Fréttablaðið - 28.04.2012, Síða 24

28. apríl 2012 LAUGARDAGUR24
R
agga nagli hefur bein-
skeyttan stíl. Hún talar
jafnan um sjálfa sig í þriðju
persónu og vandar ekki let-
ingjum fullum sjálfsvor-
kunnar kveðjurnar. Er Ragga
Nagli einhvers konar „hliðarsjálf“ Ragn-
hildar Þórðardóttur, sálfræðings og einka-
þjálfara? „Nei, ég myndi ekki segja það.
Ég er mjög skoðanaglöð manneskja og læt
skoðanir mínar flakka ef ég á annað borð
hef þær. Allt sem ég skrifa er komið beint
úr mínum eigin hugleiðingum. Ég myndi
aldrei skrifa neitt sem ég myndi ekki segja
beint við vinkonu mína á kaffihúsi.“
Naglinn þolir ekkert kjaftæði og væl.
„Ég hef enga samúð með fólki sem vælir
og grenjar ef það fær kvef. Um daginn
skrifaði ég grein um konu sem er ekki
með handleggi og keppir samt í fitness.
Ef ég nenni ekki í ræktina sjálf þá sparka
ég í rassinn á sjálfri mér og minni mig á
að það eru forréttindi að geta hreyft sig.
Það er ekki í boði að láta leti stöðva sig,
ekki á meðan fólk með ótrúlegar hindranir
nær afburðaárangri. Við eigum bara einn
líkama.“
Lifði á blandi í poka
Ætla mætti að Ragga þekki það ekki sjálf
að langa frekar til að fá sér bland í poka
og kókdós heldur en að fara í ræktina.
Það er þó öðru nær. „Þegar ég var í
menntaskóla nærðist ég helst á Sóma-
samlokum og sígarettum. Í skólaleik-
fimi þurfti því sem næst að leggja mig
inn eftir að ég hafði verið látin hlaupa
hringinn í kringum Tjörnina. Ég var líka
þybbin, þó ég hafi ekki verið í yfirþyngd.
En á síðasta ári í menntaskóla prófaði ég
body pump, sem eru lyftingatímar fyrir
byrjendur, og fann mig strax í því. Svo
varð þetta smám saman að lífsstíl og
ástríðu hjá mér,“ segir Ragga. Hún segir
að konur ættu að lyfta meira. „Hérna úti
lyfta ræktartútturnar ekki lóðum. Þetta
er hins vegar komið inn heima á Íslandi,
þar sem maður mætir venjulegum hús-
mæðrum með grifflurnar í kraftlyft-
ingagöllunum í ræktinni. Það er gaman
að því. Konur þurfa að lyfta til að fá
grunnstyrk og vöðvamassa sem styður
við beinin. Þá fá þær sterka miðju, sterkt
bak og betri líkamsvitund. Líkaminn
verður einfaldlega fallegri. Stelpur eru
alltaf að hugsa um að brenna fitunni, fit-
unni, fitunni! Það er það eina sem kemst
að og svo er slefað á skíða vélinni út í
hið óendanlega. Það er vitlaust, því þú
brennir miklu meira á einni góðri lyft-
ingaæfingu.“
Kjökrandi yfir túnfisknum
Ragga hefur verið búsett í Kaupmanna-
höfn í á þriðja ár, en heldur enn þá
styrkum tengslum við Ísland, enda bíða
margir landar hennar í röðum eftir því að
komast að í fjarþjálfun hjá henni. Ragga
segir marga hafa þörf fyrir leiðbeining-
ar með líkamsrækt og mataræði, til þess
einfaldlega að ná fókus í ofgnótt mis-
góðra upplýsinga í fjölmiðlum og á netinu.
„Mín aðferð er ekki endilega sú eina rétta,
enda eru margar leiðir að því að flá kött.
Ég er mikið í þessu „common sense“. Ég
bendi fólki á að reyna að hafa matinn beint
af kúnni og minnka skammtana. Fá sér
súkkulaði um helgar og pitsu á kantinum.
Bara ekki á hverjum degi. Ég hitti ráð-
villta stelpu um daginn sem sagðist varla
borða annað en túnfisk og hrökkbrauð.
„Hvaða andskotans leiðindi eru það,“
spurði ég furðulostin. Hún svaraði því til
að hún vissi orðið ekki hvað hún mætti
borða. Ég sagði henni að fá sér nautahakk
og lax og hún var voðalega hissa yfir að
það væri í lagi. Það er búið að troða svo
mikilli vitleysu í hausinn á fólki og upplýs-
ingarnar eru svo misvísandi að það endar
með því að sitja úti í horni, kjökrandi með
túnfisk og hrökkbrauð.“
Svarthvítur hugsunarháttur
Ragga býr í Kaupmannahöfn þar sem
hún er að klára kandídatspróf í sálfræði.
Í náminu leggur hún sérstaka áherslu á
átraskanir og fíknikúrsa, sem hún heim-
færir meðal annars á matarfíkn og ofáts-
hegðun sem hún þekkir úr starfi sínu. Hún
segir sálina og líkamann spila náið saman,
þau séu óaðskiljanleg og því ætti að vinna
meira með þau heildrænt. „Þetta fléttast
allt saman. Að loknu mínu námi langar mig
að geta hjálpað enn frekar þessum hópi
fólks sem er í yfirþyngd en gefst alltaf upp
í þjálfuninni. Samkvæmt minni reynslu er
alltaf ákveðinn hópur sem hefur þjálfun
og er mjög duglegur í tvo til þrjá mánuði.
Svo gerist eitthvað og þeir hætta öllu. Mig
langar að komast inn í hausinn á þessu
fólki og hjálpa því út úr þessu,“ segir Ragn-
hildur, sem segir niðurrif og svart hvítan
hugsunarhátt oft einkenna þenna hóp.
„Stundum sýnist mér það, að ganga vel,
ekki vera í línu við sjálfsmynd þessa fólks.
Eins og það þurfi að rífa sjálft sig niður.
Ef það fær flensu, fer til útlanda, eða eitt-
hvert smá rask verður á rútínu þess fer
allt á hliðina. Smáhindrun verður að fjalli
og fjallið verður að afsökun fyrir að gefast
upp. Það er þessi svarthvíti hugsunar-
háttur sem er svo slæmur. „Nú er ég komin
í sukkið, nú er allt ónýtt. Nú baða ég mig í
majonesi það sem eftir er!““
Hægt að vera feitur og fitt
„Niðurrifið fylgir svo beint í kjölfarið. „Þú
ert aumingi og getur ekki neitt,“ segir fólk
við sjálft sig og þá er oft leitað í mat eftir
huggun. Það er áhugaverð kenning í sál-
fræðinni þessu tengd. Þegar fólk er haldið
einhvers konar vanlíðan, svo sem einmana-
leika og tómleikatilfinningu, hverfur van-
líðanin oft þegar meltingin hefst. Orka
líkamans fer í að melta og áhyggjurnar
gleymast á meðan. En vanlíðanin kemur
svo tvíefld til baka þegar samviskubitið
yfir öllu átinu heldur áfram. Þetta er ein
af þessum „dysfunctional“ leiðum til að
takast á við vandamálin, svipað og að fá sér
í glas.“
Ragga segir augljóst hversu slæm áhrif
óraunhæfar útlitskröfur nútímans hafi á
fólk. Allt of margir setji samasemmerki
milli þess að vera grannur og heilsu-
hraustur. „Ef þú ert með 10 til 15 aukakíló
en hreyfir þig reglulega, ert hraustur og
getur rifið í járnin, þá ertu kannski bara í
góðum málum. Feitt og fitt fólk er oft miklu
heilsuhraustara en það granna sem aldrei
hreyfir sig. Útlit segir okkur ekkert um
heilsuna. En auðvitað verður líka að hafa
í huga að það er álag á stoðkerfið að vera
alltaf of þungur. Það, hvort þú ert í kjör-
þyngd eða ekki, skiptir ekki höfuðmáli
heldur hvort heilsan sé í lagi.“
Margar leiðir til að flá kött
Líkamsræktarfrík og letihaugar eru á meðal fjölmargra dyggra lesenda Röggu Nagla. Hún heitir fullu nafni Ragnhildur Þórðar-
dóttir og er sálfræðingur og einkaþjálfari sem hefur náð hundruðum Íslendinga upp úr feni misviturra upplýsinga um heilsu-
rækt og hjálpað þeim að ná varanlegum árangri. Naglinn gaf Hólmfríði Helgu Sigurðardóttur nokkur vel valin ráð.
HJÓLAR UM KAUPMANNAHÖFN Ragnhildur Þórðardóttir
býr í Kaupmannahöfn þar sem hún fer allra sinna ferða á
hjóli. Hún heldur alltaf þéttum tengslum við Ísland, enda
hefur hún fjölda Íslendinga í fjarþjálfun og skrifar pistla á
Heilsupressuna sem njóta mikilla vinsælda.