Læknablaðið : fylgirit - 01.12.1994, Síða 6

6
LÆKNABLAÐIÐ 1994; 80
un, víllausir og alls ósmeykir, tilþess að búa betur í
haginn fyrir komandi ár. “
Ásgeir Blöndal, héraðslæknir á Húsavík, var
talinn hafa fyrst stungið upp á því að stofnað yrði
íslenskt læknafélag. Ásgeir Blöndal var því kjör-
inn fyrsti heiðursfélagi Læknafélags íslands.
Á fyrstu fundum félagsins bar ýmsa málaflokka
á góma. Ber þá fyrst að nefna stéttarmál, kjara-
mál, sjúkraskýli, læknisbústaði í hverju læknis-
héraði, embættisveitingar, embættisframa, lækn-
isfræðilegan bókakost, möguleika til framhalds-
menntunar og nauðsyn á alþýðlegri
heilbrigðisfræðslu. Á fundum voru jafnan langar
umræður um ýmis heilbrigðisvandamál þjóðar-
innar. Á þessum árum var berklaveikin geigvæn-
legt böl. Mörg önnur heilbrigðisvandamál voru
rækilega rædd svo sem sullaveiki, kynsjúkdómar,
stjórn heilbrigðismála, samrannsóknir lækna, út-
rýming lúsar og margt fleira. I dag er eyðni geig-
vænlegasta heilbrigðisvandamál þjóða heims.
Á liðnum 75 árum hefur þjóðfélag okkar, lifn-
aðarhættir og lífsviðhorf breyst verulega. Félagar
í Læknafélagi íslands eru nú 1.354 þannig að fé-
lagafjöldi hefur margfaldast á undanförnum 75
árum, einnig hefur konum í læknastétt fjölgað
allverulega á síðustu 10-15 árum.
Arfleifð lækna í landinu er fjölbreytileg og ríku-
leg. Við höfum lært margt en þrátt fyrir það er
margt enn ólært. Mörgum sjúklingum hefur verið
hjálpað en enn eru margir sem eiga eftir að fá
lækningu.
En hvernig hefur Læknafélag íslands þroskast
þessi 75 ár? Við skynjum háan aldur en gegnir
öðru máli með félags- og siðferðisþroskann?
Með því að halda hátíðlega upp á 75 ára afmæli
Læknafélags íslands fáum við tækifæri til að rifja
upp fortíðina og læra af því sem vel hefur gengið
en jafnframt einnig af mistökum okkar. Við get-
um einnig notað tækifærið til þess að huga að því
sem helst þarf að vinna að í framtíðinni til að efla
og styrkja starf Læknafélags íslands. Hin gífur-
lega þekking læknavísinda í dag krefst þess að
læknar þurfa jafnframt að huga að mannlegum og
siðfræðilegum gildum í starfi sínu en það minnir
okkur jafnframt á það hver við erum en við erum
það sem hver og einn okkar er. Þannig verðum
við færari og hæfari til þess að mæta nútíðinni og
byggja upp framtíðina með því að skilja betur
okkur sjálf.
Ég vil nota tækifærið og þakka þeim mörgu
erlendu gestum sem eru meðal okkar í dag fyrir
velvilja þeirra í garð félagsins sem þeir sýna með
nærveru sinni.
Helga Hannesdóttir flytur ávarp sitt á hátíðardag-
skrá í Borgarleikhúsinu.
Að lokum langar mig til að geta þess að undir-
búningur að þessari afmælishátíð hefur verið mik-
ill og ég vil leyfa mér að þakka sérstaklega þeim
sem starfað hafa með mér í afmælishátíðarnefnd-
inni fyrir frábær störf, einnig formanni Læknafé-
lags íslands Sverri Bergmann fyrir ánægjulegt
samstarf við nefndina ásamt Páli Þórðarsyni
framkvæmdastjóra félagsins og öllu öðru starfs-
fólki læknafélagsins fyrir vandaða undirbúnings-
vinnu og gott samstarf.
Það er einlæg von stjórnar LI að starfsemin
þessi 75 ár hafi orðið læknum til góðs og félagið
megi enn um langa framtíð eiga þess kost að vera
leiðandi afl í heilbrigðismálum landsins.
Megi þessi afmælishátíð efla samhug og sam-
kennd með læknum og læknanemum í landinu og
styrkja þannig sjálfsmynd þeirra í nútíð og fram-
tíð.
Ég leyfi mér hér með að setja 75 ára afmælis-
hátíð Læknafélags íslands í Borgarleikhúsi.