Fréttatíminn - 11.03.2011, Blaðsíða 74

54 dægurmál Helgin 11.-13. mars 2011
Á Stóra sviði Þjóðleikhússins er verið að sýna útvarpsleikritið Allir synir mínir eftir Arthur Miller. Leikar-
arnir eru að vísu sýnilegir áhorfendum,
það er leikmynd á
sviðinu, búningar,
gervi og ljós eru á
sínum stað en það
sýnilega bætir litlu
við galdurinn sem
þar er fyrir. Sá er
allur í orðunum, í
mögnuðu leikverki sem kannski hefur
aldrei átt brýnna erindi á íslenskar fjalir.
Það er máski harðneskjulegt að skrifa
svona en þessi uppsetning er fremur
fyrirsjáanleg og gamaldags. Þótt verk séu
sígild þarf ekki alltaf að fara um þau stáss-
hönskunum, þau þola tennur tímans. Aðal-
áherslan er á textann sjálfan en svo mjög
að hið sjónræna geldur fyrir það.
Þýðing Hrafnhildar Hagalín rennur
vel og er auðskilin öllum, raddbeiting leik-
aranna til fyrirmyndar en það sem sjá má á
sviðinu er tilbreytingarlaust og tilþrifalítið.
Uppleggið í leikmynd Grétars Reynis-
sonar, flugvélarvængurinn og brostna
póstkortið, er hugkvæmnislegt og fallegt.
Mér finnst synd að eyðileggja það með
ódýrum plastblómum og borðbúnaði og
gervilegu tré. Lýsingin (Lárus Björns-
son) gerði lítið til að auðga andrúmsloftið;
henni var varla beitt, sem og tónlistinni
(Gísli Galdur Þorgeirsson).Þetta virkaði
meira eins og upp á punt eða til mála-
mynda. Búningarnir (Þórunn Þorgríms-
dóttir) fundust mér afar misjafnir. Ótal
smáatriði í umgjörð sýningarinnar vöktu
mér furðu meira en hrifningu, eins og t.d.
hvaða tilgangi þjónar það að lyfta vængn-
um í lok hvers þáttar og af hverju dregur
kvenhetjan upp bréf sitt úr buxnarassinum
(náðist ekki að sauma vasa á þá ófögru flík
fyrir frumsýningu)?
En umbúðir eru ekki allt, það er
innihaldið sem skiptir máli og því miðla
leikararnir. Þeir eru trúir sínum texta en
flestir eins og stirðbusalegir á fyrrgreind-
um væng. Helst fannst mér Edda Arn-
ljótsdóttir (Sue), Vigdís Hrefna Páls-
dóttir (Lydia) og Atli Rafn Sigurðarson
(George) ná að skína. Það neistaði vart
milli unga parsins Chris (Björn Thors)
og Ann (Arnbjörg Hlíf Valsdóttir), þau
voru meira sannfærandi ein og stök. Aðal-
hlutverk fjölskylduföðurins Joe Keller, sem
speglar togstreitu ameríska draumsins
– hversu langt má maðurinn ganga til að
tryggja hagsæld sína og fjölskyldunnar?
– er í höndum Jóhanns Sigurðarsonar.
Sá næmi og margreyndi leikari finnst
mér varla ná flugi hér þótt hlutverkið sé
ábyggilega ávísun á Grímutilnefningu í
hugum margra. Samleikur hans og Guð-
rúnar Gísladóttur, sem leikur frú Keller,
var allur á yfirborðinu. Leikararnir Baldur
Trausti Hreinsson og Hannes Óli
Sigurðsson voru síðan eins og að leika í
einhverjum öðrum sýningum – Hannes
í góðlátlegum gamanleik og Baldur í til-
brigði við Tjekhov. Mér sýnist hins vegar
ungi pilturinn sem fór með hlutverk Berts
vera töluvert efni.
Já, ég er hundóánægð því efniviður-
inn er mergjaður, listamennirnir marg-
reyndir og tólin og tækifærin til staðar. En
í þessari uppsetningu Stefáns Baldurs-
sonar finnst mér hlutirnir einfaldlega ekki
smella saman.
Kristrún Heiða Hauksdóttir
Aðal-
áherslan er
á textann
sjálfan en
svo mjög
að hið
sjónræna
geldur fyrir
það.
Stirðbusaleg textatryggð
Allir synir mínir

eftir Arthur Miller
Leikstjóri: Stefán
Baldursson
Þjóðleikhúsið
Íhaldssöm uppsetning á klassísku verki.
 leikdómur Allir synir mínir
e f t ir að leikstjórinn Danny Boyle hlaut
Óskarsverðlaunin f yrir
Slumdog Millionaire sneri
hann aftur í leikhúsið og
setti Frankenstein á svið í
National Theatre í London.
Sýningin hefur fengið mjög
góða dóma og gengur fyrir
fullu húsi.
Íslendingum gefst kostur
á að setjast nánast niður í
National Theatre og upplifa
þessa sígildu hryllingssögu
fimmtudaginn 17. mars
þegar verkið verður sýnt í
Sambíóunum í Kringlunni
í beinni útsendingu frá
London.
Leikararnir Benedict
Cumberbatch og Jonny
Lee Miller skiptast á að
leika Viktor Frankenstein
og óskapnaðinn sem hann
gæðir lífi. Cumberbatch
hefur verið að gera það gott
sem Sherlock Holmes í sjón-
varpsþáttunum Sherlock og
Miller hefur komið víða við
og lék meðal annars undir
stjórn Boyles í Trainspotting
á sínum tíma.
Gagnrýnendur hafa með-
al annars haft það um upp-
færslu Boyles að segja að
hún sé alveg laus við alla
Hollywood-slikju og áhrif
f rá Hammer -hryll ings -
hópnum. Aðalleikararnir
tveir leiki af miklum krafti
og bæti fyrir hnökra í hand-
ritinu og í það heila bjóði
Boyle upp á heillandi og
ógleymanlega kvöldstund.
Sýningin á Franken-
stein í Kringlubíóinu 17.
mars hefst klukkan 19 og
þeir sem vilja ekki missa
af þessu tækifæri ættu að
tryggja sér miða í tíma.
Frankenstein í beinni
Cumberbatch í hlut-
verki skrímslisins
tekur á Miller í hlut-
verki Frankensteins.
M
yn
d/
Ca
th
er
in
e
A
sh
m
or
e
Sumarhúsafólk ath!
Skráning og upplýsingar
í síma 578 4800 og á www.rit.is
Sumarhúsið og garðurinn
Leiðbeinendur:
Björn Jóhannsson landslagsarkitekt höfundur bókarinnar Draumagarður og
Auður I. Ottesen garðyrkjufræðingur og ritstjóri Sumarhússins og garðsins.
Skipulag og ræktun
í sumarhúsalandi
Námskeið tvö miðvikudagskvöld
23. og 30. mars kl. 19:00-21:30.
Einn, tveir og tré!
Námskeið miðv. 30. mars kl. 17:00-18:30.
Skjólmyndun í garðinum
Námskeið miðv. 23. mars kl. 17:00-18:30.
Námskeiðin eru haldin í Grasagarði Reykjavíkur.
HELGARBLAÐ
Dreifing inni í Fréttatímanum
er leið til að koma bæklingnum
þínum í hendur viðskiptavina.
Hikaðu ekki við að leita tilboða.
Verðið kemur á óvart.
Þarftu að dreifa bæklingi?
auglysingar@frettatiminn.is
Sími 531 3310
Getur þú verið heimilisvinur
Abigale?
www.soleyogfelagar.is
HELGARBLAÐ
Þú getur nálgast
Fréttatímann frítt á
þjónustustöðvum
N1 um land allt