Fréttatíminn - 29.11.2013, Blaðsíða 18

„Ég hafði lengi haft áhuga
á skartgripum og langaði að
verða gullsmiður en það var ekki
möguleiki á fá samning þegar
ég var á Íslandi. Á þessu skart-
gripaverkstæði fékk ég að læra
demantaísetningu í skiptum fyrir
að koma demöntum og peningum
á milli staða,“ segir Orri og Helga
skýtur inn í: „Þetta kallast að vera
„diamond runner“ eða demant-
ahlaupari.“ Orri þurfti alltaf að
vera tilbúinn til að sendast en
þess á milli nýtti hann tímann
vel til að læra. „Í raun hefði helst
þurft að fá brynvarinn bíl með
vopnuðum vörðum til að fara með
sendingarnar. Verkstæðin voru
samt flest með svona sendla því
yfirleitt voru þau tæp á tíma að
klára verkefnin og þá væri allt of
mikið mál að fá alltaf brynvar-
inn bíl. Þetta varð bara að gerast
strax. Margir sem voru í þessu
voru handjárnaðir við töskuna
sína, vopnaðir og jafnvel tveir eða
þrír saman. Fyrst um sinn var ég
bara með sendingarnar í umslagi
í bakpokanum mínum og hlustaði
á vasadiskó á meðan ég var í neð-
anjarðarlestinni og fór kannski í
gegnum Bronx og Harlem á leið á
áfangastað,“ segir Orri sem upp-
lifði þetta ekki sem hættulegar
ferðir þó vissulega væri hann
með verðmætar sendingar. „Oft
vissi ég ekkert hvað ég var að fara
með í það skiptið. Ég veit samt
að dýrasti steinninn sem ég fór
með var bleikur demantur sem
kostaði mörg hundruð þúsund
dollara. Og hann var þá bara
hluti af sendingunni. En það kom
að því að þeir sem unnu á verk-
stæðinu fóru að segja mér að fara
nýjar leiðir og reyna að vera lítið
áberandi. Síðan í eitt skiptið sá
ég gaur rændan sem var að gera
það sama og ég. Þetta var bara á
47. stræti, einn maður kom labb-
andi að honum, kýldi hann niður
og hljóp í burtu, sem mér fannst
skrýtið. Síðan kom annar maður
hlaupandi úr annarri átt og reif af
honum töskuna. Eftir það fór ég
að verða aðeins stressaðri. Þegar
þetta gerðist var ég búinn að vera
í þessu í um tvö ár.“
Ólöglegur innflytjandi
En það er dýrt að búa í New York
og Orri skipti sífellt yfir í ódýrara
og ódýrara húsnæði. „Ég endaði
í suður-amerísku gettói. Ég fékk
íbúð í byggingu þar sem allir aðr-
ir voru innflytjendur frá Suður-
Ameríku. Ég var þarna á fimmtu
hæð, var ekki með nein húsgögn,
bara dýnu og gítar. Svo á kvöldin
þegar maður lagðist til svefns
heyrði maður í músum og kakka-
lökkum,“ segir Orri grettinn á
svip en bætir við glaðlega: „En
þarna var ótrúlega fínt að vera og
allir mjög indælir.“ Vegna fjölda
ólöglegra innflytjenda í fátækari
hverfunum kom innflytjendalög-
reglan reglulega og gerði rassíur.
„Ég kom að húsinu mínu þegar
ein rassían stóð yfir. Þar voru allir
settir upp við vegg og þurftu að
framvísa pappírum. Ég var bara
með sex mánaða landvistarleyfi
og var því ólöglegur innflytjandi.
Þegar röðin kom að mér og lögg-
an sá framan í mig sagði hún mér
bara að fara inn. Örugglega af
því ég var hvítur. Ég fylgdist með
hópnum út um gluggann og sá að
það fengu allir að fara þannig að
eini ólöglegi innflytjandinn hefur
verið ég, Íslendingurinn.“
Fimm ár voru liðin þegar Orri
fékk skilaboð frá Íslandi um að
gullsmiður væri að auglýsa eftir
nema. Hann setti sig í samband
við hann og flutti heim um mán-
uði seinna. Áður fann hann til
forláta kaffikrús sem hann hafði
safnað gullögnum í öll árin fimm
og seldi. „Þegar verið er að bora
í og saga gullið falla til gullagnir.
Á kvöldin og um helgar mátti
maður eiga það sem varð eftir. Ég
safnaði þessu í kaffikrús. Einn
daginn fór ég síðan í skartgripa-
götuna og til að selja. Þetta var
um sumar, í 40 stiga hita og ég
var léttklæddur á hjóli. Þegar ég
kom á staðinn var gullið hreinsað
og vigtað og gaurinn setti miða
í gluggann með upphæðinni
sem hann bauð í gullið. Þetta
var miklu meira en ég bjóst við
og kinkaði bara kolli. Hann rétti
mér síðan fullt af seðlum sem ég
reyndi að troða í vasana mína.
Þetta var stór bunki af dollurum
og ég var ekki einu sinni með
tösku. Ég hjólaði síðan aftur til
baka úttroðinn af seðlum.“
Barnfóstra hjá Björk
Þegar Orri flutti aftur til Íslands
hafði hann mikið forskot vegna
þess hversu laginn hann var orð-
inn við demantaísetningu. Hann
stofnaði Orri Finn og starfaði
einn framan af en kynntist síðar
Helgu sem hafði starfað í skart-
gripageiranum í nokkur ár og
hanna þau núna saman. „Ég eign-
lega slysaðist inn í þennan bransa
en eftir að við kynntumst hefur
mér fundist svo gaman að fá útrás
fyrir mínar hugmyndir,“ segir
hún. Það kom þeim líka skemmti-
lega á óvart þegar þau komust að
því að þau höfðu búið í New York
á sama tíma án þess að vita hvort
af öðru. „Okkur fannst það mjög
fyndið. Við föttuðum það ekki
fyrr en við fórum að tala um hvar
við hefðum búið og í ljós kom að
ég bjó alveg rétt hjá honum, alveg
við Jersey. Við vorum því eigin-
lega nágrannar. Ég bjó þarna í
hálft annað ár. Ég fékk vinnu sem
einkakennari og barnfóstra hjá
Björk Guðmundsdóttur söng-
konu. Ég var að kenna dóttur
hennar og fór með í tónleika-
ferðalög á þessum tíma. Þetta var
virkilega gaman,“ segir Helga.
Þau Orri hafa verið par í um
þrjú ár og í gærkvöldi kynntu þau
Scarab-línuna sína. „Við notum
gull, brons og silfur. Við blöndum
saman efnum og erum farin að
nota liti. Okkur hefur langað til
að gera demantaútgáfu en erum
ekki viss um að það sé markaður
fyrri það á Íslandi. Nú vonum
við bara að það verði skordýrajól
hjá Íslendingum,“ segir Orri og
kímir.
Erla Hlynsdóttir
erla@frettatiminn.is
Forn-Egyptar litu á scarab-bjölluna sem
verndartákn og eru bæði Helga og Orri
heilluð af þessu merkilega skordýri.
Ljósmyndir/Hari
18 viðtal Helgin 29. nóvember-1. desember 201
Vatnagörðum 24-26 • Sími 520 1100 • www.bernhard.is
3,6 L/100km í bLönduðum akStri C02 útbLáStur aðeinS 94 g
Honda CiviC 1.6 dÍSiL kOStar frá kr. 3.840.000
Áreiðanlegasti bílaframleiðandinn
Samkvæmt What Car og Warranty direct hefur Honda verið
valin áreiðanlegasti bílaframleiðandinn átta ár í röð.
bí
ll á
m
yn
d:
H
on
da
C
ivi
c 1
.6
i-d
te
C
e
xe
cu
tiv
e.
Honda CiviC 1.6 dÍSiL
3,63,3 4,0L /100km L /100kmL /100km
Utanbæjar akstur
Blandaður akstur
Innanbæjar akstur
CO2
útblástur
94 g/km
komdu í reynsluakstur og prófaðu Honda Civic dísil,
með nýrri Earth dreams Technology dísilvél, sem
býður upp á einstakt samspil sparneytni og krafts.
Umboðsaðilar:
bernhard, reykjanesbæ, sími 421 7800
bílver, akranesi, sími 431 1985
Höldur, akureyri, sími 461 6020
bragginn, Vestmannaeyjum, sími 481 1535
www.honda.is
Honda CiviC 1.4 BEnSÍn - beinSkiPtur, kOStar frá kr. 3.490.000
Honda CiviC 1.8 BEnSÍn - SJáLfSkiPtur, kOStar frá kr. 3.840.000