Læknablaðið - 15.12.1991, Blaðsíða 9

LÆKNABLAÐIÐ 1991; 77: 373-7.
373
Ólafur Steingrímsson', Karl G. Kristinsson', Jón Hjaltalín Ólafsson2, Sigfús M.
Karlsson', Raymond W. Ryan-1
GREINING KLAMYDÍUSÝKINGA MEÐ
RÆKTUN, CHLAMYDIAZYME® -PRÓFUM OG
STAÐFESTINGARPRÓFUM ÞEIRRA
ÁGRIP
I rannsókninni voru bomar saman niðurstöður
klamydíuræktunar og Chlamydiazyme®-
prófa hjá 5559 sjúklingum frá árunum
1987 og 1990, þar sem bæði prófin höfðu
verið gerð samtímis. Reynt var að meta
ávinning af því að breyta viðmiðunargildum
Chlamydiazyme®-prófsins og nota
mismunandi gildi fyrir karla og konur. Einnig
var reynt að taka afstöðu til þess hvort breyta
ætti túlkun niðurstaðna og búa til grátt svæði
þannig að niðurstaða prófsins teldist jákvæð,
neikvæð eða vafasóm. Staðfestingarpróf voru
gerð með 247 jákvæðum sýnum og var reynt
að meta gildi þess að gera staðfestingarpróf
á hátt neikvæðum sýnum. 1 ljós kom að
væru viðmiðunargildi lækkuð um 40-50%
(í um það bil 0.060), myndi næmi prófsins
aukast í 84% hjá körlum úr um 70%, án
þess að sértæki minnkaði. Því hefur verið
ákveðið að gert verði staðfestingarpróf
þegar Chlamydiazyme®-próf eru 0.060
eða hærri. Ef niðurstaða prófsins er hærri
en viðmiðunargildin, sem framleiðandinn
mælir með og staðfestingarprófið er jákvætt,
verður prófinu svarað sem jákvæðu, en ef
niðurstaða prófsins er undir þessum mörkum
en hærri en 0.060, verður prófinu svarað sem
grunsamlegu.
INNGANGUR
Chlamydia trachomatis hefur verið algengasta
orsök kynsjúkdóma á Islandi eins og í öðrum
vestrænum löndum (1-7) um árabil. Bakterían
veldur ýmsum sjúkdómsmyndum, en oftast
er um tiltölulega meinlausan sjúkdóm að
Frá sýklarannsóknadeild Landspítalans1, húö- og
kynsjúkdómadeild Heilsuverndarstöövar Reykjavíkur2,
sýklarannsóknadeild Háskólans í Connecticut í
Bandaríkjunum'1. Fyrirspurnir, bréfaskipti: Ólafur
Steingrímsson.
ræða. Ómeðhöndlaðar sýkingar geta þó haft
alvarlegar afleiðingar og valdið umtalsverðum
kostnaði í heilbrigðiskerfinu. Áhugi og
skilningur lækna á fyrirbyggjandi aðgerðum
hefur farið vaxandi (8) en það sést meðal
annars á síauknum fjölda sýna, sem send
eru á sýklarannsóknadeild Landspítalans
til klamydíurannsókna. Ræktanir á C.
trachomatis hófust á deildinni 1981 og í
árslok 1985 var tekin upp greining með
hvatatengdu mótefnaprófi, Chlamydiazyme®,
sem leitar að mótefnavökum bakteríunnar í
sýnum.
í samvinnu sýklarannsókna- og kvennadeilda
Landspítalans, kynsjúkdómadeildar
Heilsuvemdarstöðvar Reykjavfkur og
sýklafræðideildar háskólans í Connecticut
í Bandaríkjunum var á árunum 1984 og
1985 gerð ein af fyrstu rannsóknum á
notagildi þessarar aðferðar (9,10). í ljós kom
að aðferðin var gagnslítil við rannsókn á
einkennalausum einstaklingum og óhæf til
skimunar (10). Nýlega setti framleiðandi
Chlamydiazyme® á markað annað próf
(11), sem nota skal með fyrra prófinu til að
útiloka falskjákvæð próf, sem orsakast af
krossverkunum við aðrar tegundir baktería
en C. trachomatis.
Vandkvæði geta verið á því að að senda sýni
til ræktana vegna takmarkaðs geymsluþols
slíkra sýna. Sýni til Chlamydiazyme®-
rannsókna má hins vegar geyma í allt að viku
við stofuhita án teljandi áhrifa á niðurstöðu
prófsins. Því væri verulegur ávinningur ef
mótefnaprófið nýttist til skimunar þó ekki væri
nema í vissum tilvikum.
Tilgangur eftirfarandi rannsóknar var að
bera saman niðurstöður úr ræktunum og
Chlamydiazyme®-prófum og kanna hvorl
auka mætti notagildi prófsins með því
að breyta viðmiðunargildum fyrir jákvæð
próf. Jafnframt voru niðurstöður úr þeim