Fréttablaðið - 17.01.2013, Síða 50

17. janúar 2013 FIMMTUDAGUR| MENNING | 34
Kvikmyndin Django Unchained
er frumsýnd í kvikmyndahúsum
annað kvöld. Myndin er sú nýjasta
frá leikstjóranum Quentin Tarant-
ino, en hann skrifar einnig handrit-
ið. Tarantino endurnýjar hér sam-
starf sitt við leikarana Christoph
Waltz og Samuel L. Jackson.
Django Unchained gerist í suð-
urríkjum Bandaríkjanna tveim-
ur árum fyrir borgarastríðið og
segir frá vináttu þrælsins Django
og þýska hausaveiðarans og fyrr-
verandi tannlæknisins King
Schultz. Tannlæknirinn hefur uppi
á Django í von um að hann aðstoði
sig við leitina að eftirlýstum glæpa-
mönnum sem kallast Brittle-bræð-
ur. Django hafði áður orðið fyrir
barðinu á þeim bræðrum og þekkir
þá því í sjón, nokkuð sem Schultz
gerir ekki. Schultz kaupir Django
með því loforði að hann muni öðl-
ast frelsi þegar Brittle-bræðurnir
eru allir. Þegar Django hefur öðl-
ast frelsi sitt slæst hann í för með
Schultz með því skilyrði að þegar
vetri lýkur munu þeir hætta hausa-
veiðunum um stund og hafa uppi á
eiginkonu Djangos sem seld var í
þrældóm til alræmds þrælahaldara
að nafni Calvin J. Candie.
Það er Jamie Foxx sem fer með
hlutverk Django og austurríski
leikarinn Christoph Waltz fer með
hlutverk King Schultz. Kerry Wash-
ington fer með hlutverk hinnar
þýskumælandi eiginkonu Django,
Broomhildu von Shaft og með önnur
hlutverk fara leikararnir Samuel L.
Jackson og Leonardo DiCaprio.
Leikstjórn og handritsskrif voru
í höndum Quentins Tarantino sem
talaði um myndina fyrst í viðtali
við The Daily Telegraph árið 2007.
„Mig langar að búa til kvikmynd-
ir sem gera hræðilega sögu Banda-
ríkjanna að umfjöllunarefni sínu,
en mig langar að gera þær í anda
spagettívestranna. Ég vil gera
mynd sem fellur inn í ákveðna kvik-
myndagrein en tekur um leið á öllu
því sem Bandaríkin hafa ekki tekist
á við vegna skammar,“ sagði Tar-
antino.
Myndin hefur fengið góða dóma
meðal gagnrýnenda og á vef síðunni
Rottentomatoes.com hlýtur hún 89
prósent í einkunn frá gagnrýn-
endum og 94 prósent frá hinum
almenna áhorfanda. Á vefsíðunni
Imdb.com fær hún 8,9 í einkunn og
má því ætla að Tarantino muni sem
fyrr ekki svíkja aðdáendur sína.
- sm
Spagettívestri sem fj allar um
erfi ða sögu Bandaríkjanna
Nýjasta kvikmynd Quentins Tarantino, Django Unchained, er frumsýnd annað kvöld. Myndin skartar þeim
Christoph Waltz og Jamie Foxx í aðalhlutverkum. Hefur fengið góða dóma gagnrýnenda og áhorfenda.
5 tilnefningar til Golden Globe-
verðlaunanna
5 tilnefningar til Óskarsverð-
launanna
3. kvikmyndin sem ber titil þar
sem „unchained“ er skeytt aftan við
nafn höfuðpersónunnar.
Leikararnir Ólafur Darri og
María Birta fara með aðalhlut-
verkin í nýrri íslenskri mynd,
XL, sem frumsýnd verður á
morgun. Myndin er í leikstjórn
Marteins Þórissonar og fjallar
um fyrrverandi fjölskyldumann,
Leif Sigurðsson, sem hefur misst
allt niðrum sig. Áfengisþorsti
hans og óstýrilæti gera það að
verkum að hann nær illa að sinna
starfi sínu sem þingmaður og er
að lokum skikkaður í meðferð af
vini sínum sem er forsætisráð-
herra Íslands og leikinn af Þor-
steini Bachmann.
Áður en Leifur heldur í með-
ferðina ákveður hann þó að halda
eitt svakalegt lokapartí þar sem
ýmis leyndarmál koma í ljós og
samband Leifs við tvítuga vin-
konu dóttur hans meðal þess
sem rifjað er upp. Gerard Butler
snýr svo aftur á hvíta tjaldið
um helgina í myndinni Chasing
Mavericks. Þar skellir hann sér
í blautbúninginn og leikur brim-
brettasnillinginn Frosty Hesson.
Hesson þessi er lærimeistari hins
unga Jay Moriarity, sem ætlar
sér að komast í fremstu raðir
brimbrettakappa. Það er Jonny
Weston sem fer með hlutverk Jay.
Talað er um að í myndinni sé að
finna mögnuðustu brimbrettasen-
ur sem hafa nokkru sinni verið
kvikmyndaðar og þó að þeir But-
ler og Weston séu eflaust liprir á
brettinu var ákveðið að fá nokkra
af allra bestu brimbretta köppum
heims til aðstoða í nokkrum
senum. - trs
Leyndarmál og brim-
brettasnilld í bíó
Auk Django verða tvær myndir frumsýndar um
helgina, þar af er önnur rammíslensk.
ÓLÍKLEG VINÁTTA Christoph Waltz og Jamie Foxx fara með aðalhlutverkin í nýrri mynd leikstjórans Quentins Tarantino.
Leikstjórinn Guillermo del Toro
vill fá leikkonuna Emmu Stone til
að fara með hlutverk í nýrri kvik-
mynd eftir sig. Kvikmyndin er
hrollvekja sem ber titilinn Crim-
son Peak.
Del Toro samdi handritið að
Crimson Peak skömmu eftir að
hann hafði lokið við gerð Pan’s
Labyrinth. Hann lýsir mynd-
inni sem gotneskri ástarsögu í
anda Brontë-systra. „Sagan ger-
ist um aldamótin og er gotnesk
ástarsaga með draugum. Hug-
takið „gotnesk ástarsaga“ á ekki
við stíl Barböru Cartland heldur
meira í ætt við Brontë. Dökk,
stormasöm og vindblásin,“ skrif-
aði del Toro á heimasíðu sinni.
Emmu Stone má sjá í glæpa-
myndinni Gangster Squad sem
verður frumsýnd hér á landi á
næstu dögum.
Ræðir við del Toro
RÆÐIR VIÐ DEL TORO Emma Stone á
í viðræðum við leikstjórann Guillermo
del Toro. NORDICPHOTOS/GETTY
BRIMBRETTATÖFFARAR Gerard Butler og Jonny Weston taka sig vel út í blaut-
búningnum í myndinni Chasing Mavericks sem býr yfir nokkrum flottustu
brimbretta senum kvikmyndasögunnar.