Fréttablaðið - 22.11.2012, Page 10

22. nóvember 2012 FIMMTUDAGUR| FRÉTTIR | 10
Ingimar Sigurðsson, forstöðumaður
www.volkswagen.is
Volkswagen Passat
eigendur eru ánægðir
með metanið
Volkswagen Passat EcoFuel, bíll ársins 2012
Sparnaður og lúxus fara
einstaklega vel saman
í Highline útfærslunni
Eigendur Passat EcoFuel taka þátt í því að
minnka losun koltvísýrings í andrúmsloftið,
spara dýrmætann gjaldeyri með því að nota
íslenskan orkugjafa og lækka eldsneytis-
kostnaðinn um nær helming.
Passat TSI EcoFuel kostar frá
3.990.000 kr.
Meðaleyðsla 6,8 l /100 km bensín, 6,6 m3 4,3 kg/100 km metan m.v. blandaðan akstur.
mv. Volkswagen Passat TSI Eco Fuel og óverðtryggðan
bílasamning með gullvildarkjörum frá Ergo til 84 mánaða
og 25% útborgun. Hlutfallstala kostnaðar 10,30%.
49.426 kr.
á mánuði
Tugir hunsa ný lög
1 Tugir mannréttindasamtaka og annarra óháðra félagasamtaka í Rússlandi hunsa nýja löggjöf um starfsemi þeirra, sem tók gildi í gær.
Samkvæmt nýju lögunum þurfa samtök sem þiggja stuðningsfé frá út-
löndum að skrá sig sem erlenda útsendara í Rússlandi. Þar með eru stjórnvöld,
að mati þessara samtaka, að grafa undan trúverðugleika þeirra meðal lands-
manna.
Þau samtök sem ekki fara að lögunum mega búast við sektum og gætu að
auki misst starfsleyfi sitt.
Létust í ruslagámi
2 Fimm drengir á aldrinum 9 til 13 ára, sem fundust látnir í ruslagámi í bænum Bije í sunnanverðu Kína á mánudag, höfðu ekki sést heima hjá
sér í tíu daga þegar leit var hafin.
Þeir höfðu leitað skjóls í gámnum og kveikt eld til að hlýja sér, en létust af
kolsýringseitrun.
Málið hefur vakið mikla athygli í kínverskum fjölmiðlum og hrint af stað
umræðu um lélega félagsþjónustu sem fátækum fjölskyldum býðst í landinu.
Sex embættismenn hafa verið reknir, þar á meðal tveir skólastjórar.
Hryðjuverkamaður líflátinn
3Mohammed Ajmal Kasab, eini vígamaðurinn sem lifði af hryðjuverka-árásirnar á Múmbaí árið 2008, var í gær tekinn af lífi, rúmlega hálfu öðru
ári eftir að hann hlaut dauðadóm.
Hann var í hópi pakistanskra byssumanna sem réðust á hótel, menningar-
miðstöð, veitingahús og lestarstöð í borginni með þeim afleiðingum að 166
manns létu lífið.
Við réttarhöldin yfir Kasab kom fram að pakistönsku hryðjuverkasamtökin
Lashkar e Taiba hefðu staðið á bak við árásirnar.
Kveikt í ruslahaugum
4 Íbúar í spænska bænum Jerez kveiktu í gær í fjölmörgum yfirfullum ruslagámum og haugum af ruslapokum sem safnast hafa saman víða um
borg meðan sorphirðumenn hafa verið í verkfalli.
Slökkviliðið þurfti að slökkva í að minnsta kosti 85 eldum, aðallega í út-
hverfum bæjarins, sem er vinsæll áfangastaður ferðamanna.
Mikil reiði er meðal bæjarbúa með ástandið og sums staðar þurftu slökkvi-
liðsmenn lögreglufylgd til að tryggja öryggi þeirra.
1
4
23
HEIMURINN
FÓLK „Þetta er út í hött. Ástvinir
vilja vera saman,“ segir Gísli Lín-
dal í Holti í Garðabæ, sem telur að
ókunnug kona hafi verið jarðsett
í leiði sem frátekið var fyrir fjöl-
skylduna í kirkjugarðinum í Garða-
holti.
Móðir Gísla lést árið 2003 og
var þá jarðsett í duftreit í kirkju-
garðinum við Garðakirkju. „Þegar
mamma dó óskuðum við eftir að
fá fjóra reiti og var þá sagt að
það væri ekkert mál enda var hún
aðeins þriðja manneskjan í nýjum
reit. Við tókum margsinnis fram að
það þyrfti að vera pláss fyrir fram-
an og við hliðina á henni og þannig
var þetta sett upp,“ útskýrir Gísli.
Viðbótarstæðin þrjú segir Gísli
hafa verið ætluð honum sjálfum,
bróður hans og mágkonu. Fyrir
nokkrum vikum tók hann eftir að
jarðsett hefði verið í grafstæðinu
beint fyrir framan móður hans.
Hann hafi óskað eftir skýringum
hjá stjórnendum kirkjugarðsins.
„Þau sögðust ekki hafa funduð
neina pappíra. Það er ósköp einfalt
að skýla sér á bak við það,“ segir
Gísli, sem kveður mistök hafa orðið
og tengir þau við að nýtt fólk hafi
tekið við stjórn kirkjugarðsins í
sumar.
Stefán Heimir Finnbogason stað-
festir frásögn Gísla bróður síns.
„Þegar mamma var sett niður var
óskað eftir þremur aukastæðum og
að við værum þarna fjögur í fern-
ingi,“ segir Stefán, sem hefur rætt
við stjórnendur kirkjugarðsins og
fallist á að hann og eiginkona hans
hvíli í einni gröf við hliðina á Gísla
og móður þeirra bræðra. „Það er
ekki hægt að breyta þessu og það
skiptir engu máli fyrst þetta fór
svona.“
Þórunn Björgvinsdóttir kirkju-
haldari segir það misskilning hjá
þeim bræðrum að þrjú viðbótar-
leiði hafi verið frátekin í ferningi.
Aðeins tvö leiði hafi verið tekin frá
fyrir þá bræður. Þau séu bæði til
hliðar við móður þeirra.
„Þannig er teikningin af þessu.
Það er búið að tala við bróður hans
og hans konu. Frekar en að fara
eitthvert annað ætla þau saman í
eitt leiði og Gísli fær það sem hann
bað um. Gísli hefur hugsað þetta
öðruvísi í upphafi en ekki skil-
ið hvernig var frá þessu gengið,“
segir kirkjuhaldarinn.
Þótt Gísli sé óánægður hyggst
hann halda sínu striki og leggj-
ast til hvílu við hlið móður sinnar
þegar sú stund rennur upp. „Ég fer
á minn stað – ef það verður ekki
búið að planta ofan í hann.“
gar@frettabladid.is
Hjón í eina gröf eftir
mistök í kirkjugarði
Bræður segja að ókunnug kona hafi fyrir mistök verið jörðuð hjá móður þeirra í
fráteknum grafreit fjölskyldunnar í Görðum. Eldri bróðirinn er ósáttur en sá yngri
fellst á að hvíla í einni gröf með eiginkonu sinni að jarðvist þeirra lokinni.
HLIÐ VIÐ HLIÐ Móðir Gísla er grafin í duftkirkjugarðinum í Garðaholti og ætlar Gísli
að hvíla að lokum við hlið hennar. Bróðir Gísla og mágkona verða síðan í einni gröf
honum við hlið en ekki fyrir framan eins og Gísli segir að hafi verið frágengið fyrir níu
árum. FRÉTTABLAÐIÐ/PJETUR
DÓMSMÁL Héraðsdómur Reykjavíkur sýknaði í gær
eignarhaldsfélagið Smáralind ehf., dótturfélag fast-
eignafélagsins Regins, af 1,3 milljarða króna kröfu
þrotabús Norðurturnsins.
Norðurturninn er félag sem var stofnað utan um
byggingu 15 hæða turns við Smáralind. Turninn
hefur setið hálfkláraður á vesturenda Smáralindar
frá því á árinu 2008 en enn hefur ekki verið tekin
ákvörðun um hvort turninn verður kláraður eða
hann rifinn.
Þrotabú Norðurturnsins stefndi Smáralind ehf. þar
sem Norðurturninn taldi að síðarnefnda félagið hefði
undirgengist skuldbindingu um að leggja til fjármuni
til framkvæmdanna. Smáralind ehf. hafnaði þeirri
kröfu á þeirri forsendu að engar samþykktir fyndust
í gögnum félagsins fyrir þátttöku í byggingarkostnað-
inum. Féllst Héraðsdómur á röksemdir Smáralindar.
Eins og áður sagði er Smáralind ehf. dótturfélag
fasteignafélagsins Regins. Þegar Reginn var skráður
á markað síðastliðið vor gaf Landsbankinn út svo-
kallaða skaðleysisyfirlýsingu vegna dómsmálsins.
Þar með hefði kostnaður vegna þess fallið á Lands-
bankann hefði Héraðsdómur fallist á kröfur Norður-
turnsins.
Ekki liggur fyrir hvort málinu verður áfrýjað til
Hæstaréttar. - mþl
Landsbankinn losnar undan 1,3 milljarða kröfu vegna Norðurturnsins:
Kröfu Norðurturnsins hafnað