Fréttatíminn - 28.09.2012, Síða 8

B erglind Dúna Sigurðardóttir, nærri átján ára framhaldsskólanemandi í Vestmannaeyjum, býst ekki við að
losna við drómasýkina sem hún greindist
með í janúar 2010. Henni er þó sagt að
svefnsýkin geti herjað misþungt á hana
í gegnum lífið. Hún er markvörður í u18
handknattleikslandsliðinu og hefur sofnað
á bekknum í leikjum ÍBV. Hún getur aðeins
vakað fjóra tíma í senn, myndi dotta á flæði-
línu frystihúsa eins og hún gerir í lítt krefj-
andi aðstæðum. Hún rekur sjúkdóm sinn til
svínaflensubólusetningar veturinn 2009.
„Ef ég fæ ekki að sofa nóg á ég á hættu
að fá svefnflog. Þá sofna ég
hvar sem ég er,“ segir
hún. „Þá á ég líka
það til að missa
máttinn þegar
ég hlæ. Þetta
er þekktur
fylgisjúk-
dómur
og ég
ligg máttlaus þar til ég hætti að hlæja. Ég
þarf að leggjast niður og hef oft skollið með
hausinn í gólfið. Þetta er erfitt. Ég þarf
að skipuleggja daginn vel. Ég tek engar
skyndiákvarðanir. Í skólanum sofna ég í
öllum tímum og þar sem ég sef ekki meira
en fjóra tíma heldur vaki ég klukkustund
um nótt.“
Fimm greindust með drómasýki á Íslandi
árið 2010 og höfðu þrír farið í bólusetn-
inguna og greindust „tiltölulega fljótt“ eftir
hana. Þórarinn Guðnason, staðgengill sótt-
varnarlæknis hjá landlækni, segir að þrátt
fyrir það séu engin tengsl á milli. Sjá megi
það á því að nærri jafnmargir hafi greinst
með sýkina hvort sem þeir voru bólusettir
eða ekki.
„Svona sjaldgæfir sjúkdómar koma oft í
toppum – ekkert gerist í mörg ár, svo grein-
ast nokkrir eitt árið og svo enginn næsta.
En sjaldan hafa svona margir greinst á
einu ári.“ Þórarinn segir landlæknisemb-
ættið ekki vita hve margir hafi greinst með
drómasýki í fyrra. Hún sé ekki tilkynninga-
skyldur sjúkdómur.
Á vef landlæknisembættisins í vikunni er
sagt frá niðurstöðu rannsóknarhóps sem
mældi marktækt samband á milli bólusetn-
ingarinnar og drómasýki hjá einstakling-
um yngri en 20 ára í Finnlandi og Svíþjóð.
Það hafi ekki mælist í Danmörku, Ítalíu,
Hollandi, Noregi, Bretlandi og Frakklandi.
„Hjá eldri einstaklingum var samband
drómasýki og bólusetningar ekki mark-
tækt nema í Frakklandi,“ stendur þar.
„Þetta segir okkur að orsakir þessa sjúk-
dóms eru svo margvíslegar. Bæði genetísk-
ar og umhverfislegar,“ segir Þórarinn.
Berglind Dúna var ekki svona fyrir
svínaflensusprautuna: „Ég var allt önnur
manneskja.“ Hún sér ekki fram á að geta
valið úr vinnu í framtíðinni. „Ég mun aldrei
getað unnið venjulegan vinnutíma,“ segir
hún. „Ég mun ekki geta borið ábyrgð, því
ég get sofnað hvar sem er. En ég ætla í há-
skóla enda á ég auðvelt með að læra, svo ég
held ég geti það vel.“
Berglind er hlynnt bólusetningum. „Ég
myndi ekki hafna skólabólusetningum
og finnst að fólk ætti ekki að geta hafnað
þeim. Þessi var ekki eins. Hún var þróuð á
stuttum tíma.“
Gunnhildur Arna Gunnarsdóttir
gag@frettatiminn.is
 Drómasýki BerglinD Dúna mun alDrei jafna sig að fullu
Berglind Dúna
var flokksstjóri
í vinnuskóla
Vestmannaeyja
í sumar. „Það
hefði ég aldrei
getað nema
fyrir það að fá
að leggja mig í
einn og hálfan
tíma í hádeg­
inu. Bærinn
sýnir mér
mikinn
skilning.“
Sofnar á varamannabekknum
Berglind Dúna Sigurðardóttir er heppin ef hún vaknar í skólann. Takist það leggur hún sig í
hádeginu til að geta mætt eftir hádegi. Svo leggur hún sig aftur eftir skóla til að komast á hand­
boltaæfingu á eftir. Hún er með drómasýki sem hún greindist með stuttu eftir bólusetningu gegn
svínaflensu. Engin tengsl, segir landlæknisembættið.
Drómasýki
Drómasýki (e. narcolepsy, einnig hypnolepsy
eða paroxymal sleep) er taugasjúkdómur
sem veldur ýmsum furðulegum svefn­
truflunum.
Heimild: Vísindavefurinn
Fékkstu ekki
Fréttatímann
heim?
Fréttatímanum er dreift á öll heimili á höfuðborgarsvæðinu.
Ef þú fékkst ekki blaðið heim, láttu okkur þá vita með
tölvupósti á dreifing@frettatiminn.is
Sjáðu blaðið líka á frettatiminn.is
@
8 fréttir Helgin 28.-30. september 2012