Fréttablaðið - 23.08.2012, Blaðsíða 17

FIMMTUDAGUR 23. ágúst 2012 17
NEYTENDUR Tilkoma verslunar
Bauhaus á íslenskan byggingar-
vörumarkað hefur hingað til
ekki haft teljandi áhrif á verð á
byggingarvörum. Þetta segir í
Morgunkorni greiningardeildar
Íslandsbanka frá því á þriðjudag,
þar sem vitnað er í mælingar
Hagstofu Íslands á vísitölu bygg-
ingarverðs.
Bauhaus hóf rekstur í maí en er
ekki inni í verðkönnuninni. Inn-
lent efni hjá þeim sem fyrir eru
hefur hins vegar hækkað í verði
um 0,3 prósent síðan um miðjan
maí. Á meðan hefur innflutt efni
lækkað um 0,9 prósent, en sú
verðlækkun er, að sögn greining-
ardeildarinnar, að öllum líkind-
um öll tilkomin vegna styrkingar
krónunnar á sama tímabili. - þj
Byggingarvörumarkaðurinn:
Verð hafa ekki
lækkað með til-
komu Bauhaus
BYGGINGARVINNA Flest bendir til þess
að verð á byggingavörumarkaði hafi
ekki lækkað eftir að Bauhaus kom inn á
innlendan markað. FRÉTTABLAÐIÐ/VALLI
EFNAHAGSMÁL Vísitala byggingar-
kostnaðar hafði um miðjan ágúst
lækkað um 0,3 prósent frá fyrri
mánuði, að því er fram kemur
á vef Hagstofu Íslands. Vísital-
an stóð í 114,8 stigum um miðj-
an mánuðinn. „Verð á innfluttu
efni lækkaði um eitt prósent, sem
skýrir lækkun vísitölunnar,“ segir
á vef Hagstofunnar.
Í umfjöllun Greiningar Íslands-
banka á þriðjudag er bent á að
umtalsvert hafi hægt á hækk-
unartakti byggingarkostnaðar
undanfarna mánuði. Árshækkun
vísitölunnar nemi nú 3,9 prósent-
um. „Undanfarið ár hefur vísitala
íbúðaverðs á höfuðborgarsvæð-
inu hækkað um 7,3 prósent, og er
fasteignaverð því að hækka mun
hraðar en byggingarkostnaður um
þessar mundir.“ - óká
Byggingarkostnaður minnkar:
Fasteignaverð
hækkar meira
en vísitalan
EFNAHAGSMÁL Innlán íslenskra
heimila hafa dregist saman um 7%
á síðastliðnu ári, að því er fram
kemur í nýrri útgáfu Peningamála
Seðlabankans. Innlán fyrirtækja,
annarra en eignarhaldsfélaga, hafa
hins vegar aukist um 7,4%.
Í Peningamálum kemur fram að
samdráttur innlána heimila endur-
spegli að hluta að raunávöxtun inn-
lána er neikvæð sem hefur hvatt
heimili til að auka við neyslu á var-
anlegum neysluvarningi. Þá hefur
sparnaður sömuleiðis verið nýttur
til fjárfestinga í húsnæði auk þess
sem innstæður hafa verið fluttar í
sjóði sem gefa betri ávöxtun. - mþl
Peningamál Seðlabankans:
Minni sparn-
aður heimila
FASTEIGNIR Neikvæð raunávöxtun inn-
lána er talin hafa ýtt undir fjárfestingu í
húsnæði. FRÉTTABLAÐIÐ/VILHELM
NÁTTÚRA Ísmagn við norðurheim-
skautið mun ná sögulegu lágmarki
í lok mánaðarins samkvæmt mæl-
ingum Cryosat-gervihnattar ESA,
evrópsku geimferðastofnunarinn-
ar.
Bandarískir vísindamenn sem
skoðað hafa gögnin frá Cryosat
segja að ísmagnið nú sé talsvert
minna en á sama tíma árið 2007
þegar fyrra metið var sett. Ís við
norðurheimskautið bráðnar iðu-
lega nokkuð yfir sumarið og nær
ísmagnið jafnan lágmarki í seinni
hluta september. Miðað við stöð-
una nú telja vísindamennirnir þó
líklegt að gamla metið yfir lítið
ísmagn falli strax fyrir næstu
mánaðamót.
Samkvæmt nýjustu mælingum
Cryosat var ísmagnið þann 13.
ágúst síðastliðinn 483.000 fer-
kílómetrum minna en á sama tíma
árið 2007. Jafngildir það ríflega
fjóru og hálfu Íslandi.
Ísmagn við norðurheimskaut-
ið er mælt þannig að þau svæði
Norður-Íshafsins þar sem ís þekur
meira en 15% svæðisins eru reikn-
uð með en önnur svæði ekki.
Cryosat-gervihnettinum var
skotið á loft árið 2010 en hann
hefur það hlutverk að fylgjast með
ísmagni við heimskautin. - mþl
Ísmagn við norðurheimskautið mun brátt ná sögulegu lágmarki:
Ísmagn í Norður-Íshafi aldrei minna
NORÐURPÓLLINN Ísmagn við norðurheimskautið nær yfirleitt lágmarki á ári hverju í
seinni hluta september. MYND/GETTY