Fréttatíminn - 18.05.2012, Qupperneq 58

42 prjónað Helgin 18.-20. maí 2012
Í sumar er opið kl. 9 -18 • Stórhöfða 25 • 569 3100 • eirberg.isVerslaðu á vefnum Frí sending að 20 kg 1 árs skilaréttur
Rodalon sótthreinsun
• Gegn myglusveppi • Eyðir lykt úr fatnaði
Efni
Ein 50g hnota af Baby Cas-
hmerino frá Debbie Bliss í
aðallit (A) og smárestar til að
skreyta brúnina (B).
Prjónar nr 2,5.
2 tölur.
Prjónfesta
28 lykkjur og 37 umferðir =
10cm í sléttprjóni.
Stærð
Ein stærð fyrir 0–3 mánaða.
Skammstafanir
L = lykkja/lykkjur
S = slétt
B = brugðið
Y = uppsláttur
umf = umferð
ó = óprjónuð lykkja
s = saman
1ó+1S+sty = 1 lykkja óprjónuð, 1
lykkja slétt, steypið óprjónuðu
lykkjunni yfir
Aðferð við að fitja upp í byrjun
prjóns: Stingið prjóninum inn
í lykkjuna eins og þegar verið
er að prjóna slétt, búið til nýja
lykkju og setjið hana strax
snúna uppá prjóninn. Endur-
takið þetta þar til búið er að
fitja upp þann fjölda af lykkjum
sem óskað er.
Vinstri skór
Fitjið upp 32L með lit A og
prjónum nr 2,5 (eða 3).
Prjónið 1 umf S.
1. umf (réttan): 1S, Y, 14S, Y, [1S,
Y] tvisvar, 14S, Y, 1S.
2. umf og allar umf á röngunni:
Allar L sléttar, prjónið uppslátt
úr umf á undan snúinn.
3. umf: 2S, Y, 14S, Y, 2S, Y, 3S, Y,
14S, Y, 2S.
5. umf: 3S, Y, 14S, Y, [4S, Y]
tvisvar, 14S, Y, 3S.
7. umf: 4S, Y, 14S, Y, 5S, Y, 6S, Y,
14S, Y, 4S.
9. umf: 5S, Y, 14S, Y, [7S, Y]
tvisvar, 14S, Y, 5S.
11. umf: 20S, Y, 8S, Y, 9S, Y, 20S
= 60L.
12. umf: Eins og 2. umf.
Prjónið 10 umf S (garðaprjón).
Ristin mótuð
Næsta umf: 34S, 1ó+1S+sty,
snúið við.
Næsta umf: 1ó, 8B, 2Bs, snúið
við.
Næsta umf: 1ó, 8S, 1ó+1S+sty,
snúið við.
Endurtakið síðust 2 umf 5
sinnum í viðbót, síðan fyrri umf
einu sinni enn.
Næsta umf: 1ó, S út umf.
Næsta umf: 17S, 2Ss, 8S,
1ó+1S+sty, 17S = 44L.
Næsta umf (réttan): 9S, setjið
þessar L á nælu, klippið á lit A,
fitjið upp 1L með lit B, [setjið L
aftur á vinstri prjóninn, fitjið
upp 2L, fellið af 4L] 11 sinnum,
setjið L aftur á vinstri prjóninn,
fitjið upp 2L, fellið af 5L, klippið
á lit B, prjónið S með lit A út
umf, klippið á lit A.
Snúið réttunni að ykkur, setjið
9L af nælu á sama prjóninn.
Saumið saman samskeyti á il
og hæl.
Ökklaband
Næsta umf (rangan): Prjónið S
út umf með lit A.
Með réttuna að ykkur, prjónið
S = 18L.**
Næsta umf: Fitjið upp 4L,
prjónið S út umf, snúið við og
fitjið upp 22L.
Hnappagat: 1S, 1ó+1S+sty, Y,
S út umf.
2 umf S.
Fellið af. Saumið tölu á ökkla-
bandið og gangið frá endum.
Hægri skór
Prjónið eins og vinstri skó
að **.
Næsta umf: Fitjið upp 22L,
prjónið S út umf, snúið við og
fitjið upp 4L.
Hnappagat: Prjónið S þar til 3L
eru eftir, Y, 2Ss, 1S.
Ljúkið við á sama hátt og
vinstri skó.
Gangi ykkur vel!
Uppskriftin er úr bókinni
Celebrating Family eftir Debbie
Bliss. Baby Cashmerino garnið
fæst í Storkinum, Handíðum
við Garðatorg og Hjá Beggu á
Akureyri.
E inn hópur hættir seint að prjóna og það eru ömmur landsins. Þó að þær endurspegli ekki lengur ímynd prjónsins eins og fram kom í síð-
asta pistli, þá halda þær ótrauðar áfram. En hver skyldi
vera skýringin?
Þegar ég segi ömmur þá er ég að tala um breiðan
hóp kvenna sem geta verið á bilinu fertugar til átt-
ræðs, forstjórar eða heimavinnandi og allt þar á milli.
Það sem þær eiga sameiginlegt er að þær eru búnar að
eignast ömmubarn, eitt eða fleiri og vilja umvefja þau
umhyggju og hlýju á margvíslegan hátt. Það vitum við
sem þekkjum að ást ömmu til barnabarnanna er sterk
og við höfum þörf fyrir að tjá hana með ýmsum hætti
meðal annars með prjóni. Þar koma handprjónaðar
peysur, húfur, sokkar eða jafnvel heilu heimfararsettin
á nýfæddu krílin til sögunnar. Umhyggjan sem fer í
þann prjónaskap er ekki hægt að kaupa í búð.
Þess eru mörg dæmi að kona eigi von á sínu
fyrsta barnabarni og það hellist yfir hana löng-
unin að prjóna eitthvað fallegt á barnið. En hún
hefur ekki snert prjóna í tuttugu ár eða lengur,
þrátt fyrir prjónabylgjuna, og þá er stundum
erfitt að byrja. Sem betur fer búum við svo vel á
Íslandi að hér er að finna nokkrar garnverslan-
ir sem bjóða upp á þekkingu og góða þjónustu
og það eru um að gera að notfæra sér það. Það
er hægt að finna góðar uppskriftir fyrir byrj-
endur eða þá sem eru að taka upp þráðinn eftir
langan tíma. Verið einnig óhræddar við að
leita ykkur aðstoðar hjá þeim sem hafa meiri
reynslu því flestar sem prjóna hafa ánægju af
því að miðla þekkingunni áfram.
Í dag er hægt að fá mikil úrval af ungbarna-
garni sem er einstaklega mjúkt viðkomu.
Oftast nær er það úr ull því hér norðurfrá eru sumrin
svo stutt. Vinsælast er að nota ull sem hefur verið soðin
eða meðhöndluð þannig að hún þófnar ekki við vélþvott
á 30° C. Það virðist vera krafan í dag enda þarf að þvo
ungbarnafatnað oftar en annað. En það er einnig hægt
að finna aðra mjúka ull eins og alpakaull, en hana verð-
ur að handþvo. Svo verður hver og ein að meta hversu
fínt garnið má vera, því fínna garn er seinlegra í prjóni
en grófara. En þessar upplýsingar fáið þið í garnbúð-
unum.
Litaval er svo einn kapítuli þegar prjónað er á ný-
fæddu börnin. Hér áður var þetta einfalt; hvítt, bein-
hvítt, ljósgult eða ljósgrænt ef ekki var vitað um kynið.
Bleikt eða ljósblátt ef barnið var fætt. En þetta er liðin
tíð. Litaúrval í garni hefur bæði breyst og aukist mjög
mikið. Tískan hefur meiri áhrif á litavalið, sérstaklega
ef ungu mæðurnar fá að vera með í ráðum og nú er mun
algengara að kyn barnsins liggi fyrir áður en barnið
fæðist. Segja má að langvinsælasti liturinn sé eftir sem
áður beinhvítur, þá hafa gráir og brúnir tónar komið
sterkt inn hin síðari ár á bæði kynin. Og grænir og fjólu-
tónar sömuleiðis. Bleikt og blátt er enn notað en núna
líka í muskulegri litum. Flestir velja milda liti fyrir þau
yngstu og svo verða litirnir sterkari og skærari þegar
þau eldast. Reyndar er dökkbrúnn nokkuð vinsæll á
yngri börnin, en svart heyrir til undantekninga.
En ömmur og mömmur eru ekki alltaf sammála um
hvaða lit á að velja. Amman sem ætlar að prjóna vill ekki
tískulitina og mamman er ekki á bleik/bláu línunni.
Þá mætast þær sem betur fer oftast á miðri leið og velja
jafnvel hlutlausan lit. Sterkar hefðir og nýir tímar takast
á þegar litaval er annars vegar og allir virðast hafa
skoðun á því. En hvað er það sem mótar þessar skoð-
anir okkar er erfitt að svara.
Þá er ótalin ein hefð sem hefur skapast og það er að
prjóna eða hekla ungbarnateppi, jafnvel fleiri en eitt
fyrir sama barnið. Fjallað verður nánar um það í öðrum
pistli. Hér fylgir hins vegar uppskrift að yndislegum
ungbarnahosum ef einhver vill takast á við verkefni sem
er ekki of tímafrekt.
 PrjónaPistill
Ömmur og
ungbarnaprjónið
Guðrún
Pannele
Henttinen
hannele@
storkurinn.is
Ungbarnaskór
 PrjónauPPskrift Ungbarnaskór
Ungbarnaskór úr bókinni Celebrating Family eftir Debbie Bliss.
Hér er uppskrift að ungbarnaskóm fyrir 0-3 mánaða kríli. Skórnir koma úr smiðju Debbie Bliss, sem
er breskur prjónhönnuður, en hún hefur verið mjög dugleg að hanna á yngstu börnin. Hér eru notaðir
fínni prjónar en venjulega fyrir þetta garn því það er betra að prjóna svona skó þétt.