Fréttablaðið - 28.04.2012, Blaðsíða 97
LAUGARDAGUR 28. apríl 2012 57
„Þetta verður svakaleg stemning. Það eru mjög góðir
keppendur og það verður hart barist,“ segir plötu-
snúðurinn Addi Exos.
Hann er einn af skipuleggjendum keppninnar
Plötusnúður Íslands 2012 sem verður haldin á
Gauknum í kvöld. Keppt verður í flokki 18 ára og
yngri snemma um kvöldið og svo 18 ára og eldri eftir
miðnætti. Keppendurnir verða tólf.
Dómarar í eldri-keppninni eru nokkrir af
reyndustu plötusnúðum landsins, þar á meðal Dj
Margeir, Exos, Dj Frímann og Þórhallur Skúlason
en hann vann eina slíka keppni árið 1990. Dj Óli
Geir, Sindri Bm og fleiri dæma yngri- keppnina.
Síðasta plötusnúðakeppni var haldin árið 2010 og
hét hún Djkeppni.is. Atli Barðason og Magnús
Gunnarsson báru þar sigur úr býtum.
Miðaverð á Plötusnúð Íslands er 1.000 krónur og
er það Tónastöðin sem gefur glæsileg verðlaun.
Plötusnúðar keppa
SIGURVEGARI Atli Barðason vann plötusnúðakeppnina fyrir
tveimur árum.
Tónlistarhátíðin Bræðslan á Borgarfirði eystri
fer fram í áttunda skiptið í sumar, helgina 26.-29.
júlí. Fram koma Mugison, Valgeir Guðjónsson, Fjalla-
bræður og Contalgen Funeral.
Bræðslan hefur í gegnum árin skipað sér sess
sem ómissandi hlekkur í tónlistarlífi landans. Tón-
leikarnir fara fram að kvöldi 28. júlí í
gamalli síldarbræðslu sem heimamenn
breyta í tónleikahöll einu sinni á ári.
Forsala á Bræðsluna hefst 10. maí á
Midi.is en síðustu ár hefur selst upp á
Bræðsluna í forsölu enda aðeins 800
aðgöngumiðar í boði.
MUGISON Tónlistarmaðurinn vinsæli
spilar á Bræðslunni í sumar.
Áttunda Bræðslan
Gwyneth Paltrow er í við ræðum
um að leika í nýrri söngleikja-
uppfærslu á kvikmyndinni
Finding Neverland sem kom út
2004. Paltrow á að leika Sylviu
Llewelyn David, fjögurra barna
móður sem vingast við rit-
höfundinn J. M. Barrie. Þessi
vinskapur veitti honum inn-
blástur til að skrifa ævintýrið um
Pétur Pan. Með aðalhlutverkin í
myndinni fóru Kate Winslet og
Johnny Depp.
Paltrow hefur sungið í gesta-
hlutverki sjónvarpsþáttanna
Glee og í kvikmyndinni Country
Strong og hefur því einhverja
reynslu á þessu sviði.
Paltrow í
söngleik
GWYNETH PALTROW Í viðræðum um að
leika í nýjum söngleik.
Bob Dylan verður heiðrað-
ur af forseta Bandaríkjanna
í Hvíta húsinu í á næstunni.
Hann fær afhenta æðstu orðu
sem almennum borgara getur
hlotnast í landinu, Frelsisorðuna.
Dylan, sem er einn af þrettán
sem fá afhenta Frelsisorðuna,
fær hana fyrir þau miklu áhrif
sem hann hefur haft á banda-
ríska menningu á sínum langa
ferli. Meðal hinna sem fá orðuna
eru Madeleine Albright, fyrsti
kvenkyns utanríkisráðherra
Bandaríkjanna, og geimfarinn
John Glenn.
Dylan fær
Frelsisorðu
HEIÐRAÐUR Bob Dylan verður heiðraður
með Frelsisorðunni.