Fréttablaðið - 28.04.2012, Blaðsíða 28
28. apríl 2012 LAUGARDAGUR28
Ú
rslitakeppni NBA-
deildarinnar hefst
í kvöld eftir sann-
kallað sprettmót
sem hófst á jóladag.
Þó keyrslan hafi
verið hörð og geta og heilsa leik-
manna hafi mögulega liðið fyrir
það eru körfuknattleiks unnendur
um heim allan eflaust glaðir með
að fá yfir höfuð að sjá úrslita-
keppni NBA.
Eftir harða kjaradeilu og verk-
fall framan af vetri, þar sem ungir
milljónamæringar öttu kappi við
gamla milljarðamæringa um
hvernig ætti að skipta milli sín
tekjum deildarinnar náðist loks
samkomulag og deildin rúllaði í
gang, hér um bil án undir búnings-
tímabils og tækifæra til leik-
mannaskipta.
Hraðmót NBA 2011-2012
66 leikir voru leiknir í stað 82
eins og hefur verið alla tíð (utan
vetrarins 1998-99 þegar verkfall
stytti tímabilið niður í 50 leiki) og
þeir voru leiknir á mettíma (120
dögum!) þar sem lið þurftu að
sætta sig við að leika þrjá daga í
röð þegar verst lét.
Þrátt fyrir takmarkaðan tíma-
ramma vantaði lítið upp á drama-
tík, hæðir og lægðir í deildinni.
Fyrsta sprengjan féll raunar
fyrir fyrsta uppkastið, þegar NBA-
deildin ógilti leikmannaskipti
milli LA Lakers og New Orleans
Hornets, sem hefðu komið Chris
Paul í leikstjórnandahlutverkið
hjá stórveldinu gamla. Þess í stað
hafnaði Paul hjá Clippers í einni
áhrifaríkustu og hröðustu upp-
byggingu liðs í seinni tíð.
Fyrr en nokkurn varði var
Clippers, sem er einfaldlega
versti NBA-klúbbur síðustu 25 ára,
kominn með ungt og spennandi lið
sem átti að verða fyllilega í stakk
búið til að berjast um meistaratitla
á komandi árum.
Þannig hófst tímabilið með
látum og síðan þá hefur hreint
ekki verið rólegra um að lítast.
Hinir góðu, þeir slæmu og hinir
hrikalega lélegu
Í upphafi deildarkeppninnar voru
það Oklahoma City Thunder,
Miami Heat og Chicago Bulls sem
byrjuðu einna best og hafa haldið
sínu allt tímabilið.
Ellismellirnir ódrepandi í
San Antonio Spurs gengu síðan í
gegnum endurnýjun lífdaga með
vorinu og tylltu sér á topp Vest-
urdeildarinnar. Á sama tíma fór
allt að ganga upp hjá Boston Cel-
tics sem virðast eiga einn séns í
viðbót til að gera atlögu að titl-
inum, þrátt fyrir eymsli og brak-
andi liði.
Þar fyrir utan má nefna Los
Angeles Lakers sem hafa sýnt
sínar bestu og verstu hliðar í
vetur, en skyldu seint afskrifaðir,
að ógleymdum meisturum Dallas
Mavericks, sem hafa ekki verið
mjög sannfærandi.
Clippers risu ekki beint undir
öllum þeim væntingum sem á þá
voru lagðar, ekki frekar en New
York Knicks sem bættu við sig
varnartrölli en virtust á leið til
glötunar þar til frelsunin birtist
þeim í leikstjórnandanum Jeremy
Lin.
Eitt athyglisverðasta lið
vetrarins var Minnesota Timber-
wolves sem mætti til leiks með
ungan og spennandi leikmanna-
hóp og kom mörgum á óvart. Sam-
leikur Ricky Rubio og Kevin Love
gaf einstök fyrirheit um bjarta
framtíð, en þegar þeir meiddust
báðir hrundi liðið eins og spila-
borg. Gaman verður að sjá hvernig
þeim reiðir af á næsta tímabili.
Á hinum endanum eru lið eins og
Washington Wizards, Sacramento
Kings, New Orelans og síðast en
ekki síst Charlotte Bobcats sem
gerðu sér lítið fyrir og slógu met.
Þeir eru versta liðið í sögu NBA-
deildarinnar, með rétt um tíu pró-
senta sigurhlutfall. Eitthvað sem
eigandinn, Michael nokkur Jordan,
ætti ekki að sætta sig við.
Leitin endalausa
Eflaust verður leit LeBron James
að sínum fyrsta titli í brennidepli
í úrslitakeppninni (líkt og síðustu
þrjú árin) en frammistaða hans
með Miami í vetur hefur verið nær
einstök. Hann er með 27,2 stig í
leik, 7,9 fráköst, 6,2 stoðsendingar
og 1,9 stolna bolta. Það er ekki nóg
með að hann leiði lið Miami í öllum
þessum tölfræðiþáttum, heldur er
þetta í fyrsta sinn sem nokkur nær
slíku síðan Michael Jordan náði
því tímabilið 1988-89.
Mikið hefur verið gert úr því
hversu LeBron virðist hafa fatast
flugið á ögurstundu síðustu ár,
ekki síst í úrslitarimmunni gegn
Dallas síðasta vor. Miðað við
frammistöðu hans hingað til
virðist hann staðráðinn í að reka
af sér það slyðruorð.
Nú er hins vegar einskis að bíða.
Leikar hefjast í kvöld og tveggja
vikna körfuboltaveisla er fram-
undan.
Komið að úrslitastund í NBA
Úrslitakeppni NBA hefst í kvöld eftir brokkgenga deildarkeppni þar sem hvert lið lék 66 leiki á um 120 dögum. Enginn hörgull
var á uppákomum og dramatík þrátt fyrir óvenjustutt tímabil. Þorgils Jónsson lítur yfir farinn veg, fer yfir helstu atburði
vetrarins og spáir í spilin fyrir úrslitakeppnina, en þar eru margir fræknir kappar um hituna í baráttu um meistaratignina.
TITLATOG LeBron James hefur átt ótrúlega leiktíð fyrir Miami Heat en hefur enn ekki unnið meistaratitil. Nú er komið að úrslita-
keppninni þar sem hann hefur stigið mörg feilspor síðustu ár. NORDICPHOTO/AFP
Í rúman áratug var Ron Artest einn besti varnar-
maður NBA-deildarinnar en um leið ólíkindatól
sem var jafnlíklegur til að láta vísa sér af parketinu
fyrir dólgslæti og/eða ofbeldi, með tilheyrandi
skaða fyrir lið sitt. Hann sneri lífi sínu undraskjótt
við eftir að hann gekk í raðir LA Lakers og vann
með þeim sinn fyrsta meistaratitil. Artest varð að
fyrirmyndarborgara sem vann að geðheilbrigðis-
málum og breytti nafni sínu í Metta World Peace.
Svo gleymdi hann sér aðeins í æsingnum á
dögunum og þrumaði James Harden niður
að ósekju. Dýrið varð laust á ný og verður
fróðlegt að sjá hvort Metta eða Ron mæti
til leiks þegar hann hefur setið af sér sjö
leikja bann sem
hann fékk fyrir
árásina.
Friðurinn úti
Átta lið úr hvorri deild NBA berjast
um að komast í fjórðungsúrslit.
Liðin þurfa að vinna fjóra leiki til að
komast áfram.
Vesturdeildin
San Antonio (1) - Utah (8)
San Antonio hafa verið rjúkandi
heitir að undanförnu og hafa bæði
reynslu og gæði til að klára þetta
einvígi. Utah unnu síðustu fjóra leiki
sína, en mæta hér ofjarli sínum.
Oklahoma City (2) - Dallas (7)
Spennandi rimma þar sem meistar-
arnir mæta einu besta unga liði
deildarinnar, með Russell Westbrook
og Kevin Durant í fararbroddi. Dallas
verða að reiða sig á hamfaraspila-
mennsku hjá sínum lykilmönnum.
LA Lakers (3) - Denver (6)
Enginn meistarabragur hefur verið
á Lakers í ár. En Kobe Bryant er
úthvíldur og þeir Pau Gasol og
Andrew Bynum eru besta fram-
línupar deildarinnar. Það gæti skipt
sköpum, en Denver hafa unnið átta
af síðustu tíu leikjum og eru ekki
undir neinni pressu.
Memphis (4) - LA Clippers (5)
Þetta er eitt af áhugaverðari
einvígum fyrstu umferðarinnar. Allt
getur gerst hjá þessum frábæru
liðum, en lykillinn er samvinna Chris
Paul og Blakes Griffin hjá Clippers.
Gangi þeim allt í haginn eiga þeir
sigur vísan.
Austurdeildin
Chicago (1) - Philadelphia (8)
Þetta ætti að verða létt. Chicago er
með mörgum sinnum betra lið og á
sigur vísan.
Miami (2) - New York (7)
Miami á að vinna þessa rimmu án
teljandi vandræða, en Knicks gætu
komið á óvart og staðið í LeBron og
félögum.
Indiana (3) - Orlando (6)
Þetta ætti að verða auðsótt fyrir
Indiana því Orlando eru án Dwight
Howard. Sem sagt allslausir.
Boston (4) - Atlanta (5)
Celtics hafa verið á mikilli siglingu,
ekki síst vegna frammistöðu Rajon
Rondo og Kevin Garnett. Einvígi
liðanna í úrslitakeppnum síðustu
ára hafa hins vegar verið rafmögnuð
og ekkert er útilokað hér.
■ FYRSTA UMFERÐ
Tim Duncan er að
margra mati besti
kraftframherji í sögu
NBA og hann getur
sýnt fram á titla
og tölfræði-
blöð til að
rökstyðja það.
Duncan er
hins vegar
ekki að
yngjast frekar
en aðrir, er
nýorðinn 36
ára, og þjálfari
San Antonio
Spurs hefur haft
vit á því að leyfa
honum að hvíla
gömul hné. Á tölfræði-
skýrslu eins leiks sem
Duncan var hvíldur
hafði þjálfarinn skrifað
við nafn hans: DNP - Old
sem myndi útleggjast á
íslensku: „Ekki með sökum
elli.“ Það var auðvitað í gríni,
en Duncan og Spurs er full alvara
með að ætla að bæta enn einum
titli í safnið í ár.
Setið hjá sökum elli
Hver sá þetta í spilunum? Jeremy Lin átti sér
vart framtíð í NBA fyrr en þjálfari
Knicks lenti í manneklu í
febrúar og sleppti honum
lausum. Viku síðar var
Lin orðinn einn af
umtöluðustu
mönnum heims
og vonar-
stjarna fyrir
milljónir
ungmenna
um heim
allan. 26
leikir og treyjur
merktar Lin seldust
mest af öllum
í NBA í vetur,
meira en treyjur
Kone og LeBron.
Lin er því miður
meiddur og tekur
ekki þátt í úrslita-
keppninni þannig
að væntingaskaflinn
bíður hans næsta
hausts.
Lin-disþokki (og fleiri
vondir orðaleikir)
Dwight Howard hefur um árabil verið ein við-
kunnanlegasta stjarna deildarinnar. Þó
hann gefi ekkert eftir á vellinum og
kvarti oft undan dómurum var
hann jafnan kurteis, hreinn og
beinn og sífellt brosandi. Þangað
til í vetur þegar Howard gerði
allt sem í hans valdi stóð til
að komast burt frá Orlando,
meðal annars vílaði hann
ekki fyrir sér að krefjast
þess að þjálfari liðsins yrði
rekinn. Svo skipti hann
um skoðun og vildi
vera áfram en fór svo í
bakaðgerð og verður
ekki með í úrslita-
keppninni. Ekki er gott
að spá um fram-
haldið hjá Howard,
en óþægilegar minn-
ingar um framferði
LeBron James við
félagaskipti vakna
óneitanlega.
Fellur á glansmynd
ofurmennisins