Kjarninn - 27.02.2014, Page 25

03/06 topp 5
4 nei takk, ekki microsoft
Ross Perot stýrði Electronic Data Systems
(EDS) árið 1979. Maður að nafni Bill Gates
bauð honum að fjárfesta í athyglisverðu
nýsköpunarfyrirtæki sem hann stýrði á
þeim tíma, Microsoft. Gates var að leita
að 40 til 60 milljónum Bandaríkjadala,
til að fjármagna þróun á stýrikerfi og
hugbúnaði, sem Gates taldi að myndi bylta
tölvuheiminum. Perot ákvað að segja nei
takk. Honum fannst verðið of hátt, en EDS
var á þessum tíma virði um eins millj-
arðs Bandaríkjadala. Ótrúleg velgengni
Microsoft fylgdi í kjölfarið og var það
ekki fyrr en á þessu ári sem Gates lét af
stjórnarformennsku. Ákvörðun Perot var
afdrifarík. Ef hann hefði ákveðið að kaupa
í Microsoft hefði hann getað tekið þátt í
einni mestu velgengnissögu sögunnar.
Markaðsvirði Microsoft er nálægt 240
milljörðum Bandaríkjadala, samkvæmt
lista Forbes. Perot sagði í viðtali við
Seattle Times að þessi ákvörðun væri hans
versta á ferlinum. Það er ekki hægt annað
en að taka undir það með Perot, að þetta
reyndist óskaplega röng ákvörðun.