Fréttablaðið - 28.04.2012, Blaðsíða 16

16 28. apríl 2012 LAUGARDAGUR
Fyrir Alþingi liggur frum-varp mitt til laga um Ríkis-
útvarpið. Með því er mörkuð sú
stefna að Ríkisútvarpið leggi
megináherslu á það hlutverk
sitt að veita fjölmiðlaþjónustu
í almannaþágu. Af því leiðir að
samfélagslegt hlutverk þess er
í forgrunni en viðskiptasjónar-
mið verða víkjandi. Er þetta í
samræmi við það grundvallar-
sjónarmið sem ríkt hefur í starf-
semi ríkisrekinna fjölmiðla
annars staðar á Norðurlöndum
og víðar, t.d. í Bretlandi, og hefur
skapað þeim sérstöðu og traust
umfram aðra fjölmiðla.
Með frumvarpinu er tekin sú
afstaða að Ríkisútvarpið sé ein
af helstu stoðum lýðræðissam-
félagsins. Því hlutverki sinnir það
með því að veita lands mönnum
upplýsingar sem þeir geta treyst
að þjóni almannahagsmunum en
ekki sérstökum sjónarmiðum eða
hagsmunahópum, stjórnmálasam-
tökum eða einstaklingum. Með
því móti gerir Ríkisútvarpið fólki
kleift að móta skoðanir sínar og
draga ályktanir út frá réttum
upplýsingum, að því marki sem
það er mögulegt.
Til að tryggja ritstjórnarlegt
sjálfstæði dagskrárgerðar Ríkis-
útvarpsins gagnvart viðskiptaleg-
um sjónarmiðum gerir frumvarpið
ráð fyrir að stofnað verði sérstakt
dótturfélag um þá starfsemi Ríkis-
útvarpsins sem fellur utan fjöl-
miðlaþjónustu þess í almanna-
þágu, m.a. sölu auglýsinga rýmis.
Er einnig kveðið á um að það birti
verðskrá vegna sölu á auglýsinga-
rými í dagskrá. Þá verða settar
tak markanir á lengd auglýsinga-
tíma og auglýsingar í miðjum dag-
skrárliðum gerðar óheimilar. Með
þessu er einnig komið til móts við
þau sjónar mið að draga eigi úr
vægi Ríkisútvarpsins á auglýs-
ingamarkaði.
Með frumvarpinu er menn-
ingar hlutverk Ríkisútvarpsins
skilgreint nánar en verið hefur og
út frá því að Ríkisútvarpið sé ein
helsta menningarstofnun landsins.
Í því felst að Ríkisútvarpið býður
fjölbreytt og vandað menningar-
og afþreyingarefni og fjallar um
ólík svið íþrótta, lista og menn-
ingarlífs á Íslandi og erlendis, auk
þess að vera vettvangur umræðna
og skoðanaskipta um íslenska
menningu og samfélag. Í því sam-
hengi er mikilvægt að hugað sé
sérstaklega að þörfum barna og
ungmenna. Það er einnig hlutverk
Ríkisútvarpsins að leggja rækt
við íslenska tungu og kynna sögu
þjóðarinnar, menningararfleifð
og náttúru. Þá er gert ráð fyrir að
Ríkisútvarpið verði virkur þátt-
takandi í íslenskri kvikmynda-
gerð, meðal annars með kaupum
frá sjálfstæðum framleiðendum.
Fleira mætti nefna en það er
von mín að ný lög um Ríkisút-
varpið styrki enn frekar grunn
þess og hlutverk sem fjölmiðill í
almannaþágu.
Ólafur Ragnar Grímsson þorir ekki að mæta mér og öðrum
forsetaframbjóðendum í kapp-
ræðum um málskotsrétt forseta
á baráttudegi verkalýðsins 1. maí
þar sem í tilefni dagsins átti einnig
að velta upp þeirri spurningu hvort
forsetinn geti með ein hverjum
hætti staðið vörð um hagsmuni
almennings í endurreisninni.
Starfsstúlka Ólafs sendi það
svar að hann vilji „sýna mót-
frambjóðendum sínum virðingu“
með því að neita að mæta þeim á
jafnréttisgrundvelli í kosninga-
baráttunni til að skilja kjarnann
frá hisminu í umræðum um mál-
skotsréttinn.
Með þessu sýnir Ólafur hins
vegar lítilsvirðingu og heldur
forsetakosningunum í gíslingu.
Þótt Ólafi hafi tekist um tíma að
blekkja þjóðina með lýðskrumi
blekkir hann mig ekki.
Forsetinn sló sig til riddara með
leikriti þar sem hann spilaði með
málsskotsréttinn eftir eigin hent-
ugleikum. Fyrst átta árum eftir
að hann tók við embætti þegar
kostunaraðilar fram-
boðs hans (eigendur
Norðurljósa-365 miðla)
vildu með öllum ráðum
stöðva fjölmiðlafrum-
varpið. Stór mál, m.a.
Kárahnjúkar, öryrkja-
málið og fyrstu Icesave-
lögin, fóru hins vegar í
gegn með samþykki for-
seta.
Síðan eftir fimm-
tán ár í embætti þegar
skoðanakannanir sýndu
vaxandi óvinsældir
Ólafs í kjölfar útrásar-
víkingasmjaðursins
þá greip hann til þess
ráðs að nota aftur
málskotsréttinn. Það
gerði Ólafur í örvænt-
ingafullri tilraun til að ná lýð-
hylli við nýju keisarafötin sín og
hafði þetta lítið með hagsmuni
þjóðarinnar að gera.
Á meðan erlendir vogunarsjóðir
liggja eins og blóðsugur á banka-
kerfi landsmanna og soga til sín
peninga, heimili og atvinnufyrir-
tæki galar forsetinn í útlöndum
eftir afsökunarbeiðni afdankaðs
stjórnmálamanns í Bretlandi í
stað þess spyrna við
yfirstandandi bankaráni
frá Bessastöðum.
Ólafur Ragnar er tæki-
færissinni sem verður
aldrei forseti fyrir neinn
nema sjálfan sig sagði
samstarfs maður hans
til margra ára, Stein-
grímur Hermannsson,
fyrrum forsætisráð-
herra, við mig áður en
lýð skrumarinn var kjör-
inn í embætti forseta
Íslands árið 1996.
Nú er mál að Ólafur
láti af því kverkataki
sem hann er með á lýð-
ræðinu, kveði niður sinn
eigin Bessastaðadraug
og þær kommúnísku
hugsjónir sínar að sitja til eilífðar-
nóns á forsetastóli.
Farðu í friði Ólafur og gefðu
þjóð þinni tækifæri til að velja sér
nýjan forseta eftir lýðræðislegum
leikreglum.
Sportköfun er eitt þeirra áhuga-mála sem er í verulegum vexti
í heiminum. Þessi vöxtur endur-
speglast í ferðamanna iðnaðinum
hér á landi, en mikil aukning
hefur verið í köfunartengdri ferða-
þjónustu. Nú eru um níu fyrirtæki
sem hafa tekjur að hluta til eða í
heild af slíkri starfsemi. Sá köfunar-
staður sem laðar hvað flesta ferða-
menn að er Silfra á Þingvöllum, en
þangað koma að jafnaði um 10-15
þúsund ferðamenn til að kafa á ári.
Ferðaþjónustuaðilar hafa verið dug-
legir að markaðssetja Silfru og hafa
myndir birst af þeim undraheimi
sem Silfra býr yfir í helstu köfunar-
tímaritum heims. Markaðs setningin
hefur borið góðan árangur og er
Silfra talin vera einn af tíu áhuga-
verðustu ferskvatnsköfunarstöðum
í heiminum.
Með auknum fjölda kafara má því
miður einnig gera ráð fyrir auknum
fjölda óhappa. Á síðastliðnum árum
hafa nokkur slys tengd köfun átt sér
stað í Silfru og tvö þeirra alvarleg.
Bæði alvarlegu slysin má að nokkru
leyti rekja til þess að kafarar höfðu
ekki næga köfunarreynslu til þess
að kafa í þurrbúningi í köldu vatni
og í öðru tilvikinu var menntun leið-
sögukafara ábótavant. Af augljósum
ástæðum er ekki mikið svigrúm til
þess að gera mistök í köfun, hvorki
hjá leiðsöguköfurum né heldur hjá
ferðamönnum sem kafa, og í öðru
alvarlega tilvikinu kostaði það líf
ferðamannsins.
Sportkafarafélag Íslands leggur
ríka áherslu á öryggi við köfun og
hefur, ásamt þeim rekstraraðilum
sem selja köfunarferðir, kallað eftir
breytingum á lögum nr. 31/1996
um köfun og reglugerð 535/2001.
Þau lög og reglugerð sem gilda um
atvinnuköfun, taka nær einungis
mið af köfun sem tengist iðnaði eða
björgun verðmæta úr sjó fyrir lög-
aðila og má segja að lögin og reglu-
gerðin séu í raun barn síns tíma þar
sem ekki var gert ráð fyrir að aðrir
kafarar en hinir svokölluðu iðnaðar-
kafarar fengju greitt fyrir störf sín.
Verulegar framfarir hafa orðið í
köfunarsamfélaginu síðan lögin og
reglugerðin tóku gildi og má segja
að tvær gerðir atvinnukafara hafi
bæst við, þ.e. ferðaþjónustu kafarar
og kafarar í þágu almannahags-
muna eins og lögregla og slökkvi-
lið. Báðir þessir hópar fá greitt
fyrir köfunarvinnu sína og flokkast
því skv. 1. mgr. 2. gr. laganna til
atvinnukafara. Bæði lögum og
reglugerð þarf að breyta þannig að
allir hópar köfunarsamfélagsins
rúmist innan þeirra og auki öryggi
kafara.
Með aukningu á ferðaþjónustu-
köfun, þar sem hópar sportkafara
skoða undirdjúp Íslands, er nauð-
synlegt að tryggja að vel sé staðið
að hlutum og að öryggi allra sé með
allra besta móti. Köfun á að vera
öruggt og skemmtilegt sport eins
og fjallganga, klifur, og önnur úti-
vist. Því þarf að gera kröfur um að
einungis lærðir kafarar sem hlotið
hafa þjálfun í meðhöndlun köfunar-
slysa og óhappa leiði slíka ferða-
mannaköfun. Við þurfum reglur
sem kveða á um hámarksfjölda kaf-
ara á hvern leiðsögukafara í köfun-
arferðum og við þurfum að tryggja
að leiðsögukafarar haldi þekkingu
og færni sinni við og séu ávallt
þjálfaðir til að bregðast við þeim að-
stæðum sem koma upp hverju sinni.
Það er ekki nóg að stjórnvöld
standi fyrir því að bjóða ferða-
mönnum heim með átakinu „Inspi-
red by Iceland” ef við ætlum ekki að
gera okkar besta til þess að ferða-
mennirnir fái bestu og öruggustu
þjónustu sem við getum boðið upp
á og komist heilir heim.
Sportkafarafélag Íslands kallar
eftir ábyrgri afstöðu ráðamanna og
skorar á Siglingastofnun og innan-
ríkisráðuneytið að endurskoða nú
þegar lög og reglugerð um köfun
í samstarfi við þá aðila sem hafa
köfun að atvinnu.
Til að tryggja ritstjórnarlegt sjálfstæði
dagskrárgerðar Ríkisútvarpsins gagnvart
viðskiptalegum sjónarmiðum gerir frum-
varpið ráð fyrir að stofnað verði sérstakt dótturfélag
um þá starfsemi Ríkisútvarpsins sem fellur utan fjöl-
miðlaþjónustu þess í almannaþágu, m. a. sölu auglýs-
ingarýmis.
Forsetinn sló
sig til riddara
með leikriti
þar sem hann
spilaði með
málsskots-
réttinn eftir
eigin hentug-
leikum.
Við þurfum
reglur sem kveða
á um hámarksfjölda
kafara á hvern leiðsögu-
kafara í köfunarferðum
og við þurfum að tryggja
að leiðsögukafarar…
Fjölmiðill í almannaþágu
Kverkatak forsetans
Köfun og öryggi
Köfun
Anna María
Einarsdóttir
köfunarkennari
Þór H. Ásgeirsson
kafari
Ríkisútvarpið
Katrín Jakobsdóttir
mennta- og
menningarmálaráðherra
Forsetaembættið
Ástþór Magnússon
forsetaframbjóðandi
Rjúpnahæð, Hnoðraholt, Smala-
holt og Þing.
Kópavogsbær auglýsir t il ú thlutunar byggingarrétt
á lóðum í Rjúpnahæð, Hnoðraholti, Smalaholti og
Þingum.
Um er að ræða fjölbreytt úrval lóða fyrir einbýlishús, parhús,
raðhús og fjölbýlishús. Lóðirnar e ru nú þegar byggingarhæfar og
er uppbygging hverfanna komin vel áleiðis. Stutt er í alla
þjónustu. Í næsta nágrenni er að finna einstök útivistarsvæði og
ósnortna náttúru.
Listi yfir lausar lóðir, skipulagsuppdrættir, skilmálar,
umsóknareyðublöð, úthlutunarreglur og upplýsingar um
verð eru aðgengileg á vefsíðu Kópavogsbæjar,
www.kopavogur.is.
Nánari upplýsingar eru veittar hjá umhverfissviði Kópavogsbæjar.
Umsóknum skal skilað á rafrænu formi í íbúagátt á vefsíðu
bæjarins.
Vakin er athygli á reglum Kópavogsbæjar um úthlutun á
byggingarrétti fyrir íbúðarhúsnæði.
Þá er jafnframt vakin sérstök ta hy lg i á því að umsóknum ein-
staklinga um byggingarrétt þarf að fylgja staðfesting banka eða
lánastofnunar á greiðsluhæfi. Lágmarksviðmið um greiðsluhæfi
er kr. 40.000.000 fyrir einbýlishús og kr. 35.000.000 fyrir rað-
og parhús. Skattframtal síðasta árs skal ennfremur fylgja umsókn.
Fyrirtækjum ber að skila á rsreikningi sínum fyrir síðasta fram-
talsár árituðum af löggiltum endurskoðanda.
Fyrirliggjandi umsóknir eru teknar f yrir á fu ndum f ramkvæmdaráðs Kópavogs.
Fundir eru að jafnaði haldnir tvisvar í mánuði.
Bæjarstjórinn í Kópavogi.