Fréttatíminn - 11.03.2011, Blaðsíða 40

10 viðhald húsa Helgin 11.-13. mars 2011
H ágæði sérhæfir sig í múr- og steypuviðgerðum ásamt ýmsum forvarnarefnum gegn tæringu.
Fyrirtækið hefur náð góðum árangri í
alhliða viðhaldi fasteigna. „Við greiningu
viðgerða skiptir miklu máli að velja rétt
efni. Allt er gert til að reyna að auka end-
ingu viðgerða,“ segir Matthías.
Hágæði á nú í marslok von á banda-
rískum tæknimanni sem kynna mun sér-
fræðingum hér á landi viðbrögð varðandi
klór- og kolsýruskemmdir í steypu. „Þetta
er kynning á tæringarvarnarefnum,
bæði fyrirbyggjandi sem íblöndunarefni
í steypu til að koma í veg fyrir að járn í
steypu tærist og eins efni til notkunar
til að úða yfir steypu hafi íblöndunarefni
ekki verið notuð. Einnig verður farið
lauslega yfir efnaval er varðar viðgerðir
á ryðguðum járnum í steypu sem hafa
sprengt af sér steypuhuluna,“ segir
Matthías.
Klór- og kolsýruskemmdir hafa m.a.
komið fram í bílastæðahúsum, en um
slíkt var m.a. fjallað á Steinsteypudegin-
um nýlega að sögn Matthíasar. Banda-
ríski sérfræðingurinn mun hitta starfs-
menn verkfræðistofa og kynna þeim
ýmsar lausnir auk heimsóknar í Nýsköp-
unarmiðstöð Íslands þar sem kynntur
verður árangur af notkun efnanna.
Barátta gegn veggjakroti
Hágæði er með efni sem nota má til
varnar gegn veggjakroti. Efnið myndar,
að sögn Matthíasar, glæra filmu. Efnið má
bera á ýmiss konar undirlag, m.a. steypu
og múr, flesta málaða fleti og timbur.
Auðvelt er að ná veggjakrotinu af filmunni
með lítilli háþrýstidælu og ekki þarf að
bera efnið aftur á, eftir hreinsun. Efnið
leyfir steypu að anda og hefur vatnsfrá-
hrindandi eiginleika.
Ryðleysir og ryðumbreytir
Hágæði er með ryðleysi sem er sýrulaus,
þ.e. hvorki sýra né basi. Efnið er nánast
hættulaust og ertir ekki hörund við venju-
bundna notkun. Efnið er ekki eldfimt og
leysir einungis upp ryð. Ryðleysinn er
einnig hægt að nota sem tæringarvörn
til skemmri tíma með því að bera efnið á
málma.
Frá sama fyrirtæki og framleiðir tær-
ingarvarnarefni fyrir steypu er einnig í
boði ryðumbreytiefni sem breytir ryði í
hlutlaust varnarlag. „Hægt er að grunna
yfir það og mála,“ segir Matthías. „Efnið
inniheldur bæði tæringarvörn og latex og
þéttir vel gegn vatni sem á þá ekki greiða
leið til að hefja ryðmyndun að nýju.“
Hágæði selur nú víða ryðvarnarbón
á farartæki. Bónið ver farartæki gegn tær-
ingu og upplitun. Efnið er mjög auðvelt og
fljótlegt í notkun.
Hitatæki á timbur
„Speedheater“ er hitatæki sem er notað á
rakt timbur. „Hitatækið hitar upp viðinn,
losar málningu og rakinn gufar upp úr
viðnum. Viðurinn verður í senn móttæki-
legri fyrir fúavörn og olíu,“ segir Matthías
og tekur fram að tækið og sköfurnar sem
fylgja nýtist bæði á nýtt og gamalt timbur.
Efnið brennir ekki viðinn heldur tekur út
þann raka sem þarf.
 Hágæði Múr- og steypuviðgerðir
Viðhald fasteigna
og veggjakrotsvarnir
Bandarískur sérfræðingur kynnir verkfræðingum og Nýsköpunarmiðstöð Íslands efni vegna
steypuskemmda í marslok.
Klór- og
steypu-
skemmdir
hafa m.a.
komið
fram í
bílastæða-
húsum.
Matthías Eyjólfsson, framkvæmdastjóri Hágæði ehf. Ljósmynd Hari
Reynimelur 53. Hágæði vann þar að múr- og steypuviðgerðum. Svalir voru m.a. endurnýjaðar sem og steyptar þakrennur.
Þá var skipt um glugga og þak. Að lokum var húsið steinað. Á myndunum sést húsið fyrir og eftir viðgerð.