Fréttablaðið - 23.08.2012, Blaðsíða 46

23. ágúst 2012 FIMMTUDAGUR34 34
menning@frettabladid.is
SAMTÍMAVERK FLUTT Klukkan þrjú á laugardag og sunnudag verða brot úr nýjum norrænum leikritum leiklesin í Kassanum í
Þjóðleikhúsinu. FRÉTTABLAÐIÐ/VALLI
Tónlist ★★★ ★★
Sumartónleikar 2012
Einar Jóhannesson og Alessandra Pompili
Listasafn Sigurjóns 21. ágúst
Fersk efnisskrá
Marlon Brando hafði í fyrstu ekki áhuga á að leika Guðföðurinn. Hann vildi
ekki taka þátt í að upphefja mafíuna. Síðar skipti hann um skoðun, eins og
frægt er. Eitt af því sem upphefur mafíuna er tónlistin í kvikmyndinni. Hún
er unaðslega fögur. Öll leiðarstefin sem sérstaklega
tákna mafíuna eru svo grípandi, að maður sjálfkrafa
heldur með vonda fólkinu.
Nino Rota er sennilega þekktastur fyrir þessa tónlist.
En hann samdi músík við ótal aðrar myndir, þ. á m.
eftir Fellini. Hann var gríðarlega afkastamikill. Fyrir utan
kvikmyndatónlist samdi hann líka alls konar öðruvísi
músík, t.d. kammerverk. Þau hafa ekki verið áberandi í
tónlistarlífinu hér. Ég man ekki eftir að hafa heyrt neitt
af þeim á tónleikum. Fyrr en nú.
Í Listasafni Sigurjóns Ólafssonar á þriðjudagskvöldið
léku þau Einar Jóhannesson klarínettuleikari og hin
ítalska Alessandra Pompili sónötu í D-dúr eftir Rota. Það
er sjarmerandi tónlist, lagræn og fljótandi. Einar spilaði
afar fallega, hver hending var smekklega mótuð, innileg
og tilfinningaþrungin. Og Pompili lék af alúð, tónarnir
voru mjúkir og dreymandi. Útkoman var sérlega notaleg
áheyrnar.
Efnisskráin var skemmtilega fjölbreytt. Þau Einar
og Pompili léku ýmist saman, eða hvort í sínu lagi.
Píanóeinleiksverkin voru fleiri, fyrst hið sérkennilega La
lugubre gondola eftir Franz Liszt. Ég segi hið sérkenni-
lega, vegna þess að Liszt var oft þungt hugsi í síðari
verkum sínum. Þau eru tilraunakennd og á margan hátt
langt á undan sinni samtíð. Það er líka verulegur drungi í þeim.
Pompili spilaði verkið fallega, öll innhverfan var vel mótuð og áhrifamikil.
Ég hefði þó viljað heyra dramatískari, snarpari hápunkt. Maður hafði á til-
finningunni að píanistinn væri óþarflega mikið að vanda sig. Auk þess var
flygillinn ekki opinn af einhverjum undarlegum ástæðum; það dempaði
hljóminn.
Sömu sögu er að segja um þriðju ungversku rapsódíuna eftir Liszt, sem
skorti dálítið léttleikann. Hann þarf líka að vera til staðar þótt yfirbragð
verksins sé alvarlegt. En nokkrar örstuttar tónsmíðar eftir hinn argentínska
Sergio Calligaris (tvær æfingar op. 11 og Il Quaderno Pianistico di Renzo)
voru litríkar og túlkaðar af sannfæringarkrafti. Þetta eru tiltölulega ný verk,
en aðgengileg og skemmtilega margbrotin.
Einar lék líka einleik, það var Kveðja eftir Þorkel Sigurbjörnsson. Tónlistin
er samin í minningu Gunnars Egilssonar klarínettuleikara. Túlkun Einars var
mjúk og draumkennd, jafnvel töfrakennd.
Loks spiluðu þau Einar og Pompili Karnival í Feneyjum eftir Paul Jean-
jean. Það er leikandi tónlist með mikilli flugeldasýningu sem var prýðilega
útfærð. Óneitanlega flottur endir á fjölbreyttri dagskrá.
Jónas Sen
Niðurstaða: Falleg túlkun, en píanóleikarinn hefði mátt spila af meiri krafti
þegar við átti.
www.fjalakotturinn.is
Aðalstræti 16 | 101 Reykjavík | Sími 514 6060 | dining@hotelcentrum.is
Um helgina verður brot
úr nýjum norrænum leik-
ritum leiklesin í Þjóð-
leikhúsinu í tengslum við
Norræna sviðslistardaga.
Charlotte Böving sem leik-
stýrir lestrinum segir hann
gefa áhugaverða innsýn inn
í norræna leikritun sam-
tímans.
Norrænir sviðslistardagar hefj-
ast í Reykjavík í dag en þeir eru
haldnir annað hvert ár á einhverju
Norðurlandanna. Meðal nýjunga
á hátíðinni að þessu sinni er nor-
ræna leikskáldalestin sem kemur
í stað norrænu leikskáldaverð-
launanna sem hafa til þessa verið
veitt norrænu leikskáldi á tveggja
ára fresti. Á komandi leikári munu
þess í stað verk fimm norrænna
leikskálda leiklesin á Norðurlönd-
unum í tengslum við hátíðir og
stærri viðburði. Þannig er hug-
myndin að leikskáldin geti kynnt
verk sín á víðari vettvangi en ella.
Charlotte Böving leikstýrir
leiklestri verkanna hér á landi en
fimmtán íslenskir leikarar hafa
verið kallaðir til þess að flytja brot
úr verkunum um helgina. „Við setj-
um þetta upp þannig að það er flutt
brot úr verkinu og svo kemur höf-
undurinn á svið og svarar spurn-
ingum áhorfenda. Verkin eru lesin
NORRÆN VERK LEIKLESIN
á ensku, til þess að auðveldara sé
fyrir áhorfendur að skilja þau og
til þess einnig að opna markaðinn
fyrir norræna höfunda utan Norð-
urlandanna.“
Charlotte segir verkin skemmti-
lega ólík. „Þau eiga það öll sam-
eiginlegt að vera vel skrifuð, en
umfjöllunarefnin eru ólík og þau
eru byggð upp á ólíkan hátt. Verk-
in gefa mjög góða innsýn inn í
samtímaleikritun á Norðurlöndum
sem er mjög áhugavert.“
Höfundar verkanna eru frá
öllum Norðurlöndunum. Á laug-
ardag verða flutt brot úr sænska,
danska og finnska verkinu. Í
sænska verkinu Mira á leið hjá,
eftir Martinu Montelius, er hug-
myndin um fjölskylduna tekin
til rækilegrar endurskoðunar.
Danska verkið Enginn hittir engan
eftir Peter Asmussen leiðir áhorf-
endur inn í sálarmyrkur tveggja
ástríðufullra einstaklinga sem
hafa lokast inni í mynstri og blekk-
ingum sambands síns. Finnska
verkið heitir Saga Megan og er
eftir Tuomas Timonen. Það fjallar
um Megan Meier, sem stytti sér
aldur aðeins 13 ára gömul, eftir
að hafa orðið fyrir einelti á netinu.
Á sunnudag er svo komið að
norska og íslenska verkinu. Hið
norska Ég hverf eftir Arne Lygre
fjallar um þrjár konur sem standa
á barmi hyldýpis. Þær reyna að
komast undan, en þeim virðist
vera fyrirmunað að ná nokkurri
fótfestu. Loks ber að geta íslenska
verksins Hænuunganna eftir
Braga Ólafsson sem fjallar um
húsfund í fjölbýli í Reykjavík, þar
sem djassáhugamaðurinn Sigur-
hans hyggst koma upp um þá sem
hann telur að hafi stolið frosnum
kjúklingum úr frystikistu hans í
kjallaranum fyrir skemmstu.
Öll verkin hafa verið sýnd á sviði
og voru valin af dómnefnd í sínu
heimalandi til þátttöku í lestinni.
Leiklesturinn hefst báða daga
klukkan 15 í Kassanum í Þjóð-
leikhúsinu og er aðgangur ókeyp-
is. „Þetta verður áhugavert fyrir
áhorfendur, við höfum farið ólík-
ar leiðir í sviðsetningu verkanna,
þetta er ekki upplestur úr þeim
heldur leiklestur þar sem leikarar
ferðast um sviðið,“ segir Charlotte
að lokum. sigridur@frettabladid.is
LISTIN OG VERULEIKINN
Yfirskrift Norrænu sviðslistadag-
anna er Höfundurinn í sviðs-
listum og er kastljósinu beint að
höfundarverkum sviðsfólks í öllum
sínum fjölbreytileika. Fyrir utan
leikskáldalestina er fjöldi viðburða
á dagskrá, meðal annars málþing
á Dansverkstæðinu klukkan eitt á
laugardag í samvinnu við Reykjavík
Dance Festival og í Tjarnarbíói á
sunnudag á sama tíma þar sem
rætt verður um tengsl listar og
veruleika. Það þing er í samstarfi
við leiklistarhátíðina Lókal.
EINAR
JÓHANNESSON
ALESSANDRA
POMPILI
FANTASÍUR, nýútkomin bók Hildar Sverrisdóttur um kynlífsfantasíur kvenna, hittir
í mark hjá lesendum en bókin var mest selda skáldverkið í kilju í Eymundsson í liðinni
viku samkvæmt sölulista sem birtur var í gær. Hildur er ritstjóri verksins en í því er birt
51 fantasía sem valin var úr verkum sem send voru inn nafnlaust.
Tríóið Ensemble Úngút heldur tónleika í Fríkirkjunni í kvöld
klukkan átta með nýstárlegum útsetningum íslenskra þjóðlaga og
íslenskra sönglaga. Tríóið er skipað söngkonunni Rósu Baldurs-
dóttur, kontrabassaleikaranum Einari Sigurðssyni og píanóleikar-
anum Peter Arnesen, sem hefur útsett öll lögin. Ensemble Úngút
var stofnað í Salzburg í Austurríki fyrir um sex árum og kom út
diskur með þeim sem bar heitið Songs of Iceland í kjölfarið. Um
þessar mundir er annar geisladiskur þeirra væntanlegur en tríóið
er nýkomið úr tónleikaferð um Kanada. - hþt
Þjóðlög í nýjum búningi