Læknablaðið - 15.03.1995, Blaðsíða 56

262
LÆKNABLAÐIÐ 1995; 81
Master of Public Health við
Háskólann íTromsö
Inngangur
Frá haustinu 1986 hefur Há-
skólinn í Tromsö í Noregi boðið
upp á eins árs nám í Master of
Public Health eða embættis-
lækningum. Hingað til hefur
bara einn íslendingur lokið
námi frá skólanum enda hafa
flestir íslendingar stundað nám
í embættislækningum við Heil-
brigðisháskólann í Gautaborg
og nokkrir í Bretlandi og
Bandaríkjunum.
Við uppbyggingu og skipu-
lagningu námsins hefur verið
horft til London School of Hyg-
ine og Harvard School of Public
Health og er stjórnarformaður
skólans með MPH gráðu frá
þeim síðarnefnda.
Námstilhögun
Haustmisserið hefst um 20.
ágúst og skiptist í sex mánaða
námskeið þar sem kennd eru
eftirtalin fög: Tölvunarfræði og
tölfræði (ein vika), faraldsfræði
og læknisfræðileg tölfræði (fjór-
ar vikur), fyrirbyggjandi læknis-
fræði (þrjár vikur), stjórnun og
skipulagning (tvær vikur), klín-
ísk faraldsfræði og heilsuhag-
fræði (tvær vikur) og heilbrigð-
isfræði (þrjár vikur). Verkefna-
skil er við lok hvers hluta og
lýkur haustmisseri síðan með
prófi úr öllum hlutum.
Haustmisserið er talsvert
strangt og krefst mikillar vinnu
og viðveru. Mikil áhersla er
lögð á að nemendur nái tökum á
tölfræðiprógramminu Epi-Info
enda er það forsenda þess að
nemendur geti skrifað masters-
ritgerð. Þeim sem vilja er heim-
ilt að nota SAS eða SPSS í stað
Epi-Info.
Á fyrstu þremur vikum vor-
misseris er áframhaldandi
kennsla í faraldsfræði og læknis-
fræðilegri tölfræði ásamt því að
undirbúningur að mastersverk-
efni hefst af fullum krafti. Frá
miðjum febrúar er fyrirlestrarfrí
í tvo mánuði sem ætlað er til
vinnu að mastersverkefni.
Skilafrestur er 15. júní og 1. des-
ember ár hvert og í þrjú ár eftir
að vormisseri lýkur.
Misserinu lýkur síðan með
fjögurra vikna námskeiði sem
skiptist milli heilsuhagfræði,
stjórnunar og skipulagningar.
Kostnaður
Skólagjöld eru engin, aðeins
þarf að greiða innritunargjald
að upphæð 8.000 ÍSK til Há-
skólans.
Húsaleiga á almennum mark-
aði er dýr, um 60.000 ÍSK fyrir
þriggja herbergja íbúð en á veg-
um Félagsstofnunar stúdenta er
leiga mun hagstæðari eða um
30.000 ÍSK fyrir íbúð og 19.000
ÍSK fyrir gott herbergi. Fyrir
einstakling má reikna með að
matarkostnaður sé um 30.000
ÍSK á mánuði.
Félagsmenn norska læknafé-
lagsins fá styrk sem nægir fyrir
eðlilegum útgjöldum við námið.
Námið er lánshæft af hálfu
Lánasjóðs íslenskra náms-
manna.
Aðbúnaður
Skólinn er til húsa í nýrri
byggingu læknadeildar háskól-
ans gegnt sjúkrahúsinu og er
aðstaða og aðbúnaður til fyrir-
myndar. Hver námsmaður hef-
ur sína eigin tölvu og hafa stúd-
entar aðgang að aðstöðunni all-
an sólarhringinn. Flestir
kennarar skólans eru annað
hvort á sömu hæð eða næstu
hæð fyrir neðan þannig að nem-
endur hafa greiðan aðgang að
þeim og er mætt með miklum
velvilja. Þetta er sennilega ein
ástæða þess hve stór hluti nem-
enda nær að útskrifast með
MPH gráðu eða um 60% sem er
talsvert hærra hlutfall en annar-
staðar á Norðurlöndum. Há-
marksfjöldi nemenda er 20 á
hverju ári og eru flestir læknar.
Lokaorð
Þessi greinargerð er fyrst og
fremst hugsuð til að kynna ís-
lenskum læknum möguleika á
eins árs námi í MPH við Háskól-
ann í Tromsö. Reynt hefur
verið að greina frá helstu atrið-
um en ef einhverjir hafa áhuga á
ítarlegri upplýsingum er undir-
ritaður fús til að veita þær. Upp-
lýsingabæklingur liggur frammi
á skrifstofu læknafélaganna,
Hlíðasmára 8, Kópavogi.
Kristján Oddsson
Prestvatnet Studentheim
Olastien 8 A-434
9012 Tromsö
Norge
Heimasími 90 47 776 84868
Vinnusími 90 47 776 45357