Fréttablaðið - 07.12.2012, Page 66

7. desember 2012 FÖSTUDAGUR| MENNING | 46
Gleði og glaumur
á herrafatasýningu
Hin árlega herrafatasýning Kormáks og Skjaldar fór fram með pompi og prakt í
Þjóðleikhúskjallaranum á miðvikudagskvöldið. Glæsimenni sýndu nýjasta nýtt
í herratískunni og gáfu áhorfendum hugmyndir um hverju skal klæðast yfi r
hátíðarnar. Skemmtiatriðin létu heldur ekki á sér standa en meðal annars tróðu
þeir Unnsteinn og Þórður úr Retro Stefson upp við góðar undirtektir en sá hinn
síðarnefni er starfsmaður herrafataverslunarinnar.
SIRKUSATRIÐI Þessir tveir létu ljós sitt skína á sviðinu. FRÉTTABLAÐIÐ/VILHELM
BROSMILD Ásrún Magnúsdóttir og Atli Bollason. FLOTT Unnur Elísabet og Gunnar.
GAMAN Kristján Eldjárn og Stefán Finnbogason.
SKEMMTU SÉR Gotti og Guðmundur. BROSANDI Marta og Járngerður.
VINKONUR Anna Finnbogadóttir, Hrafnhildur Sigurðardóttir og Steinunn
Hrólfsdóttir.
Uppboð á búningum Michaels
Jackson fór fram í Beverly Hills
á sunnudag. Söngkonan Lady
Gaga keypti fimmtíu og fimm
hluti á uppboðinu.
Ekki er vitað hvaða hluti Lady
Gaga keypti en hún tjáði sig
um kaupin á Twitter-síðu sinni.
„Hlutirnir sem ég keypti verða
skrásettir og varðveittir sem
virðingarvottur við Michael
Jackson, hugrekki hans og aðdá-
endur hans um allan heim,“
ritaði söngkonan. Um 626 millj-
ónir króna söfnuðust á uppboð-
inu og mun hluti þeirrar upp-
hæðar renna til góðgerðarmála.
Vottar Jackson virðingu sína
VOTTAR VIRÐINGU Lady Gaga keypti
hluti sem voru í eigu Michaels Jackson
á uppboði. NORDICPHOTOS/GETTY