Læknablaðið - 15.10.1988, Blaðsíða 39

LÆKNABLAÐIÐ
333
í síðustu málsgrein markmiðs 20 um, að tveir
læknar skuli ráðnir á allar Hl-stöðvar.
Hugmyndir félagsins um að Ieggja niður
einmenningsstöðvar hafa oft verið til umræðu,
fyrst og fremst í tengslum við gerð
kjarasamninga.
Sérfræðiþjónusta
í markmiði 21 er gert ráð fyrir »að fyrir árið 1995
verði kostur á sérfræðiþjónustu á öllum stærri
heilsugæslustöðvum og á göngudeildum
sjúkrahúsa«. Stjórnin bendir á, að
sérfræðiþjónusta hefur ávallt staðið til boða á
öllum göngudeildum sjúkrahúsa. Með hliðsjón af
því, sem áður er sagt um stöðvar sérfræðinga í
þessari umsögn, telur stjórn Læknafélags íslands,
að ekki sé mikil ástæða til að flytja
sérfræðiþjónustu inn á heilsugæslustöðvarnar.
Þó gæti það átt rétt á sér, þar sem ekki væri um
aðra kosti að velja.
Endurhæfing
í markmiði 22 segir: »Stefnt verði að því að
endurhæfingaraðstaða verði í hverju
heilsugæsluumdæmi eða í næsta sjúkrahúsi, en
sérhæfð endurhæfingarstarfsemi í Reykjavík og á
Akureyri«. Með hliðsjón af starfsemi
Reykjalundar telur stjórn Læknafélags Islands
eðlilegra, að setningin væri orðuð á þann veg, að
sérhæfð endurhæfingarstarfsemi skuli vera á
Reykjavíkursvæðinu og á Akureyri. Ennfremur
telur stjórnin, að síðasta setning markmiðs 22
megi falla niður, sökum þess að þar er fjallað um
svo sjálfsagt atriði, að ekki tekur því að eyða á
það orðum.
Geðlækningar, öldrunarlækningar o.fl.
í áætluninni er sérstaklega fjallað um tvö svið
sérfræðiþjónustu, geðlækningar (M 25) og
öldrunarlækningar (M 26). Stjórn félagsins tekur
undir, að efla megi starfsemi þessara sérgreina hér
á landi. Stjórnin bendir þó á, að á hinu sama
þyrftu ýmsar aðrar sérgreinar að halda, ef þeim á
að takast að ráða við verkefni sín á viðunandi
hátt.
í riti Alþjóða heilbrigðismálastofnunarinnar,
»Targets for Health for All«, er sérstaklega
minnst á sérsviðin hjarta- og æðasjúkdóma og
krabbamein. Stjórn félagsins telur, að þessi
sérsvið þurfi einnig að efla sérstaklega hér á landi.
Læknisfræðileg hátækni
Á sl. áratug hefur orðið veruleg þróun í
læknisfræðilegri hátækni. Fram til þessa hefur
lítið sem ekkert verið gert til að koma þessari
hátækni á fót hér á landi vegna kostnaðar. Um
það eru allir sammála, að óbreytt staða á þessu
sviði er landsmönnum því háskalegri sem lengra
líður. Stjórn félagsins telur mjög brýnt, að gerð
verði áætlun um hátækni í læknisfræði hér á
landi og álitur, að sú áætlun eigi heima í þessari
heilbrigðisáætlun.
Nám heilbrigðisstétta
í markmiði 31 er m.a. fjallað um nám
heilbrigðisstétta. Stjórn Læknafélags íslands
telur, að þarna þurfi sérstaklega að fjalla um
háskólanám heilbrigðisstétta (lækna,
hjúkrunarfræðinga, sjúkraþjálfara o.fl.). Full
ástæða er til, að háskólanám heilbrigðisstétta sé í
stöðugri endurskoðun m.t.t. síbreytilegra þarfa í
heilbrigðisþjónustunni. Þá er rétt að benda á
nauðsyn þess, að verklegt nám fari ekki eingöngu
fram á sjúkrahúsum. Á þetta ekki síst við um nám
læknanema.
Rannsóknir
Stjórn félagsins telur nauðsynlegt, að í markmiði
32 verði rannsóknaverkefni nánar skilgreind og
að sérstaklega verði kveðið á um rannsóknir á nú
óþekktum orsökum sjúkdóma, sem leiða til
varanlegrar fötlunar.«
HEILBRIGÐISÞING
Heilbrigðis- og tryggingamálaráðuneytið boðaði
til heilbrigðisþings 5. febrúar 1988 þar sem
íslensk heilbrigðisáætlun var til umfjöllunar.
Sátu það formaður og varaformaður fyrir hönd
L.í. Ráðuneytið hafði skipað sjö vinnuhópa um
hina ýmsu þætti áætlunarinnar og fluttu formenn
þeirra skýrslur á þinginu. Síðan fóru fram
umræður og óskuðu fjölmargir eftir að taka til
máls enda voru á þinginu fulltrúar rúmlega 20
félaga heilbrigðisstétta og rúmlega 40
heilbrigðisstofnana auk fjölmargra fulltrúa
annarra aðila. Ræðumönnum var því
skammtaður svo knappur tími að flestir töldu sig
hafa komið til skila aðeins broti þess sem þeir
vildu sagt hafa. Fyrir þinginu lágu skýrslur
starfshópanna og umsagnir ýmissa aðila. í lokin
dró Páll Sigurðsson ráðuneytisstjóri saman
niðurstöður sem hann sagði að yrðu hafðar til
hliðsjónar við gerð endanlegrar útgáfu
heilbrigðisáætlunar fyrir ísland sem lögð yrði
fyrir Alþingi til staðfestingar. Þegar þetta er ritað
er stjórn L.í. ekki kunnugt um að því verki sé
Iokið.