Læknablaðið - 01.12.1977, Blaðsíða 69

LÆKNABLAÐIÐ
279
Auðunn Sveinbjörnsson, Þorkell Guðbrandsson, Þórarinn Ólafsson
MEÐFERÐ NÝBURA 1ÖNDUNAR VÉL Á SJOKRAHÚSINU
í VÁNERSBORG 1972 — 1974
SAMANTEKT
Skýrt er frá meðferð á 21 nýfæddu
barni í öndunarvél á árunum 1972—1974 á
gjörgæzludeild sjúkrahússins í Vánersborg
í Svíþjóð.
Um var að ræða 9 börn, sem eingöngu
höfðu IRDS-sjúkdóm (idiopathic respira-
tory distress syndrome). Af þeim lifðu 6
eða 66,6%. Hin börnin höfðu alvarlega
meðfædda galla eða aðra alvarlega sjúk-
dóma. Af þeim höfðu 4 einnig IRDS-sjúk-
dóm. Af öllum börnunum lifðu 10 eða
48%.
INNGANGUR
A seinni árum hafa mjög miklar fram-
farir orðið á sviði meðferðar nýbura með
öndunarbilun. Þegar í móðurkviði geta
menn gert sér hugmyndir um þroska
lungnanna með sýnishornum frá leg-
vatni14 111 og eru þannig viðbúnir fæðingu
barns með óþroskuð lungu. Einnig hafa
menn i vaxandi mæli gert sér grein fyrir
mikilvægi almennrar meðferðar nýfæddra
barna, t.d. að leiðrétta truflanir í sýrubasa-
jafnvægi*11 og halda líkamshita stöðug-
um.l:l Aðaláherzla hefur verið lögð á að
auka loftskipti þessara barna og hefur það
skipt sköpum í afdrifum þeirra. Það má
gera með þvi að auka þrýsting í loftvegum
barnsins gegn eigin önduim,9 10 svokallaður
stöðugur, jákvæður þrýstingur í loftveg-
um, CPAP (continuous positive airway
pressure), eða að börnin eru lögð í öndun-
arvél. Þar er um að ræða annað hvort svo-
kallaða neikvæða öndun, þar sem barnið
er aðstoðað við öndun með því að bol þess
er komið fyrir í undihþrýstinigi, sem eykur
loftskipti í lungum, NPAV (negativ pres-
sure assisted ventilation),-- 2:1 eða jákvæða
þrýstingsöndun, þegar andað er fyrir sjúk-
lingi'nn með jákvæðum þrýstingi í loftveg-
um, IPPV (intermittent positive pressure
ventilation),1 7 1G 20 -4 Þá er stundum í lok
útöndunar hafður jákvæður þrýstingur,
PEEP (positive endexpiratory pressure).1-"
Þau börn, sem getið verður um, voru með-
höndluð með jákvæðum þrýstingi í öndun-
arvél, með eða án PEEP.
EFNIVIÐUR OG AÐFERÐIR
Rannsóknin fjallar um 21 barn, sem
fæddist á sjúkrahúsinu í Vánersborg í
Vestur-Svíþjóð á árunum 1972—1974.
Sjúkrahús þetta er aðalsjúkrahús í Norð-
ur-Álvsborgarléni og er íbúafjöldi 160
þúsund. Nær allar fæðandi konur á svæð-
inu leituðu til þessa sjúkrahúss.
Öll börnin, sem lögð voru í öndunarvél,
voru í mjög lélegu ástandi ýmist með
Mynd 1. — Öndunarvél sú, sem notuð va.r,
SERVO VENTILATOR 900.