Dagblaðið Vísir - DV - 23.03.2007, Qupperneq 18

föstudagur 23. mars 200718 Fréttir DV
Mælt Með íslenskuM vændiskonuM
Grunur hefur vaknað um mansal eftir að brasilísk vændiskona var handtekin á Hótel
Sögu fyrr í mánuðinum. Lögreglan rannsakar þann þátt málsins og er það enn í
vinnslu. Nokkuð virðist vera um vændi á Íslandi þó það sé ekki mjög skipulagt enn
sem komið er. Þá má finna erlendar heimasíður þar sem mælt er með íslenskum vænd-
iskonum en síðurnar sérhæfa sig í að kortleggja vændi víðsvegar um heiminn. Um er
að ræða reynslusögur karla að ræða sem hafa borgað fyrir vændiskonur hér á landi.
Fyrir um tveimur vikum var
brasilísk vændiskona handtekin
á Hótel Sögu. Í ljós kom að hún
hafði stundað vændi hér á landi
og var ekki á Íslandi í fyrsta sinn.
Karlmaður var handtekinn í kjöl-
farið grunaður um að vera dólg-
ur konunnar. Hann neitaði alfarið
sök og var því sleppt eftir skýrslu-
töku. Sá maður hefur áður komist í
kast við lögin vegna máls er varðar
nektarnuddstofu. Hann var aldrei
ákærður fyrir þá glæpi sem hann
var grunaður um.
Það var ekki fyrr en starfsfólk
Hótel Sögu fékk upphringingu frá
kollegum sínum á Hótel Nord-
ica sem í ljós kom að vændis-
kona hefði aðsetur í herbergi 651
á hótelinu. Mikill umgangur karl-
manna hafði þegar vakið athygli
starfsmanna. Erfitt var þó að væna
konuna um vændi án þess að hafa
nokkrar sannanir fyrir því.
Starfsmenn hótelsins hringdu
því strax á lögregluna sem brást
við. Úr varð að brasilíska vænd-
is-konan var handtekin og færð á
lögreglustöðina í Reykjavík. Í ljós
kom að konan var ekki hér á landi
í fyrsta sinn. Ekki fékkst staðfest
hvenær hún var hér áður.
Þar sem vændislöggjöfin er afar
víðtæk var aðeins tekin skýrsla
af konunni. Henni var svo sleppt
lausri og í kjölfarið hélt hún aftur
til síns heima.
Fleiri hótel
Við skýrslutöku kom í ljós að
stúlkan brasilíska hafði haft við-
komu á fleiri en einu hóteli. Þegar
rætt var við hótelstjórann á Hótel
Nordica vildi hann ekki kannast
við að vændi hefði verið stundað
þar. Hótelstýra Hótel Sögu, Hrönn
Greipsdóttir, segir að vegna góðs
samstarfs hótelanna hafi aðili
hringt frá Hótel Nordica og látið
þau vita af konunni.
Hrönn segir góða samvinnu
milli hótelanna vegna slíkra mála.
Þá er hringt á milli og látið vita ef
hugsanlegt vandamál hafi færst
yfir á annað hótel. Þetta mun þó
vera í fyrsta sinn sem það fékkst
staðfest að vændiskona væri að
selja líkama sinn á hóteli. Sögur
þess efnis hafa þó verið þrálátar.
Enginn ákærður
Rannsókn lögreglunnar varð til
þess að karlmaður var handtekinn
í tengslum við málið. Í ljós kom
að hann hafði áður verið kærður
fyrir að vera ábyrgur fyrir vændi
hér á landi. Það var fyrir þremur
árum. Þá gerði lögreglan húsleit
hjá tveimur nuddstofum en grun-
ur lék á að þær byðu upp á kynlíf
gegn borgun. Fjórir voru hand-
teknir vegna þess máls. Tveir karl-
menn og tvær konur voru kærð
fyrir aðild sína að málinu.
Lögreglan rannsakaði málið til
fulls og sendi svo til ákæruvalds-
ins. Fallið var frá því að ákæra
fólkið vegna brotsins.
Grunur um mansal
Yfirmaður kynferðisbrota-
deildar lögreglunnar á höfuð-
borgarsvæðinu sagði í viðtali við
DV að einn þáttur sem væri rann-
sakaður ásamt öðrum væri hugs-
anlegt mansal. Það er þó aðeins
einn möguleiki af mörgum.
Talskona Stígamóta, Guðrún
Jónsdóttir sagði í viðtali, að þetta
tilvik bæri með sér öll ummerki
mansals. Konan brasilíska hafði
verið lokuð inn á hótelherbergj-
um og svo sendi dólgurinn við-
skiptavini til hennar. Hún segir
einnig að það sé ekkert nýmæli
að vændi þrífist á hótelum hér
landi, „Já, við höfum því miður
orðið varar við vændi á hótelum
hér á landi,“ segir hún aðspurð um
landslag vændis hérlendis.
Áður grunur um vændi
„Það hefur komið upp grunur
um að stúlka hafi lent í mansali,“
segir Margrét Steinarsdóttir, lög-
fræðingur Alþjóðahússins. Hún
segir lagaumhverfi á Íslandi ekki
nógu gott til þess að bregðast við
slíkum tilfellum.
„Við náum eiginlega aldrei
trausti stúlkna sem lenda í svona
aðstæðum,“ segir Margrét um erf-
iðar aðstæður stúlknanna sem til
hennar leita. Hún segir að oftar en
ekki vofi mikil hætta yfir þeim sem
lenda í klóm þeirra sem stunda
mansal. Þá sé oft búið að hóta fjöl-
skyldum kvennanna eða þaðan af
verra; börnum þeirra. Þær hafa þó
ekki leitað til Alþjóðahússins.
Byrjar á netinu
DV komst yfir símanúmer til
þess að ná í vændiskonuna bras-
ilísku. Það mátti finna á private.
is en samkvæmt lauslegri könn-
un má þar finna fleiri konur sem
falbjóða líkama sinn. Þegar blaða-
maður hringdi í númerið sem átti
að koma honum í samband við
vændiskonuna kemur talhólf.
Kona sem segist heita Lauf-
ey biður karlmenn um að lesa
inn skilaboð og svo muni hún
hringja aftur. Þrátt fyrir að skila-
boð hafi verið lögð inn var ekki
hringt til baka.
Númerið er óskráð og því
ómögulegt að finna út hver sé
eigandi þess. Það er þó skýrt að
konur stunda vændi hér á landi
og nota til þess veraldaravefinn.
Mælt með vændi
Hægt er að finna erlendar
vefsíður þar sem mælt er með
vændiskonum á Íslandi. Yfirleitt
er þar vísað á vefina private.is og
einkamal.is. Þetta eru evrópsk-
ar heimasíður sem sérhæfa sig í
að kortleggja vændi fyrir þá sem
það stunda. Nær undantekninga-
laust er um reynslusögur að ræða.
Þar á meðal er mælt með brasil-
ískri vændiskonu sem kallar sig
victoria22 en hana mátti nálgast
á einkamal.is. Þá er einnig mælt
með íslenskri vændiskonu sem er
kölluð Björg. Hún mun hafa boð-
ið upp á nudd ásamt kynlífi. Slóð
fylgdi með á heimasíðu hennar en
síðan lá niðri þegar farið var inn á
hana.
valur GrEttisson
blaðamaður skrifar: valur@dv.is
F r j á l s t , ó h á ð d a g b l a ð
mánudagur 19. mars 2007 dagblaðið vísir 25. tbl. – 97. árg. – verð kr. 235
fréttir
menning
Talaði í 8 mínútur
Listalíf
í Skaftfelli
DV-sport fylgir
vændi á
hótel sögu
LögregLan handtók brasiLíska gLeðikonu:
- grunur um að konan hafi verið hér áður. hafði marga viðskiptavini. sjá baksíðu.
dv mynd gúndi
Þau töluðu mest Þau töluðu minnst
fréttir
Tekinn
með hníf
>> Eiginmaður Valgerðar
í vanda í Suður-Afríku.
Hörð átök
>> Neyð íbúa á Sri Lanka
eykst. Tugþúsundir hafa
flæmst frá heimilum sínum.
Prentað í morgun
Herbergi 651
Herbergisnúmer brasilísku
vændiskonunnar var 651 en þangað
komu fjölmargir karlmenn og nýttu
sér bága aðstöðu konunnar.
lögreglustöðin við Hverfisgötu
Vændiskonan sem var handtekin á
Hótel sögu var flutt til yfirheyrslu á
Lögreglustöðinni við Hverfisgötu.