Fréttablaðið - 11.10.2012, Page 56

11. október 2012 FIMMTUDAGUR36 36
menning@frettabladid.is
STUDIO STAFN í Ingólfsstræti heldur áfram kynningu á myndlist Gunnars S. Magnússonar
með opnun sýningar á kolateikningum og málverkum hans á morgun kl. 17. Á síðasta ári sýndi
Studio Stafn geómetríur eftir Gunnar S. og nú er komið að öðrum hluta þessara sýninga.
Frummælendur:
Hólmfríður Margrét Bjarnadóttir, hjúkrunarfræðingur M.Sc.
Að meðhöndla hið stóra í gegnum hið smáa
Arnbjörg K. Konráðsdóttir, kundalini jógakennari, jógískur
ráðgjafi, bowentæknir og heilari.
Hugleiðsla og jógaiðkun til lífs í jafnvægi
Arnbjörg Linda Jóhannsdóttir, Dip.phyt. Lic.ac
Viðbrögð líkamanns við tilfinningalegu áreiti
Anna Ottesen, sjúkraþjálfari B.Sc.
Heilsan í öngstræti – hvað er til ráða?
Sveinn Guðmundsson, doktorsnemi í mannfræði við HÍ
Læknar, hjúkrunarfræðingar og heildræn heilsa
Bridget Ýr McEvoy, verkefnisstjóri í hjúkrun á HNLFÍ
Gjörhygli og slökun
Fundarstjóri: Haraldur Erlendsson yfirlæknir á HNLFÍ
Fyrirspurnir og pallborðsumræður - Hollar veitingar í hléi
Málþing Náttúrulækningafélags Íslands - 12. október 2012
Berum ábyrgð
á eigin heilsu
Heildræn nálgun
til heilbrigðis
Náttúrulækningafélag Íslands efnir til málþings
í Hvammi, Grand Hótel, föstudaginn
12. október 2012 kl. 13:00 – 17:00
Hólmfríður Margrét
Bjarnadóttir
Arnbjörg Linda
Jóhannsdóttir
Sveinn
Guðmundsson
Arnbjörg K.
Konráðsdóttir
Anna Ottesen
Bridget Ýr McEvoy
Haraldur Erlendsson
- Er blanda af hefðbundinni meðferð og
viðbótarmeðferð viðurkennd?
- Er hugur og líkami órjúfanleg heild?
- Tölum við um sjúkdóma fremur en heilbrigði?
- Að leita jafnvægis - er það leið til heilbrigðis?
- Geta tilfinningar valdið sjúkdómum?
- Hvaða úrræði eru í boði?
Allir velkomnir.
Aðgangseyrir kr. 2.000.
Frítt fyrir félagsmenn
Leikritið Jónsmessunótt
eftir Hávar Sigurjónsson
verður frumsýnt í Kassa
Þjóðleikhússins í kvöld.
„Þetta er mjög flott verk frá hendi
höfundar, leikandi létt en hefur
um leið marga fleti og býður upp
á margar tengingar við íslensk-
an samtíma,“ segir Harpa Arnar-
dóttir, leikstjóri Jónsmessunætur,
nýs leikrits eftir Hávar Sigurjóns-
son sem frumsýnt verður í Kassan-
um í Þjóðleikhúsinu í kvöld.
Verkinu lýsir Harpa sem kol-
svartri kómedíu um íslenska fjöl-
skyldu sem kemur saman í sumar-
bústað til að fagna gullbrúðkaupi
elstu kynslóðarinnar. Í verkinu
er sögð saga fjölskyldunnar, sem
endurspeglar sam félagið sem hún
hefur lifað í. Fjölskyldufaðirinn vill
endur skrifa sögu fjölskyldunnar og
í uppsiglingu eru átök um völd og
eignir og uppgjör á milli einstak-
linganna er óumflýjanlegt.
„Þarna leysast úr læðingi fjöl-
skyldubönd sem eru bæði ógnvæn-
leg og meinfyndin og brúðkaups-
afmælið, sem átti að verða létt og
skemmtilegt, endar í allsherjar
rússíbanareið.“
Fjölskyldan í verkinu endur-
speglar um margt íslenskt sam-
félag í dag. „Þess vegna eru ný
íslensk leikverk svo mikilvæg,“
segir Harpa. „Þau eru sprottin
úr okkar sam-
tíma og segja
svo margt um
ástandið í dag.
Þess vegna er
svo mikilvægt
að hlúa að leik-
skáldum.“
Þetta er í
fyrsta sinn sem
Harpa leik stýrir
verki í Þjóð-
leikhúsinu.
„Ég er fyrst og fremst leik-
kona en hef leikstýrt inn á milli í
gegnum tíðina og hef sífellt meira
gaman af því.“ Hún er hæstánægð
með leikhópinn, sem og aðra sem að
verkinu koma.
„Þetta eru stórkostlegir lista-
menn og algjörlega frábært að fá
að vinna í svona stórum listrænum
faðmi. Vinnuferlið er mjög opið
og allir taka virkan þátt í sköpun-
inni. Mér þykir sjálfri mjög gott
að vinna í opnu, skapandi og dýna-
mísku ferli.“ bergsteinn@frettabladid.is
Gullbrúðkaup endar í til-
finningalegri rússíbanareið
GULLBRÚÐKAUP Jónsmessunótt er kolsvört kómedía þar sem segir frá afdrifaríku gullbrúðkaupi, þar sem fjölskyldufaðirinn reynir
að endurskrifa fjölskyldusöguna með þeim afleiðingum að upp úr sýður. MYND/ÞJÓÐLEIKHÚSIÐ
HARPA
ARNARDÓTTIR
JÓNSMESSUNÓTT
Höfundur: Hávar Sigurjónsson.
Leikarar: Kristbjörg Kjeld, Arnar
Jónsson, Þorsteinn Bachmann, Atli
Rafn Sigurðarson, Edda Arnljóts-
dóttir, Þórunn Arna Kristjánsdóttir
og Maríanna Clara Lúthersdóttir.
Leikmynd: Finnur Arnar Arnarson.
Búningar: Kristína Berman.
Lýsing: Ólafur Ágúst Stefánsson.
Tónlist: Vala Gestsdóttir.
Leikstjóri: Harpa Arnardóttir.
www.saft.is
RÆDDU UM ÞÁ
ÁHÆTTU SEM FYLGIR
ÞVÍ AÐ HITTA NETVIN
Tómið nefnist myndlistar sýning
sem verður opnuð í Listasafni
Árnesinga á laugardag. Undir-
titillinn er „Horfin verk Kristins
Péturssonar“ en þar verður sjónum
beint að þeim verkum sem Kristinn
(1896-1981) vann að síðustu ævi-
árin. Sýningin er unnin í samstarfi
við Listasafn ASÍ en sýningarstjóri
er Markús Þór Andrésson.
„Kristinn skildi eftir sig töluvert
magn verka,“ segir Markús. „Mörg
eru varðveitt á Listasafni ASÍ en
öðrum var hent á haugana. Ég er
að leika mér að skoða þau verk sem
var hent í ljósi þeirra verka sem
varðveittust. Ég notast þá helst við
skissur, dagbækur og örfáar ljós-
myndir í þessum verkum sem eru
horfin. Þetta voru mest þrívíð verk,
skúlptúrar og innsetningar, en líka
nokkrar teikningar og málverk sem
gefa hugmynd um hversu framúr-
stefnulegar hugmyndir hann var að
fást við undir það síðasta.”
Markús segir að ævistarf Krist-
ins skiptist í þrennt. Hann hafi
byrjað í landslagsmyndum, þróast
yfir í súrrealískari verk áður en
hann tók að fást við innsetningar og
staðbundna list. „Þetta voru hug-
tök sem enginn var að pæla í hér á
landi á þeim tíma og má geta sér til
að hann hafi verið að kallast bein-
línis á við strauma og stefnur út í
heimi.“ Kristinn hélt sína síðustu
sýningu árið 1956 og Markús segir
að af dagbókarbrotum megi ráða að
honum hafi fundist hann útskúfað-
ur. „En það má velta fyrir sér hvort
hann hafi sjálfur átt þar hlut að
máli. Hann virðist hins vegar fyrst
og fremst hafa verið upp á kant við
jafnaldra sína og maður fær á til-
finninguna að ef hann hefði komist
í samband við yngri kynslóðir, til
dæmis SÚM-arana, hefði hann
smellpassað við þann díalóg.
Auk verka Kristins taka fjórir
listamenn af yngri kynslóðinni þátt
í sýningunni; Hildigunnur Birgis-
dóttir, Huginn Þór Arason, Sólveig
Aðalsteinsdóttir og Unnar Örn.
Þau sýna verk sem sett eru fram
sem eins konar athugasemdir við
þungamiðju sýningarinnar.
Horfin verk Kristins Péturssonar til sýnis
MARKÚS BAK VIÐ STRIGA Sýningarstjórinn mundar eitt af verkum Kristins Péturssonar.