Heimilisritið - 01.05.1951, Blaðsíða 28

skafarar merkja dreymandanum það, að liann spennir bogann of
hátt og muni ekki geta komið áformum sínum í framkvæmd. (Sjá
Hús ).
BYLTING. ■— Ef þig dreymir að þú sjájr blóðuga byltingu muntu brátt
fá fréttir af mjög gleðilegum atburðum, sem veldur því að þú munt
flytja þaðan sem þú nú býrð og komast í kynni við nýja og góða
vini.
BYRÐI. — Ef þig dreymir að þú sért með þunga byrði, máttu gera ráð
fyrir því, að þú þurfir að hafa talsvert fyrir því að koma þér áfram
í lífinu og verðir öðrum háð(ur). Ef þú crt að hjálpa einhverjum
öðrum með byrði sína, boðar það að þú munt beðinn um einhverja
aðstoð. Bera torf, grjót eða mold: veikindi. Bera hrís: giftum fyrir
ósamlyndi, en ógiftum fyrir slæmri giftingu. Stundum getur það
verið karlmanni fyrir kvenhylli, að dreyma að hann sé að bera byrði.
BYSSA. — Að heyra skotið úr byssu í draumi táknar eitthvað óvænt, sem
mun vekja mikla ólgu; e. t. v. áttu sjálf(ur) hlutdeild þar að. Verða
fyrir skoti úr byssu: happ; sömuleiðis að skjóta dýr. Skjóta tnann:
ósamlyndi. Ef þig dreymir að þú skjótir úr loftvarnarbyssu skaltu
varast að taka þýðingarmikla ákvörðun fyrstu dagana. Sumir telja að
það boði manni framkvæmdir, eða giftingu fljótlega, að dreyrna að
hann hleypi af byssu. Fallbyssa er fyrir ófriði. (Sjá Skotmark).
BÆN. — Ef þig dreymir að þú sért að biðja bæn, táknar það gott og
kærleiksríkt hjarta. Þú munt þjást nokkuð af því, að mjög hjart-
fólgin ósk fær ekki að rætast, en áður en langt um líður mun líf
þitt verða hamingjuríkt og bjart. (Sjá Kirkja).
BÖGGULL. — Sjá Askja, Pakki.
DAÐUR. — Ef þig dreymir að þú sért að daðra við einhvern eða ■ ein-
hverja, er það merki um að þú hefur unnið ástir persónu, sem þig
grunar ekki hver er, og munt ekki fá vitnesku um, fyrr en eftir
langan tíma.
DÁDÝR. — Að sjá dádýr í draumi er merki þess, að þú sért of hlédræg(ur)
gagnvart þeim eða þeirri, sem þú elskar. Stundum táknar það fjár-
hagslegt tap.
DAGBLAÐ. — Sjá BlaS.
DALUR. — Dreymi einhvern að hann gangi um dal, er það annað hvor
fyrir nýju heimili eða krankleika.
DAMM. — Ef þig dreymir að þú sért að tefla damm, skaltu vera á verði
gagnvart persónu, sem sýnir þér mikið atlæti. Hún er ekki öll þar
sem hún er séð og getur orðið þér erfiður ljár í þúfu.
DANS. — Ef þig dreymir að þú sért að dansa, er það fyrir velgengni í
ástum og störfum. Litur fatanna, sem þú ert í, hefur mikið að segja;
ennfremur hraði dansins, þvt að ef hann er mjög hægur dregur það
.________________________________________________________________________J
26
HEIMILISRITIÐ