Fréttatíminn - 11.03.2011, Page 52
32 viðhorf Helgin 11.-13. mars 2011
Austurströnd 3, 170 Seltjarnarnesi. Sími: 531 3300. ritstjórn@frettatiminn.is Ritstjóri: Jón Kaldal kaldal@frettatiminn.is Framkvæmdastjóri:
Teitur Jónasson teitur@frettatiminn.is Fréttastjóri: Óskar Hrafn Þorvaldsson oskar@frettatiminn.is Ritstjórnarfulltrúi: Jónas Haraldsson jonas@frettatiminn.is. Auglýsinga-
stjóri: Valdimar Birgisson valdimar@frettatiminn.is. Fréttatíminn er gefinn út af Morgundegi ehf. og er prentaður í 82.000 eintökum í Landsprenti.
Ríkisstjórn Samfylkingarinnar og Vinstri-
hreyfingarinnar – græns framboðs tók við
afleitu búi við erfiðari aðstæður en dæmi
eru um í lýðveldissögunni. Efnahagshrun
hafði orðið í samfélaginu og siðferðishrun
að hluta. Byltingarástand ríkti sem varð til
þess að ríkisstjórn Sjálfstæðisflokksins og
Samfylkingarinnar hraktist frá völdum. Í
kjölfar minnihlutastjórnar vinstri flokkanna
tveggja, sem Framsóknarflokkurinn varði
falli, og kosninga fengu þeir meirihluta á
Alþingi sem eðlilega leiddi til ríkisstjórnar-
samstarfs.
Við aðstæður sem þessar
er ríkisstjórn nauðbeygð til að
grípa til óvinsælla aðgerða, í
senn gjaldahækkana og niður-
skurðar. Sú leið er vandrötuð
og getur ekki orðið annað en
umdeild. Sumt hefur ríkis-
stjórninni tekist bærilega. Þótt
talsverðan tíma tæki að ná
niðurstöðu í meðferð geng-
islána einstaklinga má segja
að eins sanngjörn niðurstaða og mögulegt
var hafi náðst. Annað hefur gengið miður.
Frumkvæði hefur skort í atvinnuuppbygg-
ingu. Það hefur haft það í för með sér að
ónógur árangur hefur náðst í mesta vanda
þessa kreppuhrjáða samfélags, atvinnu-
leysinu. Óleyst er stefnumörkun í sjávarút-
vegi svo að fyrirtæki þar nái að horfa fram
á veginn. Stjórnlagaþingsmálið hefur snúist
upp í klúður og alþekktur er tröppugangur
Icesave-málsins alræmda, sem ríkisstjórnin
fékk að sönnu í arf.
Verst er þó að ríkisstjórnin hefur trauðla
nauðsynlega tiltrú almennings. Hana skortir
afl til þeirrar leiðsagnar sem krefjast verður.
Ríkastar kröfur verður að gera til forsætis-
ráðherra hverju sinni. Tæpast verður sagt
að Jóhanna Sigurðardóttur standi undir
þeim væntingum, þrátt fyrir langa þing-
reynslu. Afstöðu til forsætisráðherrans má
meðal annars lesa út úr skoðanakönnun sem
MMR, Markaðs- og miðlarannsóknir, birtu í
gær. Einungis 5,4% þeirra sem afstöðu tóku
í könnuninni telja forsætisráðherrann vera í
tengslum við almenning. Hvað þetta varðar
er staða hins ríkisstjórnarforingjans skárri
en engu að síður óviðunandi, aðeins 9,5%
aðspurðra telja Steingrím J. Sigfússon vera í
tengslum við almenning. Tæpur þriðjungur
telur hann hins vegar sterkan einstakling
enda hefur fjármálaráðherrann frekar virst
draga vagninn en forsætisráðherrann.
Leiðtogunum hefur mistekist að blása
þjóð sinni bjartsýni og baráttuanda í hug.
Við það verður ekki unað. Ekki bætir úr
skák að könnun MMR sýnir að almenningur
hefur engu meiri trú á foringjum stjórnar-
andstöðunnar. Það er pattstaða. Endurnýj-
unar er því þörf. Við slíkar aðstæður eru
kosningar eðlileg krafa, í þeirri von þó að
spéfuglar taki ekki við þjóðarskútunni. Þar
hræða Reykjavíkursporin.
Endurnýjunar er þörf
Tiltrú og leiðsögn skortir
R
Í byrjun mars sagði varnarmálaráð-herra Þýskalands, Karl zu Gutten-berg, af sér ráðherraembætti og
skömmu síðar gaf hann eftir þingsæti
sitt. Ástæðan var að hann hafði verið
staðinn að ritstuldi í doktorsritgerð
sinni. Það áhugaverðasta við þetta mál
er að aðalsmaðurinn Guttenberg var
og er afskaplega vinsæll stjórnmála-
maður og jafnvel eftir að ritstuldurinn
komst upp stendur enn stærsti hluti
kjósenda á bak við hann. Það voru afar
hörð viðbrögð háskólasamfélagsins
sem ráku hann úr embætti. Yfir 20.000
doktorar og doktorsnemar skrifuðu
undir yfirlýsingu til kanslarans, An-
gelu Merkel, þar sem bent var á að þau
hefðu þurft eða væru að leggja mikið
á sig til að vinna sér inn doktorstitil,
hæstu akademísku gráðuna sem veitt
er við þýska háskóla. Að auki dró Há-
skólinn í Bayreuth doktorstitilinn til baka og sakaði
Guttenberg opinberlega um svik.
Nú er það svo að Guttenberg getur vart talist fræði-
maður, heldur er hann stjórnmálamaður af voldugum
ættum og ætlaði sér örugglega ekki að nota doktors-
titilinn til annars en að bæta dr. framan við sitt annars
langa nafn, Karl Theodor Maria Nikolaus Johann Ja-
cob Philipp Franz Joseph Sylvester Freiherr von und
zu Guttenberg. Það að háskólasamfélagið hafi samt
risið upp gegn atvinnupólitíkusinum, sem svindlaði
sér inn akademíska gráðu, og haft betur gegn megin-
þorra alþýðu og stjórnvöldum, er
merki um ákveðna virðingu sem há-
skólasamfélagið virðist hafa í þýsku
samfélagi.
Mikið er samanburðurinn við ís-
lenskt samfélag sorglegur, þar sem
prófessor við háskóla hér á landi gekk
frá töpuðu hæstaréttarmáli varðandi
ritstuld án þess að þurfa að óttast
eftirmál af hendi vinnuveitanda síns.
Þetta dæmi er enn verra í því sam-
hengi að rektor sama skóla hefur talað
ötullega fyrir því að skólinn stefni á
að verða einn af þeim hundrað bestu í
heiminum. Með þeim vinnubrögðum
sem rektor gerðist sek um í þessu
máli væri líklegra að skólinn kæmist á
svartan lista yfir skóla sem ekki virtu
heiðarleg vinnubrögð og heillyndi í
vísindastarfi.
Langflestir fræðimenn á Íslandi
stunda sín fræði af heilindum og það virðingarleysi
sem þeim var sýnt með því að stærsta menntastofnun
landsins samþykkti ritstuld prófessors sem skað-
lausa yfirsjón, er með ólíkindum. Til þess að skapa
betra samfélag hér á landi er nauðsynlegt að menn
beri ábyrgð á sínum gerðum og að ákveðinnar fag-
mennsku sé krafist. Það að skipa aftur í kjörnefnd
formann kjörnefndar, sem klúðraði stjórnlagaþings-
koningunum svo illa að þær voru dæmdar ógildar, er
til dæmis skref í ranga átt.
Ólík viðbrögð á Íslandi og í Þýskalandi
Um ritstuld
Dr. Sigurður F. Hafstein
dósent í stærðfræði við
Háskólann í Reykjavík
Leiðtogunum hefur mistekist að blása þjóð sinni bjartsýni
og baráttuanda í hug.
Spyrnur og
stýrishlutir í
flestar gerðir bíla.
www.kistufell.com
Langflestir fræðimenn á Íslandi stunda sín fræði af heilindum og það
virðingarleysi sem þeim var sýnt með því að stærsta menntastofnun lands-
ins samþykkti ritstuld prófessors sem skaðlausa yfirsjón, er með ólíkindum.
Skrifstofuherbergi
til leigu
Skrifstofuherbergi / vinnuherbergi til leigu í Skútuvogi.
upplýsingar
í síma: 692-3457
Jónas Haraldsson
jonas@frettatiminn.is