Dagblaðið Vísir - DV - 23.03.2007, Blaðsíða 12

föstudagur 23. mars 200712 Fréttir DV
Mikið umhverfiskapphlaup er hafið í Bretlandi.
Forystumenn Verkalýðsflokksins og Íhaldsflokksins
keppast um að kynna umhverfisvæn áform sín. Breskir
kjósendur eru sannfærðir um að loftslagsbreytingar eigi
sér stað og telja nauðsynlegt að þeirri þróun verði snúið
við. Þessu bregðast breskir stjórnmálamenn við og
reyna þannig meðal annars að höfða til kjósenda.
horft til umhverfissinna
Leiðtogar Íhaldsflokksins og Verka-
mannaflokksins í Bretlandi keppast
þessi misserin við að leggja fram
tillögur um hvernig skuli dregið úr
losun gróðurhúsalofttegunda. Á
sama tíma kynna stærstu verslun-
arfyrirtæki landsins metnaðarfull
áform sín í umhverfismálum. All-
ir vonast til að hitta kjósendur og
neytendur í hjartastað.
Gordon Brown, fjármálaráð-
herra Bretlands og verðandi forsæt-
isráðherra, kynnti í byrjun vikunnar
nýtt fjárlagafrumvarp ríkisstjórnar
landsins. Meðal nýjunga eru hækk-
un gjalda á eyðslufrekar bifreið-
ar og sérstakur skattaafsláttur til
þeirra heimila sem framleiða eig-
in orku með sólarrafhlöðum eða
vindmyllum. Þetta er í takt við inni-
hald frumvarps ríkisstjórnarinn-
ar um hvernig stemma megi stigu
við neikvæðri þróun í loftslagsmál-
um. Markmiðið er að draga úr los-
un gróðurhúsalofttegunda um tíu
prósent fyrir árið 2010 og um sextíu
prósent til ársins 2050.
Frumvarpið, sem væntanlega
verður að lögum á næsta ári ger-
ir ráð fyrir að samin verði sér-
stök mengunarlög. Þau eiga að
vera sambærileg við fjárlög þar
sem losun gróðurhúsalofttegunda
á fimm ára tímabili verður fest í
lög. Verkamannaflokkurinn segir
þessar tillögur fyrstar sinnar teg-
undar í heiminum en samkvæmt
grein The Economist voru svip-
uð áform kynnt í Frakklandi fyrir
tveimur árum.
Daginn áður en Brown kynnti
þessi áform hafði David Cameron,
leiðtogi Íhaldsmanna, gagnrýnt
framgöngu Verkamannaflokks-
ins í umhverfismálum og benti
réttilega á að losun skaðlegra loft-
tegunda hefði aukist í valdatíð
þeirra.
Tímasetningarnar á yfirlýsing-
um þeirra Browns og Camerons eru
varla tilviljanir enda segir í grein
The Economist að umhverfismál
spili orðið jafnstóra rullu í breskum
stjórnmálum og heilbrigðismál,
menntamál og málefni innflytj-
enda. Enda eru áttatíu og fimm pró-
sent þjóðarinnar sannfærð um að
loftslagsbreytingar eigi sér stað og
telja nauðsynlegt að brugðist verði
við til að snúa þróuninni við.
Flugfarþegar borgi
mengunarskatt
Hversu meðvitaðir kjósend-
ur eru skýrir væntanlega þá miklu
áherslu sem flokkarnir leggja á um-
hverfismál. David Cameron hefur
allt frá því að hann tók við stjórn-
artaumunum í Íhaldsflokknum
fyrir tæpu einu og hálfi ári, reynt
að skapa sér sérstöðu innan mála-
flokksins.Hann hefur meðal annars
talað fyrir því að reglur Evrópusam-
bandsins, sem snúa að mengun
framleiðslufyrirtækja, verði hert-
ar. Aðrar tillögur Íhaldsmanna um
hvernig megi stemma stigu við los-
un gróðurhúsalofttegunda þykja
hins vegar ansi byltingarkenndar
fyrir flokkinn. Til dæmis áform um
að fólki verði úthlutaður eins konar
flugkvóti og þeir sem fullnýti hann
verði að borga hærri skatt, ætli þeir
sér að fljúga meira fyrir næstu út-
hlutun. Eins þykir flokkurinn tefla
fulldjarft, að margra mati, að ætla
að setja sér eins árs markmið um
losun skaðlegra lofttegunda í stað
fimm ára eins og Verkamannaflokk-
urinn ætlar að gera. Cameron þótti
hins vegar vinna stig í samkeppn-
inni um athygli fjölmiðla þegar
hann tilkynnti að Al Gore, fyrrver-
andi varaforseti Bandaríkjanna
og helsti baráttumaðurinn á sviði
loftslagsmála, myndi ávarpa þing-
flokkinn. En fyrirfram hefði demó-
kratinn Gore átt meiri samleið með
Verkamannaflokknum.
Kjósendur ekki sannfærðir
Þrátt fyrir þá vakningu sem hef-
ur átt sér stað í loftslagsmálum með-
al bresks almennings þá sýna ný-
legar kannanir að áhugi kjósenda
á málaflokknum er ekki eins mikill
og áhersla stjórnmálaflokkanna á
þau gefur tilefni til að halda. Í skoð-
anakönnun The Guardian í síðustu
viku kom einnig fram að rúmlega
þriðjungur kjósenda treystir hvorki
Cameron né Brown til að standa við
loforð sín í umhverfismálum. Hins
vegar eru fleiri kjósendur fylgjandi
umhverfisstefnu íhaldsmanna. En
flokkurinn ætlar samkvæmt grein
The Guardian að nota umhverfis-
málin til að færa sig nær miðjunni.
Einnig er fullyrt að áróðursmeistarar
flokksins hafi andað léttar að sjá að
róttækar tillögur um að leggja sér-
stakt gjald á flugfarþega hafi ekki
fallið í grýttari jarðveg en efni stóðu
til að margra mati, þar á meðal þing-
manna flokksins.
Bresk flugvél forystumenn
stjórnmálaflokkanna hafa uppi stór orð um
hvernig þeir ætli að stemma stigu við losun.
David Cameron gagnrýndi
framgöngu Verkamannaflokksins í
umhverfismálum og benti réttilega á
að losun skaðlegra lofttegunda hefði
aukist í valdatíð þeirra.