Fréttatíminn - 24.05.2013, Side 64

Staðalbúnaður
Ég er mikið fyrir kósí klæðnað enda er ég
mikið að vinna bakvið tölvuna þar sem enginn
sér mig. Ég er samt að vinna í að skvísa mig
upp. Þá finnst mér gaman að klæðast fötum
sem gera mikið fyrir kvenlegan vöxt, mittis-
háum buxum og flottum litum. Ég verð alltaf að
vera með naglalakk, annars líður mér eins og
ég sé nakin. Mér finnst ég líka vera nakin ef ég
er ekki með eyrnalokka. Þar sem ég er alltaf í
ræktinni þarf ég að eiga nóg af íþróttafötum. Ég
vel Under Armour og elska að vera í áberandi
litum, það fer ekki framhjá fólki þegar ég mæti
í ræktina.
Hugbúnaður
Ég hef verið mjög léleg að stunda skemmtana-
lífið en ætla að fara að bæta mér það upp. Þegar
ég fer út finnst mér gaman að dansa svo ég fer
yfirleitt á skemmtistaði þar sem er góð tónlist.
Ég get alveg dansað eins og hálfviti þó ég sé
bara í vatninu. Mér finnst hálfgerð tímasóun að
horfa á sjónvarp en þegar ég hef tíma horfi ég
á einhverja gelgjuþætti, Pretty Little Liars og
Beverley Hills 91210. Ég horfi líka á þetta til að
fá tísku-tips, horfi mikið á förðunina. Ég reyni
að vera dugleg að blogga á alesif.blogspot.com.
Þar skrifa ég um förðun, mataræði og fleira.
Vélbúnaður
Ég á iPhone en hann er búinn að vera í viðgerð
í þrjár vikur. Það vantar eiginlega á mig annan
helminginn! Ég er dugleg að nota Facebook og
Instagram en ég elska iPhone-inn út af mynd-
unum. Myndavélin er búin að vera ofaní skúffu
síðan ég fékk hann. Það er ótrúlega þægilegt að
nota myndavélina í símanum fyrir bloggið og
fleira. Ég er samt gamaldags að því leyti að ég
er alltaf með dagbókina á mér þegar ég fer út úr
húsi. Mér finnst best að skrifa hlutina niður svo
ég gleymi þeim ekki.
Aukabúnaður
Ég kann að elda en finnst það stundum svolítið
tímafrekt. Ef ég mætti ráða myndi fara á hverj-
um degi á Ginger og fá mér kjúklingaburrito.
Ég fer líka á aðra matsölustaði með hollan mat
eins og Saffran og Nings og mér finnst mömm-
umatur alltaf góður. Ég keyri um á 2010 árgerð
af Mözdu, silfurgrárri, sem ég er búin að eiga
í meira en ár en er ekki enn búin að finna nafn
á. Það er gott að vinna við förðun því þá hefur
maður alltaf afsökun til að kaupa meira af dóti.
Ég er algjör naglalakkaperri og á heila hillu af
þeim heima. Það fá allir sjokk þegar þeir sjá
hvað ég á mikið af naglalakki og augnskugg-
um. Fitnessið á huga minn en mér finnst líka
gaman að spá í tísku og innanhússarki-
tektúr. Svo finnst mér gaman að baka og
er alltaf að bíða eftir að eignast bleika
Kitchen Aid-vél til að geta gert meira
af því. Mér finnst frábært að ferðast
og er að vonast til að geta farið eitt-
hvað til útlanda í sumar. Ég elska
Bandaríkin og er líka mjög hrifin
af Austurríki þar sem helmingur
fjölskyldunnar býr. Mér finnst
geðveikt gaman að fara upp á
Langjökul á vélsleða. Það er
ótrúlega gaman að keyra
hratt þar en líka ein-
stakt að stoppa
uppi á miðjum
jökli. Það heyr-
ist ekki hljóð
þarna.
Alexandra Sif er jafnan
kölluð Ale. Hún bloggar
á alesif.blogspot.com.
Ljósmynd/Hari
 Í takt við tÍmann alexandra Sif nikuláSdóttir
Líður eins og ég sé nakin ef ég er ekki naglalökkuð
Alexandra Sif Nikulásdóttir er 24 ára Grafarvogsbúi sem starfar sem fjarþjálfari hjá Betri árangri og keppir í fitness með
góðum árangri. Hún er auk þess förðunarfræðingur og bloggari og langar í bleika Kitchen Aid-vél.
 appafengur
Toca House
Sumum kann að þykja það ósiðlegt
en ég ákvað að sækja appið Toca
House fyrir dóttur mína þar sem
hún þarf að gera hin ýmsu húsverk.
Það siðlega við þetta allt saman er
að henni finnst þetta mjög gaman. Fyrirtækið Toca Boca hefur
framleitt nokkur öpp fyrir börn og við mæðgur erum mjög
hrifnar af þeim öllum.
Í Toca House búa fimm vinir og þeir þurfa allir á hjálp við-
húsverkin. Á þeirra heimili þarf að skúra gólfið, þvo gluggana,
hengja upp myndir, slá garðinn og flokka fyrir endurvinnsluna.
Svona meðal annars. Að hverju verki loknu kemur sannkallað
sigurstef sem lætur lítilli þriggja ára stelpu, sem er við stjór-
nvölinn, líða eins og hún hafi lokið algjöru stórvirki. Appið er
sérstaklega gert fyrir börn á aldrinum 2-6 ára.
Grafíkin í leiknum er lifandi og skemmtileg, og persónurnar
eru afar fjölbreytilegar. Engar staðalmyndir eru þarna á ferð.
Appið kostar um þrjá dollara en því fylgja tveir stórir kostir: í
leiknum eru engar auglýsingar og ekki þarf að óttast að börnin
okkar geti keypt eitthvað í appinu fyrir alvöru peninga.
Erla Hlynsdóttir
erla@frettatiminn.is
Barophobia
Heimildarmyndin Barophobia (hræðsla
við þyngdarafl) sýnir klifurmenningu
á Íslandi og inniheldur myndbrot úr
klifurhúsinu og frá Hnappavöllum
ásamt því að sýna viðtöl við Íslendinga
sem stunda íþróttina.
Evrópsk ungmennavika 2013
Heimildarmyndir unga fólksins
í Bíó Paradís fimmtudaginn 28. maí. frá kl. 20.00 – 22.20
Ofbirta
Ofbirta er stuttmynd um ungan strák
með þroskahömlun sem fær tækifæri
til að spila á tónleikum og þá innri
baráttu sem því fylgir. Myndin var
m.a. sýnd á RIFF, Reykjavik Film
Festival, árið 2012.
The Startup Kids
Heimildarmyndin Startup Kids hefur
farið sigurför um heiminn og er
frábært dæmi um það hvernig góð
hugmynd getur orðið að veruleika
og haft áhrif um allan heim. Myndin
inniheldur fjölda viðtala við unga
frumkvöðla úr tæknigeiranum í
Evrópu og í Bandaríkjunum.
Fyrirmyndarverkefni Evrópu unga fólksins
www.euf.is
EVRÓPSK UNGMENNAVIKA
EVRÓPSK
UNGMENNAVIKA
Samhliða bíósýningunni mun Evrópa unga fólksins veita fyrirmyndarverkefnum síðustu ára
viðurkenningu fyrir að hafa náð að nýta styrki Evrópu unga fólksins til að hafa áhrif og virkja
ungt fólk á Íslandi og í Evrópu.
Frítt í bíó
Popp og kók

í boði EUF
Sýndar verða tvær heimildarmyndir og ein
stuttmynd sem fengið hafa styrki sem frumkvæðis­
verkefni hjá Evrópu unga fólksins. Ungmennin sem
framleiddu myndirnar verða á staðnum og verða
með stutta kynningu á verkefnum sínum.
64 dægurmál Helgin 24.-26. maí 2013