Dagblaðið Vísir - DV - 16.02.2007, Blaðsíða 41

föstudagur 16. febrúar 2007 41DV Ferðalög
„að kafa er mun einfaldara en fólk gerir
sér í hugarlund,” segir Matthías
bjarnason, framkvæmdastjóri
Köfunarskólinn.is. „Íslendingar vita að
Ísland er fallegt land, en færri gera sér
grein fyrir hve mikið af fegurðinni er
undir yfirborði sjávar.” Matthías segir að
einungis þurfi að stökkva af enda
garðsbryggju: „Og tekur þá við
ótrúlegt lífríki og landslag sjávarins. Í
fyrrasumar syntum við með höfrungum
í heila viku og einnig höfum við verið í
félagsskap beinhákarla hér við Ísland.
Þeir eru svifætur og vita meinlausir.“
best er að kafa með hækkandi sól
meðan sjórinn er enn kaldur. „sjórinn
er mjög tær þá og lítið af svifi, en í raun
er það skemmtilegast við köfunina að
þú veist ekki á hverju þú átt von.”
„silfra á Þingvöllum er velþekktur
köfunarstaður síðan 1993 og sennilega
einn vinsælasti staðurinn í heiminum í
dag.” að sögn Matthíasar hefur aðsókn
útlendinga í silfru aukist mjög hin
síðari ár. „útlendingar taka í auknum
mæli silfru fram yfir til dæmis rauðahaf
ið og taíland.”
kolbeinn@dv.is
Leikið við höfrunga
Með höfrunguM og
beinhákörluM
DV heldur áfram yfirreið sinni um landið í fylgd þrautreyndra ferðalanga. Í síðustu
viku sagði fjallamaðurinn Ragnar Sverrisson frá gönguför sinni um Glerárdalshring-
inn. Í þessari viku sláumst við í för með Þorvaldi Þórssyni tölvunarfræðingi og áfanga-
staðurinn er Botnssúlur.
U m s j ó n : V a l g e i r Ö r n R a g n a r s s o n . N e t f a n g : v a l g e i r @ d v . i s
á ferðinni
Botnssúlur eru í um hálftíma
akstursfjarlægð frá Reykjavík. Ekið
er í gegnum Mosfellsbæ og síðan inn
Mosfellsdalinn og sem leið liggur
upp Mosfellsheiðina og ekki stans-
að fyrr en komið er til Þingvalla. Frá
Þingvöllum er keyrt frá þjónustu-
miðstöðinni upp Kaldadal þar til
vegurinn greinist og þá er ekið yfir
Skógarháls í átt að Botnssúlum. Þar
austan við Ármannsfell er svonefnd-
ur Orrustuhóll og þar er gott að hefja
gönguna.
„Þeir sem eru á jeppa geta ekið eitt-
hvað lengra en ekki er ráðlegt að reyna
það á fólksbíl, því þarna er verulega
stórgrýtt,” segir Þorvaldur. Gönguför-
in, sem tekur um fjórar klukkustundir,
hefst við slóða sem nefndur er Leggja-
brjótur. Leggjabrjótur er urðarslóði og
var áður þjóðleið frá Botnsdal í Hval-
firði til Þingvalla.
„Þegar gengið er upp þennan
slóða kemur maður að Fossabrekkum
og þaðan er gengið til norðurs í áttina
að Syðstusúlu, sem liggur fyrir framan
mann eins og veggur frá austri til vest-
urs. Þaðan er best að ganga að eystri
enda Syðstusúlu, en þar er greinileg-
ur gönguslóði sem liggur alveg upp á
topp.”
Syðstasúla er tæplega 1100 metra
há og gangan á toppinn tekur um
tvær stundir og best er að ganga á
fjallsegginni. „Þegar á toppinn er
komið uppsker maður árangur erf-
iðisins því útsýnið er stórkostlegt og
ótrúlega víðsýnt til allra átta og blasa
þar við hinar súlurnar, Miðsúla, Vest-
ursúla og Háasúla.”
Í sjálfheldu í Súlnagili
Þó að útsýnið sé tilkomumikið
um vetur þá er náttúrufegurðin ólýs-
anleg að sumri til. ,,Þórisjökull og
Langjökull skarta sínu fegursta, að
ógleymdum Eyjafjallajökli, Tindfjöll-
um og Heklu, og á góðum sumardegi
er magnað að upplifa andstæðurnar
milli jökla og fjalla að ég tali ekki um
lygnt Þingvallavatnið með eyjunum
sínum.En þótt landslagið renni meira
saman í eitt að vetri til er það engu að
síður stórkostlegt.”
Þorvaldur segir að ganga á Botns-
súlur að vetri sé meira fyrir sportið,
en fyrir augað að sumri til. Í þessa
gönguferð þarf ekki mikinn útbúnað.
„Í raun þarf ekkert annað en göngu-
skó og gott skap,” segir Þorvaldur og
bætir við:
„Að sjálfsögðu þarf að fara var-
lega. Fyrir allmörgum árum ætlaði
ég að stytta mér leið um gilin og vissi
ekki fyrr en ég var kominn hundrað
metra upp Súlnabergið. Aðstæðurn-
ar, sem í fyrstu virtust frekar sakleys-
islegar, voru í reynd sjálfhelda og ég
hrósa happi að hafa komist heill úr
þeirri raun. Þessi gil heita Súlnagil
og Svartagil og er ekki vert að lenda
í þeim.“ Niðurförin tekur um tvær
stundir. „Þegar niður er komið er til-
valið að kasta mæðinni í Þjónustu-
miðstöðinni við Þingvallavatn og láta
líða úr sér áður en lagt er af stað heim
á ný.”
Reynir Þór Sigurðsson húsasmíða-
meistari hefur tekið áskorun Þor-
valdar fyrir næstu viku. Það verður
fróðlegt að sjá hvert þeirri för verður
heitið. kolbeinn@dv.is
Þorvaldur Þórsson er göngugarpur af lífi og sál og ákvað að lýsa
göngu frá Þingvöllum upp Botnssúlur. Botnssúlur urðu fyrir val-
inu því Þorvaldur telur þá gönguför á færi flestra. Þorvaldur, sem
kallar ekki allt ömmu sína í þessum efnum, stendur nú á fimm-
tugu og af því tilefni ráðgerir hann að klífa hundrað hæstu tinda
landsins.
Vel búinn að vetri til Þorvaldur á eyjafjallajökli með tindfjöllin í baksýn.
Tveir á Tindfjöllum Þorvald-
ur nýtur útsýnisins ásamt
félaga sínum.
á Syðstusúlu
Sumarganga
GönGutúr á sunnudeGi
Með neSTi og nýja Skó
alla sunnudaga fram á vor stendur ferðafélag Íslands fyrir gönguferðum.
ekkert gjald er tekið og mæting er klukkan 10.30 við Mörkina. Þaðan er
ekið að upphafsstað gönguleiðar. Lengd gönguleiðar fer eftir stemmingu
og aðstæðum og jafnvel farið á gönguskíði ef aðstæður leyfa. Mikilvægt
er að þátttakendur hafi með sér nesti og góðan búnað til göngu.
Hestar og útivist
UMhiRða hRoSSa og úTReiðaR
Hestaferðir njóta sívaxandi vinsælda.
Hjá Íshestum eru erlendir ferðamenn
enn í meirihluta, en hlutur Íslendinga
fer vaxandi. Á veturna er boðið upp á
stuttar ferðir tvisvar á dag. ferðirnar
eru mislangar, frá einni klukkustund
upp í fimm klukkustundir. einnig eru
haldin reiðnámskeið og starfræktur
klúbbur sem kallast Hestur í fóstur. Þar
er börnum boðið að taka þátt í
umhirðu hesta og fara síðan í stuttan
reiðtúr. Á sumrin er farið í lengri
hestaferðir. útreiðar eru skemmtileg
og hressandi tilbreyting allan ársins
hring.
útivist og breyttir
jeppar
giST og gRillað Í
keRlingaRfjöllUM
Jeppaferð í Jökulheima og Kerlingar-
fjöll verður farin á vegum ferða-
félagsins útivistar um helgina. Lagt
verður af stað klukkan 19 föstudaginn
16. febrúar. gist verður í Jökulheimum
og á laugardagsmorgni farið yfir
Þjórsá og ekið í Kerlingarfjöll þar sem
verður grillað og gist. að loknum
morgunverði á sunnudagsmorgni
verður haldið yfir Langjökul á leið
heim. Þessi ferð er farin í samvinnu við
arctic trucks og er fyrir mikið breytta
jeppa. Nánari upplýsingar má nálgast
á skrifstofu útivistar.
enskur morgunmatur
egg og beikon á bReSkUM baR
Margir sleikja út um við tilhugsunina
um alvöru enskan morgunmat. Þar
sem pylsur, beikon og franskar
löðrandi í feiti eru faldar undir spældu
eggi, vænum skammti af bökuðum
baunum og nokkrum sveppum. en því
miður er ekki ráðlagt að borða svona
kræsingar reglulega. Því leyfa flestir
sér þetta aðeins stöku sinnum og
auðvitað þegar þeir eiga ferð um
bretland. Þeir sem eru á ferð um
London á næstunni og vakna svangir
verða ekki sviknir á smiths of
smithsfield í miðhluta borgarinnar,
nánar tiltekið við Charterhouse street
númer 67. Þar er engu minni
metnaður lagður í matargerðina en
fyllingu bjórglasa. enskir barir verða
enn fýsilegri kostur sem matsölustaðir
í sumar eftir að reykingabannið
gengur í gildi.
Höfum til sölu flottasta Hyundai Tucson landsins
Bílasalan bíll.is
Bíllinn er 2,7 V6 LUX týpa árg ´05
ekinn 8000 km.
Í bílnum er: leður, lúga, cruise control,
tvöfalt DVD-kerfi ásamt tveimur keilum,
losanlegt dráttarbeisli og mikið af
öðrum aukahlutum.
Bíllinn er til sýnis og sölu á bílasölunni bíll.is