Læknablaðið - 01.08.1973, Blaðsíða 71

LÆKNABLAÐiÐ
175
FRÁ FÉLAGI ÍSLENZKRA LÆKNA I BRETLANDI
Hinn 14. febrúar s.l. var haldinn fund-
ur að frumkvæði F.Í.L.B. í sendiráði ís-
lands í London með ráðherra heilbrigðis-
mála og tryggingamála, Magnúsi Kjart-
anssyni, og Páli Sigurðssyni ráðuneytis-
stjóra. Ellefu félagsmenn voru mættir til
fundarins víðsvegar af Bretlandseyjum.
Tilgangur fundarins var fyrst og fremst
upplýsingamiðlun og skoðanaskipti um
heilbrigðismál í formi stuttra framsögu-
erinda byggðra á samþykktum félagsins
og voru þau síðan rædd.
í upphafi fundar var gerð stutt grein
fyrir sumu því, sem F.Í.L.B. vildi leggja
áherzlu á, að betur mætti fara í íslenzkri
heilbrigðisþjónustu, svo sem stofnun
heilsugæzlustöðva í þéttbýli og dreifbýli,
eflingu göngudeilda og rannsóknadeilda,
verkaskiptingu sjúkrahúsa og stofnun
framhaldsnámsdeildar á íslandi. Síðan
voru ræddar tillögur F.Í.L.B. til úrbóta.
STOFNTJN HEILSUGÆZLUSTÖÐVA í
ÞÉTTBÝLI OG DREIFBÝLI
F.f.L.B. telur þetta vera brýnasta úr-
lausnarefni íslenzkra heilbrigðismála og
fagnar framkomnu frumvarpi um þessi
mál. í frumvarpinu er gert ráð fyrir, að
ríki og sveitarfélög reisi þessar stöðvar,
en F.f.L.B. vill ganga lengra og leggja
til að stöðvarnar verði einnig reknar fjár-
hagslega af þessum sömu aðilum. Læknar
taki fastalaun sín frá stöðvunum. svipað
og nú gerist með s.júkrahúslækna. Stöðv-
arnar þurfa að njóta töluverðrar sjálf-
stjórnar og tryggja þarf ítök lækna og
heilbrigðisstarfsfólks í stjórnun þeirra.
Nánum tengslum þarf að koma á milli
heilsugæzlustöðva og sjúkrahúsa með
gagnkvæmum upplýsingum um sjúklinga
og heimsóknum sérfræðinga á heilsu-
gæzlustöðvar. Lögð var áherzla á mennt-
un og nýliðun starfsfólks í stoðgreinum
við stofnun heilsugæzlustöðva. Kom fram
hugmynd um að stofna skóla, sem hefði
það meginhlutverk að mennta heilbrigðis-
starfsfólk.
Ráðherra sagði, að nauðsynlegt væri að
líta á heilbrigðisþjónustuna sem eina
heild, og að allar stéttir, sem vinna að
þessum málum, yrðu að hafa sem nánast
samstarf. Hann ræddi einnig markmið
heilbrigðisþjónustu, sem beindist ekki
síður að því að bæta líðan heilbrigðra en
að lækka dánartölu af mannskæðum sjúk-
dómum og hlynna að sjúkum.
GÖNGUDEILDIR
F.Í.L.B. telur, að opna eigi göngudeildir
við sjúkrahús, þannig að öll sú rann-
sóknar- og sérfræðiþjónusta, sem hægt er
að veita á hverjum stað, sé opin heimilis-
læknum og heilsugæzlustöðvum, án þess
að til innlagningar þurfi að koma. Ætla
mætti, að þetta myndi sníða af ýmsa
agnúa, sem eru á núverandi kerfi. Fækka
mætti innlögnum verulega, stytta legu-
tíma og þannig jafnframt biðlista. Efl-
ing heilsugæzlustöðva og útvíkkun göngu-
deilda myndi smám saman leiða til þess,
að núverandi einyrkjalækningar heimilis-
lækna og sérfræðinga drægjust saman.
Þess í stað flytjist þessi starfsemi inn á
heilsugæzlustöðvar og göngudeildir. Flytja
mætti sérfræðiþjónustu þéttbýlisins bet-
ur til landsbyggðarinnar með reglulegum
heimsóknum, og var bent á starfsemi
augnlækna á undanförnum árum í því
sambandi.
Ráðherra og ráðuneytisstjóri voru mjög
hlynntir stofnun göngudeilda og bentu í
því sambandi á sykursýkisdeild, sem
stofnuð verður við Landspítalann, mót-
tökudeild við fyrirhugaða geðdeild á
Landspítalalóðinni og svipaða aðstöðu í
hinni nýju fæðingadeild. Er ljóst, að komi
til samvinna læknasamtakanna, verður
ekkert til fyrirstöðu stofnunar opinna
göngudeilda. Ráðuneytisstjóri skýrði frá
könnun um legurúmaþörf, sem Kjartan