Dagblaðið Vísir - DV - 23.03.2007, Qupperneq 8

Finnum bannað
að reykja
Frá og með fyrsta júní verða
allar reykingar bannaðar á
finnskum börum og veitinga-
húsum. Þeir sem streitast á
móti þessum nýju lögum eiga
á hættu að verða sektaðir af
lögreglu. Starfsmenn veitinga-
staða eiga að passa upp á að
gestir þeirra virði lögin og eins
treysta yfirvöld á að almenn-
ingur láti vita ef einhver vertinn
tekur bannið ekki alvarlega. Á
sama tíma og finnskir veitinga-
staðir henda öskubökkunum
ætla Danir að seinka gildistöku
sambærilegra reykingalaga þar
í landi til 1. ágúst.
Ríkisstjórn Simbabve hefur lýst því
yfir opinberlega að árið 2007 verði
þurrkaár og að meirihluti þjóðar-
innar muni þurfa hjálp til að halda
lífi. Um leið var ítrekuð sú staðfasta
ákvörðun ríkisstjórnarinnar að af-
þakka hvers konar utanaðkomandi
matvælaaðstoð, ríkið myndi sjá fyr-
ir sínum.
Maísinn visnaður
Matsskýrsla ríkisstjórnarinnar
leiðir í ljós að flest héruð hafa feng-
ið að kenna á alvarlegri þurrkatíð
sem hafi drepið niður gróður víðast
hvar og eyðilagt nærri alla maísupp-
skeruna, sem er undirstaðan í mat-
aræði Simbabvebúa. Landbúnaðar-
ráðherra landsins segir hins vegar að
ríkið ráði fyllilega við að metta maga
þjóðarinnar. „Við höfum getu til þess
og munum ekki þurfa utanaðkom-
andi aðstoð,“ sagði hann við blaða-
mann Reuters.
Opinbera dagblaðið The Herald,
sagði frá því í síðustu viku að ríkis-
stjórnin myndi sjálf flytja inn 400
þúsund tonn af maísmjöli, aðal-
lega frá Suður-Afríku, til þess
að næra fólk þar
sem uppskeran hefur brugðist. Fólk
í suðurhluta landsins verður verst úti
í uppskerubrestinum.
Vinna fyrir matnum
Þessi matvælaaðstoð ríkisins
verður hins vegar ekki ókeypis nema
í undantekningartilfellum. 50 kílóa
poki mun kosta í kringum
185 krónur íslenskar. Þrátt
fyrir að þetta sé ríflega
niðurgreitt af ríkinu, þá
er það engu að síður of
dýrt fyrir marga Simbabve-
búa. Þjóðin er ein
sú allra fátækasta í heimi, 83 prósent
þjóðarinnar dregur fram lífið á innan
við 140 krónum á dag. Verðbólgan er
sú mesta sem þekkist í heiminum,
hún nemur um 1700 prósentum
núna og er búist við að hún hækki
jafnvel upp í 5.000 prósent fyrir
árslok.
Fátækir íbúar suðurhéraða
Simbabve óttast því hung-
ursneyð, jafnvel þó að mat
sé að hafa í forðabúrum
ríkisins og forsetinn
hafi ekki áhyggjur af
ástandinu.
föstudagur 23. mars 20078 Fréttir DV
erlendarFréttir
ritstjorn@dv.is
Mugabe aFþakkar
Matvælaaðstoð
Þurrkatíð hefur eyðilagt maísuppskeru Simbabvebúa og stefnir í að stór hluti þjóðar-
innar þurfi matvælaaðstoð. Forsetinn Robert Mugabe hefur hins vegar afþakkað al-
þjóðlega neyðarhjálp og segist geta séð um sína þjóð sjálfur. Matvælaaðstoð Mugabes
verður hins vegar líklega of dýr fyrir eina fátækustu þjóð í heimi.
HeRdís siguRgRíMsdóttiR
blaðamaður skrifar: herdis@dv.is
Maísmjöl uppskerubrestur í maís kemur illa við simbabvebúa enda er maís
uppistaðan í mataræði simbabvebúa.
Robert Mugabe forseti
simbabve hafnar boði um
alþjóðlega matvælaaðstoð.
búddalíkneski
og berbrjósta
konur valda reiði
Stjórnarandstaðan á Mal-
dív-eyjum gagnrýnir harðlega
hvernig staðið
var að afmælis-
fagnaði breska
auðkýfingsins
Philip Green í
landinu í síðustu
viku.
Risa búdda-
líkneski, ber-
brjósta sýninga-
stúlkur og óhóflegt magn af
áfengi í veislunni stríðir allt gegn
þeim gildum sem hinir íhalds-
ömu íbúar þessa strangtrúaða
múslimaríkis hafa í heiðri. Þetta
er haft eftir talsmanni stjórnar-
andstöðunnar á fréttavef BBC.
Skipuleggjendur veislunnar
kunna einnig að hafa brotið lög
landsins með því að flytja inn
búddalíkneskið. Því öll tákn
annarra trúarbragða en Múh-
ameðstrúar eru bönnuð í land-
inu og er farandverkamönn-
um frá Sri Lanka meðal annars
bannað að hafa litlar búdda-
styttur í vösum.