Fréttatíminn - 24.05.2013, Síða 72

4 viðhald húsa Helgin 24.-26. maí 2013
A1 Málun ehf. er fyrirtæki sem sérhær sig í öllu
sem við kemur málaraiðninni, s.s. nýmálun, lökkun,
sandspörtlun, málun friðaðra húsa, viðar- og
marmaramálun, endurmálun inni jafnt sem úti.
660 - 1787
A1 Málun
a1malun@a1malun.is
Tilboð eða tímavinna.
Gerum föst og góð tilboð
þér að kostnaðarlausu!
Í bernsku bar Sverrir Júlíusson út Morgunblaðið í vesturbæ Hafnarfjarðar en Sigríður,
umboðsmaður þess á þeim tíma,
bjó í Hagakoti. Þegar Sverrir var
tíu ára ákvað hann að þetta hús
ætlaði hann að eignast þegar hann
yrði stór og sá draumur rættist
nokkrum áratugum síðar. „Mér
fannst húsið alltaf alveg óskaplega
fallegt og hún Sigríður hugsaði
vel um það og hélt þröskuldunum
alltaf tandurhreinum en það þótti
nauðsynlegt á þeim tíma. Áður átti
ég húsið að Hverfisgötu 8, sem er
hérna næsta gata en þegar ég var
búinn að gera það fínt og negla
síðasta hamarshöggið henti ég frá
mér hamrinum og fór og samdi við
eiganda Hagakots, hana Ástu Hall-
grímsdóttur, sem var fyrsta konan
á Íslandi til að verða atvinnuflug-
maður í millilandaflugi. Ég mætti
með greiðsluna með mér, fjóra
og hálfa milljón og keypti húsið,“
segir Sverrir Júlíusson sem hefur
búið í Hagakoti frá árinu 1995 og
gert það upp á fallegan hátt.
Sverri þykir fátt skemmtilegra
en að dytta að húsinu sínu og seg-
ist oft gleyma því hvað tímanum
líður og þykir honum gott að taka
daginn snemma og nýta birtuna
yfir sumarið. „Það merkilega er
að ég verð aldrei þreyttur á því að
vinna. Mér þykir voðalega erfitt
að láta húsið vera og er alltaf að
laga eitthvað hérna í kring,“ segir
Sverrir sem er sjötíu og fjögurra
ára gamall.
Sverrir ráðleggur fólki að hugsa
vel um húsin sín. „Ef maður sinnir
ekki nauðsynlegu viðhaldi breyt-
ast húsin alveg ótrúlega fljótt og
drabbast niður. Það er góð regla
að hafa þau alltaf hrein og fín,“
segir Sverrir og bætir því við að
honum hafi þó reynst best að láta
ekki aðra segja sér hvað hann eigi
að gera, hvort sem er við endur-
bætur á húsinu eða annað. „Ef ég
er í vandræðum þá bara finn ég út
úr því sjálfur og það hefur alltaf
blessast,“ segir Sverrir
Umhverfis Hagakot hefur
Sverrir gert fallegan garð þar sem
mikið af hrauni er. „Ég hef alla tíð
verið að bera grjót og búa til eitt-
hvað úr grjóti og þetta er í mér enn
í dag. Hérna í garðinum eru valdir
steinar. Steinar eru listaverk,
skapaðir af náttúrunni og maður-
inn gæti aldrei skapað neitt svona
fallegt,“ segir Sverrir.
Margir leggja leið sína um Aust-
urgötuna í Hafnarfirði til að skoða
Hagakot og ein jólin kom rúta með
barnakór Biskupstungna í heim-
sókn. „Börnin sungu mörg jólalög
fyrir okkur hjónin og það er ein
skemmtilegasta uppákoman sem
verið hefur hérna,“ segir Sverrir.
Dagný Hulda Erlendsdóttir
dagnyhulda@frettatiminn.is
 Fallegt kot Í miðbæ HaFnarFjarðar
Hagleiksmaður í Hagakoti
Húsið Hagakot við Austurgötu í
miðbæ Hafnarfjarðar er án efa
með þekktari húsum á höfuð-
borgarsvæðinu. Þangað koma
rútur með ferðamenn að skoða
kotið sem er rúmlega hundrað
og tuttugu ára gamalt og hefur
verið gert upp af listfengi. Í hús-
inu búa hjónin Sverrir Júlíusson
og Guðný María Gunnarsdóttir.
Tíu ára gamall ákvað Sverrir
að þetta hús ætlaði hann að
eignast þegar hann yrði stór og
dyttar hann daglega að húsinu
og umhverfi þess.
Sverri
þykir fátt
skemmti-
legra en að
dytta húsinu
sínu sem ber
þess glöggt
merki að
vera vel við
haldið.
Hagakot við Austurgötu í Hafnarfirði er frá árinu 1892. Sverrir Júlíusson hefur gert það
upp á fallegan hátt og hlotið viðurkenningar fyrir frá Hafnarfjarðarbæ. Mynd/Hari
Sverrir Júlíusson festi kaup
á Hagakoti árið 1995 og
hefur síðan endurgert húsið
sem nýtur mikilla vinsælda
og koma rútur með ferða-
mönnum að skoða húsið.
„Ég hef alla tíð verið að bera
grjót og búa til eitthvað úr
því,“ segir Sverrir Júlíusson
sem gert hefur fallegan garð
í kringum hús sitt þar sem
hraunið er í öndvegi.