Fréttatíminn - 28.09.2012, Síða 38
B-52 kveikir í
V
Vel man ég eftir sprengjuflugvélunum
ógurlegu, B-52, sem Bandaríkjamenn
notuðu í Víetnamstríðinu, átta hreyfla
ferlíkjum sem engu eirðu. Þær voru
einnig notaðar í Persaflóastríðinu og
þessi gömlu jálkar munu enn vera helstu
sprengjuvélar Bandaríkjamanna og
stefnt er að því að nota þær alveg fram
til ársins 2040, með einhverjum endur-
bótum þó. Þá fara þær að nálgast aldaraf-
mælið en þær voru hannaðar á fimmta
tug liðinnar aldar, reynsluflogið árið
1952 og teknar í notkun hjá bandaríska
flughernum árið 1955.
Svo mikill sveitamaður er ég hins
vegar að ég kom af fjöllum í árlegu
sumarbústaðarpartí sem okkur hjónum
var boðið í um liðna helgi. Þar var mér
borinn drykkurinn B-52, nafni drápsvél-
arinnar. Hans hafði ég aldrei heyrt getið.
Drykkurinn kom lagskiptur, sem svo-
kallað skot, sem fólk ku drekka í einum
teyg. Það eru ekki sérstaklega gáfulegir
drykkjusiðir en geta verið skemmtilegir,
á ákveðnu stigi samkvæmis, svo fremi að
menn hendi aðeins á sig einu skoti. Mörg
slík hafa óhjákvæmilega vond áhrif.
Vegna þess hve ég er orðinn þroskað-
ur lét ég þennan eina kokteil duga. Mér
er illa við timburmenn. Samt var það
svo, vegna þess að ég hafði áður sötrað
öl, í mestu rólegheitum þó, að lagskipta
skotið jók söngnáttúru, eins og gerist í
réttum eða rútubílum. Það er vond söng-
hefð, það veit ég, en skot ofan í Túborg
getur haft þessi áhrif.
Því söng sé sálminn Ó, þá náð að eiga
Jesúm fyrir viðstadda, án þess að sér-
staklega hafi verið um það beðið. Það
er fallegur sálmur í meðförum góðs
söngvara eða kórs, á viðeigandi stundu.
Ósagt skal látið hvort stundin var við-
eigandi en ólíklegt er að söngvar-
inn sem þarna þandi raddböndin
hefði staðist inntökupróf í söng-
skóla. Auk þess kunni söng-
fuglinn sjálfskipaði aðeins upp-
hafserindi sálmsins. Það var
raunar alveg nóg. Eiginkonan
greip strax inn í, kom sínum
manni á réttan kúrs, enda
kann að vera að hún hafi heyrt
upphaf sálmsins áður í þeirra
löngu sambúð og vitað í hvað
stemmdi.
Skjót viðbrögð konunnar,
sem seint verða fullþökk-
uð, hindruðu frekari mis-
þyrmingu á sálmi þessum,
hlífðu eyrum annarra sam-
kvæmisgesta, og það sem
mest er um vert, komu
í veg fyrir timburmenn
eiginmannsins daginn eftir.
Forvitni mín var hins
vegar vakin á kokteilnum sem
ber nafn svo skelfilegs drápstóls sem
B-52 er. Með rannsóknum komst ég að
því að grunnur hans byggir á Kahlúa
kaffilíkjör, rjómadrykknum Baileys Irish
Cream og appelsínulíkjörnum Grand
Marnier. Þegar hann er rétt gerður
kemur hann í þremur lögum, hver
áfengistegund heldur sér í glasinu án
þess að blandast hinum. Það þykir flott.
Lagskiptingin helst vegna mismunandi
eðlisþunga drykkjanna sem í kokteilinn
fara. Enn öflugra þykir ef drykkurinn
er borinn fram logandi, það er að segja
ef barþjónn, eða gestgjafi í sumarhúsi,
kveikir í efsta áfengislaginu. Það var
sem betur fer ekki reynt í sveitinni. Þá
hefði hugsanlega farið illa. Logandi
útgáfa drykkjarins tengist nefnilega ill-
Jónas
Haraldsson
jonas@
frettatiminn.is
HELGARPISTILL
ÖLL ÖKURÉTTINDI
ÖLL VINNUVÉLARÉTTINDI
Hafðu samband í síma: 822 45 02 eða www.meiraprof.is
ræmdasta sprengiflugi B-52 vél-
anna í Víetnam þegar þær dreifðu
napalm-eldsprengjum sem
kveiktu í öllu sem fyrir varð.
Það er því von að B-52, það
er að segja drykkurinn, kveiki
í mönnum, hvort heldur er von-
lausa söngnáttúru eða annað. Við
rannsóknir mínar komst ég enn
fremur að því að drykkurinn er
til í ýmsum gerðum. Notast skal
við skot- eða sérríglas og hella
kaffilíkjörnum fyrst. Þar á eftir
kemur rjómadrykkurinn og efst í
glasið appelsínulíkjörinn. Vandinn
er hins vegar sá að við stofuhita
er ekkert sérstaklega auðvelt
að kveikja í Grand Marnier. Því
getur þurft að bregða á það ráð
að hita líkjörinn, eða það sem
kröftugra er, að skipta honum út
fyrir dökkt romm af styrkleikan-
um 65-85%. Það er ekki vandamál
að kveikja í því eldsneyti og betra
að hafa hitaþolið glas þegar þarna
er komið sögu – og nota rör við
drykkjuna fremur en bera kokteil-
inn logandi að vörum. Nefhár eru
þá sett í óþarfa hættu, svo ekki
sé minnst á augabrúnir. Þessi
drykkur ber nafn með rentu, B-52
On a Mission, eða sprengjuflugvél
í árásarferð í lauslegri þýðingu.
Vilji samkvæmisgestir ganga
alla leið, og hugsa alls ekki um
morgundaginn, er drykkurinn til
í þeirri gerð sem heitir á frum-
málinu B-52 with a Full Payload
eða fullhlaðin sprengjuflugvél.
Þá bætist í glasið fjórða lagið af
Frangelico hnetulíkjör og síðan
er fyllt upp með fimmta laginu af
Bacardi rommi og kveikt í. Skjóti
einhverjir þessari útgáfu á sig er
hætt við að þeir hinir sömu taki
sjötta lagið, það er að segja sálm,
líklega öll erindin af Ó þá náð
að eiga Jesúm, einkavin í hverri
þraut – hvort sem þeir kunna þau
eður ei.
Sem betur fer var ekki gengið
svo langt í sveitinni um helgina.
Þrjú lög, án íkveikju, voru alveg
nóg. Þeir sem muna Víetnam-
stríðið gætu þó reynt enn eina
blönduna, kennda við skyttur í
stélturni B-52 vélanna sem beittu
vélbyssum í loftbardögum þess
stríðs. Sá kokteill heitir B-52 with
a Mexican Tailgunner. Þá skipta
menn hinum bragðgóða og milda
Baileys rjóma út fyrir tequila og
kveikja væntanlega í öllu saman.
Sú tilraun verður að bíða – að
minnsta kosti þangað til í næsta
sumarbústaðarboði.
Sub-Samlokur
Salöt m/kjöti
Pizzur
+2 l gos
Matur fyrir
Þú getur valið um:
Nýbýlavegi 32 67%
... kvenna á
höfuðborgar-
svæðinu
lesa Fréttatímann*
*konur 25 – 80 ára
á höfuðborgarsvæðinu.
Capacent okt.-des. 2011
38 viðhorf Helgin 28.-30. september 2012