Læknablaðið - 15.12.1991, Blaðsíða 25

LÆKNABLAÐIÐ
387
einnig neytt áfengis. Lítill munur var á töku
benzódíazepín sambanda eftir kynjum, en þau
fundust í blóði 43% karla og 50% kvenna.
Ópíöt fundust í blóði 15 sjúklinga (9.7%
hópsins). Við nánari rannsókn með
gasgreiningu á súlu (sjá töflu II) kom fram,
að í öllum tilvikum var um kódeín að ræða.
Mælingar á þéttni þess sýndu, að þrír þessara
sjúklinga höfðu tekið það í talsvert meira en
lækningalegum skömmtum. Þar eð kódeín
kemur fyrir í nokkrum samsettum verkja-
lyfjum, sem innhalda ýmist asetýlsalisýlsýru
eða parasetamól, var leitað að salisýlsýru og
parasetamóli í blóði þessara 15 sjúklinga.
Fannst þá salisýlsýra í þremur og parasetamól
í sjö, sem bendir til þess að kódeínið komi úr
þess háttar samsetningum.
Ólögleg vímuefni fundust í blóði sex
sjúklinga, fjögurra kvenna og tveggja
karla. Var þar um að ræða amfetamín og
kannabínóíða. Engin merki fundust hins
vegar um kókaín og heróín eða umbrotsefni
þeirra. Eins og sést í töflu V var fólk
þetta á aldrinum 19-30 ára. Höfðu þrír
neytt amfetamíns, tveir amfetamíns og
kannabis og einn kannabis eingöngu. Tveir
þessara sjúklinga (nr. 5 og 6) höfðu auk
amfetamíns tekið benzódíazepín sambönd
(díazepam, nítrazepam) í miklu magni. í
töflunni sést, að þéttni amfetamíns í blóði
var á bilinu 24-1100 ng/ml, en þéttni þess
í blóði eftir töku lækningalegra skammta
er venjulega innan við 100 ng/ml (9).
Þéttni kannabínóíða í blóðinu var svipuð og
oft sést í blóði kannabisneytenda án þess
að um eitrun hafi verið að ræða (óbirtar
athuganir rannsóknastofu í lyfjafræði). Enginn
framangreindra sjúklinga var með einkenni um
alvarlega eitrun.
Allir sjúklingamir voru í fyrstu skoðaðir á
slysadeild af læknum lyflækningadeildar
og síðan ráðstafað þaðan eftir ástandi og
þörfum eins og sýnt er í töflu VI. Tuttugu
og einn sjúklingur (13%) gat farið heim
strax að lokinni athugun á slysadeild.
Flestir eða 41 (26%) voru þó lagðir inn á
gæsludeild slysadeildar, en þar eru sjúklingar
til eftirlits, rannsóknar og meðferðar í allt
Table V. Illicit drugs. The only illicit drugs found were
Cannabinoids and Amphetamine in 6 cases.
Age Sex Amphetamine ng/ml Cannabinoids ng/ml
19 F 177 5-50
23 F 140 >50
24 M n.d. 5-50
27 M 24 n.d.
29 F 1100 n.d.
30 F 254 n.d.
n.<±: not detected
Table VI. Discharge from the Emergency ward.
Discharge to n* (%)
Flome 21 (14)
Observation dept City Hosp 41 (26)
Medical dept City Hosp 12 (8)
Critical care unit City Hosp 21 (14)
Medical dept National Hosp 21 (14)
Medical dept St Josephs Hosp 7 (4.5)
Psychiatric dept City Hosp 7 (4.5)
Psychiatric dept National Hosp 6 (4)
Police custody 1
Unknown 18 (11)
n*: number of patients
að einn sólarhring áður en þeim er ráðstafað
á aðrar deildir spítalans eða sendir heim.
Tólf sjúklingar (8%) voru Iagðir inn á
lyflækningadeild Borgarspítalans og 21 (13%)
á gjörgæsludeild. Tuttugu og átta (18%) voru
lagðir inn á lyfjadeildir annarra spítala, þar af
21 á Landspítala og sjö á Landakotsspítala.
Þrettán sjúklingar (8%) voru lagðir inn á
geðdeildir, þar af sex á Landspítalann og
sjö á Borgarspítalann. Einn sjúklingur var
afhentur lögreglu til vörslu en óvíst er um
afdrif 18 sjúklinga. Enginn sjúklinganna
lést. Þar sem fullrar nafnleyndar var gætt
við rannsóknina var ekki unnt að rekja nánar
afdrif sjúklinganna eða meðferð.
UMRÆÐA
Borgarspítalinn hefur þá sérstöðu meðal
sjúkrahúsanna í Reykjavík, að þar er starfandi
eina bráðamóttakan á höfuðborgarsvæðinu,
sem alltaf er opin sjúklingum án tilvísunar
læknis. A Borgarspítalanum má því fá
nákvæmari upplýsingar en annars staðar um
tíðni og tegundir eitrana, þar á meðal eitrana
af völdum ólöglegra ávana- og fíkniefna.
Fyrri rannsóknir á eitrurium á Borgarspítala