleðst með þessum 400
starfsmönnum og fjölskyldum
þeirra við þessi tímamót.
Það virðist vera ein helsta
aðferð eiganda Múrbúðarinnar
að vekja athygli á sjálfum sér
og fyrirtæki sínu með því að
viðhafa málflutning sem ein-
kennist af dylgjum og rang-
færslum í garð samkeppnisaðila
sinna. Þar velur hann greinilega
aðferð sem þjónar lund hans
best.
Auðvitað hefði það verið hagstæðara fyrir
eiganda Múrbúðarinnar ef Húsasmiðjan hefði
horfið af markaðnum, en það væri verra fyrir neytend-
ur. Það er því lýðskrum hjá eiganda Múrbúðarinnar …
Athugasemd frá forstjóra Húsasmiðjunnar
Viðskipti
Sigurður Arnar
Sigurðsson
forstjóri
Húsasmiðjunnar
AF NETINU
Pontan og völdin
Talsvert er rætt um þinghaldið
um þessar mundir. Það er
skiljanlegt. Í hönd fer hefðbundið
glundroðaástand. Eftir að hafa
setið á þingi í smá tíma virðist
mér þetta blasa við um þing-
haldið almennt:
Á Alþingi ríkir viðvarandi
valdabarátta. Margir telja hana
sjálfsagða enda sé þetta jú
Alþingi. Flokkar eigi að berjast
um völd. Ég er ósammála þessari
nálgun á stjórnmál.
Mörg vitum við að valda-
barátta, sé hún endalaus, setur
flest í bál og brand. Fjölskyldur
springa ef valdabarátta innan
þeirra er viðvarandi, vinir hætta
að talast við, JR hatar Bobby,
fyrirtæki ganga illa og félagasam-
tök verða óstarfhæf. Sama gildir
um Alþingi. Viðvarandi valdabar-
átta, með tilheyrandi klækjum,
skemmir og eitrar.
http://blog.eyjan.is
Guðmundur Steingrímsson
NÚ GETUR ÞÚ NOTAÐ ÞÍNA ÁVÍSUN
Á LESTUR Á EYMUNDSSON.IS
STÆRSTU BÓKAVERSLUN LANDSINS
NÝJUSTU BÆKURNAR OG FERSKAR FRÉTTIR
Á WWW.FACEBOOK.COM/EYMUNDSSON
YFIR 100.000 TITLAR Á EINUM STAÐ
Nýttu þína ávísun!
Ávísunin gildir
við kaup á öllum
slenskum:í