Læknablaðið - 15.11.1994, Blaðsíða 64

492
LÆKNABLAÐIÐ 1994; 80
Tryggingafréttir
Vissir þú....
...að með því að merkja í viðkomandi reit á
skattskýrslunni er hægt að kaupa sér ódýra
slysatryggingu við heimilisstörf.
...að TR rekur Hjálpartækjamiðstöð, sem út-
vegar hjálpartæki og sér um viðhald, viðgerðir
og endurnýtingu þeirra.
...að þeir milliríkjasamningar um félagslegt
öryggi sem ísland á aðild að ná nú til Evrópska
efnahagssvæðisins (EES), Norðurlanda, Bret-
lands og Kanada.
...að þeir sem hafa verið atvinnulausir lengur
en sex mánuði samfellt eiga nú rétt á læknis-
hjálp á sömu kjörum og lífeyrisþegar. Athugið
þó að greiðslum fyrir lyf hefur ekki verið breytt.
...að sækja þarf um allar bæturtil Tryggingast-
ofnunar ríkisins. Læknisvottorð eitt og sér dug-
ar ekki og er því rétt að minna sjúklinga á að
senda inn umsókn til TR, að minnsta kosti
þegar sótt er um bætur í fyrsta sinn.
Reglur um
ferðakostnað
innanlands
Mikilvægt er að benda lækn-
um á að samkvæmt núgildandi
reglum tryggingaráðs um ferða-
kostnað sjúklinga og aðstand-
enda þeirra innanlands er TR
heimilt að endurgreiða kostnað
vegna ferða, sem sjúklingur
þarf að takast á hendur enda sé
um að ræða eftirtalda alvarlega
sjúkdóma og meðferð þeirra;
Illkynja sjúkdóma, nýrnabilun,
alvarlega augnsjúkdóma, brýn-
ar Iýtalækningar, bæklunar-
lækningar barna og tannrétting-
ar vegna meiriháttar galla eða
alvarlegra tilefna. Ennfremur
er heimilt að endurgreiða vegna
annarra sambærilegra sjúk-
dóma.
Slysatryggðir teljast sam-
kvæmt lögum um almanna-
tryggingar: 1) Allir launþegar,
án tillits til aldurs, sem starfa
hér á landi eða um borð í ís-
lensku skipi eða flugvél. Und-
anskildir eru erlendir ríkisborg-
arar, sem gegna störfum fyrir
erlend ríki. 2) Útgerðarmenn,
sem sjálfir eru skipverjar. 3)
Þeir, sem vinna að björgun
manna úr lífsháska eða vörnum
gegn yfirvofandi meiriháttar
tjóni á verðmætum. 4) Nemend-
ur við iðnnám. 5) íþróttafólk
hjá viðurkenndu íþróttafélagi,
sem slasast við æfingar, sýning-
ar eða í keppni og orðið er 16
ára. 6) Sjúklingar, sem eru til
meðferðar á sjúkrastofnunum
sem starfa samkvæmt lögum um
heilbrigðisþjónustu og heilsu-
tjónið eða örorkan er vegna
læknisaðgerða eða mistaka
starfsfólks sem starfar á þessum
stofnunum.
TRYGGINGASTOFNUN
RÍKISINS