Fréttablaðið - 28.04.2012, Síða 104

28. apríl 2012 LAUGARDAGUR64
NFL Stuðningsmenn Cleveland
Browns gætu átt bjartari tíma
í vændum. Í nýliðavali NFL-
deildarinnar fékk liðið hlauparann
efnilega Trent Richardson og leik-
stjórnandann Brandon Weeder.
Leikstjórnandi Browns, Colt
McCoy, mun því fá samkeppni frá
nýliða sem er þremur árum eldri
en hann. Hvernig stendur á því?
Jú, Weeden er 28 ára gamall og á
hreint ótrúlega sögu í bandarísku
íþróttalífi. Í nýliðavalinu varð
hann elsti leikmaður í sögu valsins
sem valinn er í fyrstu umferð.
Hann er þess utan elsti
maðurinn sem hefur verið valinn í
nýliðavali NFL-deildarinnar síðan
árið 1967. Talið er að McCoy vilji
fara frá félaginu eftir þetta val en
hvort eitthvað lið vill fá hann er
svo allt önnur saga.
Mike Holmgren, sem gerði
Green Bay Packers að meisturum
og gerði svo alvöru lið úr Seattle
Seahawks, sér um uppbyggingu
liðsins í Cleveland en það er í eigu
Randy Lerner sem á einnig enska
knattspyrnufélagið Aston Villa.
Holmgren hefur trú á því að með
Weeden sem leikstjórnanda geti
Browns farið að geta eitthvað
aftur eftir mörg mögur ár.
Weeden hefur alla tíð verið
mikill íþróttamaður en þegar hann
var búinn með framhaldsskóla
taldi hann að leið sín í atvinnu-
mennsku væri í gegnum hafna-
boltann þó svo hann væri einnig
liðtækur í amerískum fótbolta.
Hann var ekki einn um það
því stærsta hafnaboltalið Banda-
ríkjanna, New York Yankees, valdi
hann í annarri umferð nýliðavals-
ins árið 2002. Weeden náði aldrei
að festa sig í sessi þar og spilaði
með neðrideildarliðum í fimm ár.
Þá var honum nóg boðið og
ákvað að skella sér í háskóla. Hann
ákvað að láta hafnaboltann eiga
sig í Oklahoma State-skólanum og
einbeitti sér að því að vera leik-
stjórnandi í amerískum fótbolta.
Það gerði Weeden með glæsi-
brag og fór svo að hann var valinn
númer 22 í nýliðavalinu.
„Þetta er með algjörum
ólíkindum. Þetta er bara frábært.
Að hafa verið valinn til Cleveland
númer 22 er draumur fyrir mig. Ég
er mjög lánsamur,“ sagði Weeden
með tárin í augunum en nýliðinn
verður orðinn 29 ára þegar leiktíma-
bilið í NFL- deildinni hefst.
„Hvern hefði grunað þegar ég var
leikstjórnandi númer þrjú hjá Okla-
homa State að ég kæmist hingað? Ég
er búinn að leggja ótrúlega hart að
mér til þess að komast hingað.“
Weeden var ólíkt flestum sem
voru valdir í fyrstu umferð ekki á
staðnum. Hann fylgdist með í sjón-
varpi heima hjá foreldrum sínum
ásamt 50 öðrum vinum.
Þegar símtalið kom frá Browns
um að þeir ætluðu sér að velja Wee-
den þá varð allt vitlaust heima hjá
foreldrum hans. Draumurinn var
loksins orðinn að veruleika.
Síðustu tvö ár hefur Weeden
verið aðalleikstjórnandi Oklahoma
og slegið flest met sem máli skipta
hjá skólanum.
Þrír aðrir leikstjórnendur voru
valdir á undan Weeden í nýliða-
valinu og flestir sérfræðingar
voru á því að Weeden hefði klár-
lega verið á meðal tíu fyrstu í
valinu ef hann væri yngri.
Það kom engum á óvart að
Andrew Luck frá Stanford-há-
skólanum skyldi verða valinn
fyrstur af Indianapolis Colts. Luck
fær það verðuga verkefni að leysa
goðsögnina Peyton Manning af
hólmi hjá Colts. Það verður ekki
auðvelt verk.
Það er skemmtileg tilviljun að
þeir Luck og Weeden mættust í síð-
asta leik þeirra í háskóla boltanum.
Þá mættust Oklahoma State og
Stanford í Fiesta Bowl-leiknum.
Weeden undirstrikaði í þeim leik
hversu góður hann er með því að
hafa betur gegn Luck í hreint út
sagt frábærum leik. Lokatölur þar
41-38 og frábær frammistaða Wee-
den gerði klárlega gæfumuninn í
þeim leik. henry@frettabladid.is
Hafnaboltamaðurinn í NFL-deildinni
Saga leikstjórnandans Brandons Weedens er lyginni líkust. Fyrir tíu árum síðan var hann valinn í nýliðavali
amerísku hafnaboltadeildarinnar af New York Yankees. Í gær var hann síðan valinn í fyrstu umferð nýliða-
vals NFL-deildarinnar. Hinn 28 ára Weeden er elsti leikmaðurinn sem hefur verið valinn í fyrstu umferð.
UNDIR PRESSU Andrew Luck var valinn
fyrstur í nýliðavalinu og þarf að leysa
sjálfan Peyton Manning af hólmi.
NORDICPHOTOS/GETTY
MAGNAÐUR Weeden fagnar eftir sigur á Andrew Luck og Stanford-skólanum í
janúar. NORDICPHOTOS/GETTY
FÓTBOLTI Knattspyrnustjórarnir
Alan Pardew hjá Newcastle og
Harry Redknapp hjá Tottenham
fara ekki leynt með þá skoðun
sína að þeir munu báðir halda
með þýska liðinu FC Bayern
München í úrslitaleik Meistara-
deildar Evrópu.
Chelsea leikur þar til úrslita
og möguleikar Newcastle og
Tottenham um sæti í Meistara-
deild Evrópu á næstu leiktíð eru
úr sögunni nái Chelsea að vinna
Meistaradeildina.
Samkvæmt reglugerð um
Meistaradeildina fara aðeins þrjú
ensk lið í Meistaradeild Evrópu
nái Chelsea að vinna Meistara-
deildina.
„Ég væri að ljúga ef ég myndi
segja að ég vonaðist til þess að
Chelsea vinni Meistaradeildina.
Ég vona að FC Bayern vinni, það
yrði gott fyrir alla stuðnings-
menn Tottenham,“ sagði Harry
Redknapp knattspyrnustjóri
Tottenham.
Newcastle er með 62 stig í
fjórða sæti deildarinnar þessa
stundina og Tottenham er með
59 stig í fimmta sæti en bæði lið
hafa leikið 34 leiki. Arsenal er
með 65 stig eftir 35 leiki, og þar
fyrir ofan eru Manchester City
með 80 og Manchester United
með 83 stig. - seth
Redknapp og Pardew:
Halda með FC
Bayern
HARRY REDKNAPP Mun ekki halda með
nágrannaliði sínu í Meistaradeildinni.
NORDICPHOTOS/GETTY