Fréttatíminn - 20.09.2013, Page 24

S tundin okkar er elsti sjón-varpsþátturinn í íslensku sjónvarpi og verður Gói um-
sjónarmaður hennar í vetur. Hann
viðurkennir að hafa verið alveg ótrú-
lega stoltur og ánægður að fá starf-
ið. „Ég trúði því varla þegar Skarp-
héðinn dagskrárstjóri hringdi í mig
og spurði hvort ég hefði áhuga á að
taka þetta að mér,“ segir Gói sem
hefur mikinn áhuga og metnað þeg-
ar kemur að gerð barnaefnis. „Það
hefur aukist mikið eftir að ég byrj-
aði að vinna með átrúnaðargoðinu
mínu, honum Þresti Leó en við sett-
um upp Eldfærin og Baunagrasið og
jólasýningu um síðustu jól í Borgar-
leikhúsinu. Leikhúsið og töfrar þess
eru mikið áhugamál hjá mér og ekki
síður að blanda saman gamni og
fræðslu, svona „edutainment“ eins
og það er kallað.“
Þegar Gói skrifar barnaefni sest
hann niður og skrifar eitthvað sem
honum finnst skemmtilegt og prófar
svo efnið á Óskari, fimm ára syni
sínum. „Ef við getum hlegið saman
þá veit ég að ég er með gott efni í
höndunum. Ég þoli ekki þegar full-
orðið fólk setur sig í einhverjar stell-
ingar og tala niður til barna. Þau eru
miklu klárari en við höldum.“
Búið er að skapa leikhúsheim
í kringum Stundina okkar í vetur
og fjallar hún um að Gói hafi verið
fenginn til að blása lífi í gamalt leik-
hús. „Þar fyrir er Gloría sem leikin
er af Kristínu Þóru Haraldsdóttir.
Þau finna svo taktinn í sameiningu
og setja upp sýningar. Allt gerist í
þessu leikhúsi og kannski það sem
er mest spennandi er að það getur
allt gerst. Eða eins og Shakespeare
sagði: „Öll veröldin er leiksvið“,
segir Gói.
Bragi Þór Hinriksson vinnur að
Stundinni okkar með Góa og er
um mikla framleiðslu að ræða því
þættirnir verða þrjátíu og hafa þeir
félagar unnið hörðum höndum við
undirbúning í allt sumar. Gunni og
Felix sem áður stýrðu þættinum
verða í hlutverkum svokallaðra
handritalækna. „Maður getur leitað
til þeirra til að fá staðfestingu á því
maður sé á réttri braut. Það hefur
verið ofboðslega gott að fá hvatn-
ingu frá þeim,“ segir Gói. Fyrstu
tökur eru tilbúnar og segir Gói þær
lofa góðu. Mikið verður af hressandi
grínatriðum og tónlist sem samin er
af Vigni Snæ. „Svo koma til okkar
góðir gestir. Ég hef nú unnið mikið
með Þresti Leó í gegnum tíðina og
hann kemur og leikur með okkur
oftar en einu sinni og oftar en tvisv-
ar.”
Ásamt því að sjá um Stundina
okkar leikur Gói í Mary Poppins í
Borgarleikhúsinu og öðrum sýning-
um á leikárinu. „Svo kemur út jóla-
bók fyrir alla fjölskylduna eftir mig
fyrir jólin og svo kem ég fram með
Sinfóníuhljómsveitinni á nokkrum
fjölskyldutónleikum í vetur.“
Dagný Hulda Erlendsdóttir
dagnyhulda@frettatiminn.is
Prófar efnið á syninum
Gói og Kristín Þóra í hlutverkum sínum í Stundinni okkar en í vetur verður sögusviðið gamalt leikhús. Ljósmynd/Hari.
Leikarinn Guðjón Davíð Karlsson, eða Gói, verður umsjónarmaður Stundarinnar okkar í vetur sem
er elsti þátturinn á RÚV. Hann er mjög stoltur yfir því að vera sýnt slíkt traust og trúði því varla
þegar síminn hringdi og honum var boðið starfið. Ásamt því að leika í ýmsum leiksýningum í
vetur skrifar Gói jólabók fyrir alla fjölskylduna sem kemur út fyrir næstu jól.
Ef við sonur minn
getum hlegið
saman þá veit ég
að ég er með gott
efni í höndunum.
Skeifunni 11 | Sími 515 1100 www.rekstrarland.is
Hafið samband við sölumenn Rekstrarlands og leitið tilboða.
Rekstrarland er byggt á fyrrum rekstrarvörudeild Olís
og er dótturfyrirtæki Olíuverzlunar Íslands hf.
Samsettir fjáröflunarpakkar eða sérsniðnir eftir óskum hópsins
Öflug fjáröflun
fyrir hópinn
PI
PA
R\
TB
W
A
•
S
ÍA
•
1
3
2
5
0
3
Krumma
112 Reykjavík
587-8700
www.krumma.is

Öryggi - Gæði - Leikgildi
LikeaBike
Sandkassasett

Winter þríhjól

Berg Grafa
Berg trampolín
24 viðtal Helgin 20.-22. september 2013