Kjarninn - 27.02.2014, Page 26

04/06 topp 5
3 google? hvað er það?
Excite var vinsælasta leitarvélin á
internetinu í smá tíma. Árið 1999, ári
eftir að Google var stofnað, stóð Excite á
tímamótum og gátu forsvarsmenn félags-
ins tekið mikilvægar ákvarðanir um vöxt
þess. Meðal þess sem kom til greina var að
kaupa kjölfestuhlut í Google á 750 þúsund
Bandaríkjadali, sem er aðeins minna en
tæplega 200 milljarða Bandaríkjadala
verðmiðinn sem er á Google í dag. Excite
var eitt margra fyrirtækja sem fjárfestar
horfðu til í netbólunni svokölluðu. Þegar
halla tók undan fæti hrundi markaðsvirði
Excite og fór svo að lokum að það lítið
fyrirtækið, AskJeeves, keypti Excite þegar
það var á barmi gjaldþrots. Forstjóri
Excite sem hafnaði kaupum á hlut í
Google heitir George Bell. Hann hefur
þetta glataða tækifæri á samviskunni en
lét víst hafa eftir sér þegar hann hafnaði
boðinu að hann vissi ekkert hvað Google
væri eða hvað það ætti að vera.